水草情迷

仲記得自己以前係養開魚,都係近呢兩年先開始玩下水草,但唔玩由自可掂過就出火..沉淪左落去,以前養魚係用上部過濾,加底砂咁就算數,當然當自己開始要養草既時候就少不免要買一堆器材...

當初係砂底轉泥底,加左co2之後都係種唔好d草,於是就換左濾桶,不過d草始終越種越黃,終於..連燈都換埋換左雙PL,加加埋埋仲有d雜項都洗左成二千蚊..係20吋缸咋,仲要缸係本身已經有

日子過左無耐,d草開始種得好既時候,因為自己成日搞個缸d泥未夠一年已經散晒溶晒,唔想成日換泥...於是就4周圍咁打探用砂種草既資料,最後選左隻火山砂...效果都唔錯但係覺得顏色唔靚....

冇幾耐又再心思思喇,覺得個缸唔靚又唔夠大,雖然個缸係貴野...但係種草黎講U型真係好肉酸(個人立場)..最終都係換左個30吋直角...換左缸當然有好多野都要跟手換...燈啦,底砂啦,加草啦等等...

而家諗返轉頭,覺得自己好傻,都唔知自己所追求既幾時先有盡頭,為興趣既野...錢就梗係要洗無得計,但當我見到一堆舊既器材...魚缸..就覺得好有問題喇!!當初買返黎個陣當正寶,無一件用得過3個月,以前去魚街每次都起碼無左隻大牛先心熄,係最近呢差不多兩個月先收撿左,去左幾次都洗唔過200大元...仲記得當初開始轉玩草養埋鯛做陪襯個陣,仲同人講話自己心態係追求一個平衡既草缸,只養一對鯛唔會好似人地咁係咁買,雖然..佢地已經死左好耐而且到而家我仲係只買過佢地一對鯛,但係硬件方面...咁玩法又有咩分別?
而家我既草缸依然好肉酸,但係我真係好滿足...起碼自己既要求都算達到,除左草景之外..最起碼冇乜野要需要去買,最最開心而家用緊既野仲用緊,當初無買錯!

我係睇返有關草友每月既開資同玩魚等於玩器材兩篇文章再回想返自己有感而發
想8掛問下唔知道各位會唔會有我呢d心態呢?追求之間又增加左幾多被遺棄既"廢物"?係咪玩魚就好似大家所講咁樣,由幼稚園升上大學而途中不斷買更上一級既器材而遺棄舊既野呢?唉

PS:諗黎諗去呢一區最適合我post..少post文,如post錯請更正

只養一對鯛唔會好似人地咁係咁買

有樣野要補補..就係呢一句說話喇,冰貓兄唔好誤會喔..因為我記得你好多鯛的^^"
我只係指一d貪新忘舊鍾意左新既魚就買返黎,混養唔到就丟左舊魚既人...

Rei 兄
我都同你好相似,之前成日都心思思跟住又買d 新器材返黎....
舊野唔用又掉理一面......真係覺得好浪費.....　
而個缸又頭到E 家都係咁一塌糊塗........ ..
大家努力 LA

鯛我都係買左一對咁多...不過佢地已經幫我生左幾代魚仔出黎...
都算有D 安慰...所以我覺得總會有小小回報既．．

點解最近網友D心情唔多好，諗野好似好灰，係咪同天氣有關。阿Rei，我同你都係天涯同是種草人，唔洗咁自責，始終養魚同種草D器材有分別，唔通要養魚D器材壞晒先可以轉種草乎？洗錢嘅野最緊要係自己認為值唔值，正如有D人會著件300蚊嘅衫去食餐30蚊嘅飯，亦有人著件30蚊嘅衫去食餐300蚊嘅飯，假如你唔能夠著件300蚊嘅衫去食餐300蚊嘅飯，咪秤下邊樣值邊樣唔值囉，反正錢係要嚟洗，唔係要嚟儲。

好認同要嚟洗 我咪有係咁 同你好相似,之前成日都心思思跟住又買d 新器材返黎....
舊野唔用又掉理一面......真係覺得好浪費.....　
而個缸又頭到E 家都係咁一塌糊塗........

_________________
我的相薄
水族圖庫

對Rei兄的文章內容, 小弟完全感同身受.
我想小弟的舊文"玩魚依家野,其實玩器材嫁之麻", 就只有Rei兄一人能完全明白我的意思.
不過無論如何....我們一起努力做靚景吧!!(反正d錢o吾洗都洗o左)

多口一下, 玩草真係開頭個會大左, 但之後洗D錢會慢慢收細...
最緊要開頭唔好買錯野。
呢家反而最come計係電費…(對比其他消遣都算係有限錢...)

dd25兄:首先多謝你既支持,um...雖然我未體會過生魚仔既樂趣...不過你咁長情養一對鯛佢地一定係你既寶貝喇,仲可以成功繁殖,真係恭喜你呀,我仲未體會過生魚仔...不過就生過唔少蝦仔^^"...扯平啦 hehe

