水草情迷

想問幫人搵平野是否有罪？！
竟然有位人兄話，我幫人攞平野及介紹去發達買野，唔通我會有回佣收。
就算當我有着數，起碼都平過魚街買。
事由一：
有位人兄新開缸乜都唔識，但佢又要名牌又心大心細，
所以我和幾位網友去介紹佢去發達買，
佢先係發達訂左個缸後，後再買左個金霸P30瀘筒、
一包ADA生化棉及一包除磷劑，原價$846、實收$800。
但當佢買完步出門口就講話：「邊個叫我去發達買」，
係第二日早上我即返回發達同老細文相討這事，
事後發現個sales一時遺望左個filter降左價，
隨即知會個位人兄取回$50蚊，相信我自已己做左朋友之道。
事由二：
他知我可訂海利冷水機可平，咁就叫我幫佢取部HL-380CA，
我話冇問題，他還說一句：「駛唔駚比訂先」，
我還答佢：「唔駛啦！暫時未有貨，貨到先比錢啦！」
在場都有好幾位網友聽著。
終於貨到咁就通知佢取貨，佢話個缸未做好，可唔可以遲D先拎，
我話應該冇問題，但先要比訂金等我一個好交代，
起碼比D誠意人家都會幫你留起，佢就答我當晚覆我訂金既問題。
到第二日，因佢要鹵素膽就打電話比我話要四枝，
我隨後問及佢部冷水機訂金一事；他說冇問題，今晚比訂我作交代，
點不知到夜晚見面時，一直都冇提及訂金一事，
我心諗可能現時冇現金在手及當時有其他網友一齊唔方便講掛，
最終我都冇問佢收訂。
到最後人家再次追部冷水機取貨既事，我再次追問佢，
但竟然佢答：「我有朋友出讓一部舊冷水機比我，我唔要啦！」
由他話落訂一事至佢話唔要，短短三日既事話唔要有何解譯。
我就即時炮轟佢，最後佢都比左$1930做訂金，
我以為平息所有事情就冇問題啦！
事隔兩日得知，個位人兄話我介紹人去發達買野有回佣收，
又話我幫人拎野有錢賺。
如果我要賺回佣及幫人拎野有錢賺，我都覺得好應該。
第一學野有邊個唔駛交學費；
第二幫人拎野有錢賺，賺埋賺埋都唔夠交電話費啦！
何況我唔需要揾呢D着數，呢D雞碎咁多都唔夠我入油或交電話費！
識我既網友及同我拎個野既網友，
我都未聽過我揾佢地笨、取佢地着數。
所以覺得真係好人難做囉！
個位人兄有睇我呢段廢話之言，真係要反省一下自已。
第一；千其唔好抱着一個小人之心度君字之福既態度，
幫你係人情；唔幫你亦都係道理。
第二；你自已去set缸，唔係要其他人陪你去set缸，
每位人兄都有自已既時間，研究係正確，
唔係每一件事每見一位就討論一次，
最後你祗得一個答案就係兩頭唔到岸。
第三；問過明白係好事，但你問十個人相有七個既答案都一樣，
問得人家就唔好質疑人家可信程度？
第四；做事就唔好心大心細，一時這樣好、一時那樣好。
最終祗會一知半解！
今晚講得太多廢話啦！祗好講句[glow color=black]「好人難做」[/glow]。

深表同情，有時錢銀問題都係均真D好...
有D人真係以為人地幫佢送野俾佢係「老馮」咁...

_________________
=================================
HP: http://www.samleung.net

小寶,

個別事件, 唔好咁勞氣la, 我諗有好多魚友都好感激你o既, 包括我在內。

數還數, 路還路
Friend 還 Friend

呢個人真係唔知點講呀
人地幫完佢唔該都冇聲重咁樣對幫佢既人...
佢真係要好好檢討一番
所以全力支持小寶兄......

Totally agree!

唉.....d個世界係o甘o架啦......小寶兄唔好理d 類人o甘多啦. 由得去自生自滅啦~ 幫佢仲o甘多o野講......d人真係煩~

此類人只會猜忌, 懷疑及不肯負責任,
會被社會遺棄，自然流失。

小寶兄不用勞氣, 公道自在人心!

小寶兄唔好咁勞氣呀,
無謂同某d人一般見識,
呢個世界有d人就係咁,
好似全人類都老馮要幫佢, 就晒佢咁...
我都遇唔少...

Add him to [glow color=black]BLACKLIST[/glow] la!!

delete晒佢d post~

各位請稍安無躁, 上得網耐些的, 都知小寶兄的為人, 只是一些人的心胸有問題的話, 我們多說亦不能改變什麼. 一樣米養百樣人, 由得他自我反省吧.

_________________
多多交流, 多多研究, 多多搜尋
我的水族相簿

小寶兄﹐無需為這些人勞氣啦！
你諗o下自己的寶貝女就會開心番啦！
其實我都好想知此人是誰？

小寶兄不用勞氣, 公道自在人 , bl2002支持小寶兄......

小寶兄,算啦,唔發生都發生左啦,咪當多一個經驗囉!
不過我都相信只係個別事件,你都唔好咁介意呢件事.
呢度大把人支持你!!