水草情迷

呢期我老婆真係出晒位又有新攪作啦

上兩個星期,我放工返到屋企,缸面有十幾條魚屍,有明顯架爪痕...........兇手就係缸裏面忽然多左個隻"龜".
太后娘娘話見隻龜龜幾可愛米買一隻返來,點知一放落去就追d魚啦,睇往d魚被隻龜追住來剎,但又唔敢捉佢.當時我正想發惡時,太后娘娘使出佢架扁咀樣來對付我.我只好先捉龜,仲要面露笑容咁話無所謂啦.下次唔好啦.但心就痛到死啦.我新買個五條棋盤死晒.......正一甲乙龜!!!

剛剛架星期日,中午我去左踢波,太后娘娘就同周仔談情.四點鐘返到屋企.一入房.有d問題,太后娘娘就換左衫同周仔談情.跟住一望個缸......嘩....嘩....嘩嘩.點解得番個魚缸架.我個個明明係草缸呀.有魚無草.d泥就由红變克.再望d魚...嘩去左伊拉克呀.幾條燈魚,小精靈同飛狐浮左係水面.幾條金青苔條尾爛左游都游唔到.其他魚都傷晒.最激係.....點解少左十幾條魚架?????係缸邊有一個水桶同一個膠袋.水桶裹面發現有好多"草頭"得兩三吋.膠袋就有好多"草根"同紅泥.
我即時嘩左出黎.太后娘娘被我嚇醒左,跟住就話:"係咪好開心呢.我見d草太長,咪幫你剪草,咁順便換泥啦.頭先太累啦,出去買泥返來.而家你返黎就你做番啦"
我就問啦:"點解所有草得番個2吋架"
太后娘娘:"剪短d就唔使成曰剪啦"
我又問啦:"點解d魚傷晒又小咁半架"
太后娘娘:"唔知呀,頭先d魚呀游得幾快呀.捉都捉唔到佢地呀"
我再問啦:"咁妳點換泥呀'
太后娘娘:"咪剷晒d泥,倒過d新泥落去"
真相大白啦.相信各位兄弟都知咩事啦.最后我d魚死晒.而我就無啦啦翻缸再買魚.

而我也再一次面露笑容咁同太后娘娘講"唔該,多謝!!!!".
淚在心裹流!!!!

我想知原本太后想用咩泥呀？

一直用開紅泥,現太后轉用克泥

雖然我都係太后，不過我係鍾意種草養魚既太后。
你講到你太后好蠢咁（睇到我火都0黎埋），不過似乎你又好enjoy。
我覺得，你應同太后講清楚在不明朗的情況下唔好亂攪你個缸，唔係佢識唔識或者係錢的問題，入面都有成堆小生命，要重視的。

_________________
老鬼一隻

佢唔係蠢,係唔識啫.我又無教佢.都係我衰.而家自作自受啦.

佢只是想幫你o者。是愛的表現的一種方法, 是嗎?

Wow, 好幸福啊。 (不過D魚就死得不明不白)
你可以在下次換水剪草時叫佢幫你手, 幫多兩三次佢就會知道應該怎樣做才不會出錯。

你令我諗起警察、賊同市民過海IQ題，唔知點警察一定同是旦一邊，賊同市民就唔可以單獨一齊。下次踢波一係帶老婆，一係帶埋缸魚去。得閒帶老婆去多D街，我覺得你老婆傻下傻下咁.....除咗做掌櫃。

努力 努力 努力！！！快了

haha!!me too!!I afraid my dad and mum will see it,and scold me!!

is good that i was still a From 1 學生,just afraid my mum and dad will scold me!!HAHA!!

哈哈~~我都係咁wo~~

而家都要减少養草同魚架開支啦,長時間唔會有咩大動作啦.

因為買左個"新老婆"呀

haha!!

咪係!! 我又唔信真係會咁無知啦, 好心啦, 用d魚的生命來耍花槍, 真係睇到火滾

咁又唔洗咁火滾...
不過我覺得"無知"都係一種罪.
古人常道"不知者不罪!"...不知者可能真係冇罪...不過縱容不知者犯罪乃大罪也!!
係時候好好同你老婆傾傾啦...