縲絲兄:好多謝你既鼓勵.其實我真係覺得為興趣而花金錢係值得的,鍾意既野我係唔會問幾$$而買的...因為鍾意既支付得起就係值.....不過當我翻開櫃桶見到一大堆器具既時候,就覺得好浪費><...d野根本唔岩用黎種草想改都唔得...單管t8燈兩套,上部過濾都2套,20吋缸都有2大隻...雖然便宜...但當初買個陣都係極之珍惜同開 心的,至今竟然被遺忘,遺棄,見返佢地有d心酸囉..

eos3000兄:原來唔只我1人係咁的^^"..其實我個缸都係一塌糊塗,已經種左兩年喇,除左開始種得d草健康之外,完全無1可取,但我真係好鍾意佢地><~~加油

kalvin:其實我都係因為睇左個一篇仲有關於8掛問下網友每月洗幾錢係魚缸度個篇文有感,8掛個篇就之前已經睇過亦想回應...但內容純舒發就無謂post出黎離題了,bcoz果個post小弟覺得氣氛好好,係加埋睇左kalvin既一篇再經過深思後..(或者我都係鑽牛角尖啦)先想提出黎舒發又或者討論一下,因為覺得自己d行為好似唔多妥(成日換野,貪新忘舊)
呢一句:"反正d錢o吾洗都洗o左..." 好豪氣呀!多謝^___^

Van兄:稀客呀,得到你既鼓勵同回應有d驚喜,我都明白到只係開頭玩得大...因為最近兩個月去魚街既次數比以前任何時候都繁密左,但錢亦係洗得最少...器材齊備,生物爆棚,想加都冇野可加了,不過亦都係其中一個原因令我回想當初1級1級咁走上黎,唔知浪費左幾多依然性能仍在狀態中既器材,只不過係...唔適合養草罷了,就算唔講養魚轉養草只談細缸換大缸,多1呎就差不多差一倍容量,d野根本用唔返既...我諗有空閒既時候我會教我有興趣既朋友養魚,將d器材送左比佢地...不過可能又係佢地另一個既深淵了,hehe

小弟開呢篇文章既時候冇想過會得到咁多位大哥既回應又或者支持,因為純粹係想舒發,而且文筆同表達能力我都唔多好.....有人明白到小弟既心情已經好滿足...有種我唔係孤獨既feeling丫,少少肉麻,好多謝咁多位haha^^

hi Rei and folks,

我好玩草多過玩魚, 玩魚要比多dd感情ma.

我好少想錢的問題, 有時買左d野比草, 我就會自動買少件衫.

可能我一向畫開水彩畫, 而我的師父是畫國畫的, 再加上我有landscape底. 所以對水的流動及自然環境都特別有興趣! 最初的心態是不希望只放一幅幅"活死畫"在家中, 希望有一幅真真正正會動的、有生命力的畫在家中. hehe, 而且, 順便觀察實物, 對畫畫也有幫助呢~

怎知, 後來發現technical的問題多多, 機乎在set缸前放棄. 我一向又很怕面對technical的問題, 現在正好train下自己的不足了. 回想起, 自己都幾大膽, 一次過一個人買缸, 櫃, 濾桶, 燈x2, 最慘係要抬起包泥, 9L ar!! (其實係匆動) 連個salse都問我: "你掂唔掂ar?" (我買野之前都冇想到會gum重ga!)

hoho...現在的心態係 -- "對著草草發發夢" =P

大佬們..我計劃緊買缸魚玩..
但當睇到哩個pose後..
決定要問好哂你地o既意見先..
如果好似你地咁講..
係咪種草就一定要用筒濾呢~?
用掛濾係咪唔得架呢~?

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

Rei:哈哈~~~我好彩冇玩草玩出火...不過就...玩魚玩出火...
我記得細過果時住花墟果度,所以屋企人成日都帶我去睇花睇魚睇動物咁...所以慢慢就對佢地有左好深既興趣...之後慢慢大啦...到10歲終於有自己第一缸魚啦~~~係個32吋既缸仔~果時仲係等屋企冇人果時拖埋細佬去買架...但係果時乜都唔識..以為有水d魚仔就會好開心...又貪心買左百幾條孔雀返去...當然...事後又係由屋企人處理...
後尾去圖書館睇書,知道更加多魚既野.不過都係對d細細條既先有興趣^.^之後到自己識搵$$就更係顛...

三十二吋o既缸仔..
睇o黎你同你細佬都幾大力架喎..
百幾條孔雀..貓兄..
你果時買o左幾錢呀~?

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

大猩猩王~:果時紅a係最hit架~所以我都緊係買膠果d啦~.~
幾$$~.~....十幾年前.....唔記得啦.
不過係一包包十幾條果d黎架...

哈哈~乜紅A唔係得膠筒架咋咩~?
睇o黎..我算係你o的後輩嚕~
一包包十幾條..而家買好貴喎..
十蚊得兩三條架咋..>"<..

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

Rei:其實如果你有舊器材,不妨在買賣區,用它們來換一些你想得到的東西,這樣既不做成浪費,也不需再花錢來買新器材,不是很好嗎?