水草情迷

日前我將我的P10賣給友人，但她在安裝後出現以下的情況:

聽到個p10有咕咕聲，似係摩打聲，在兩呎外都聽到；於是我拆開佢，（拆時可能水壓大吸住個頂蓋，個頂蓋跌左兩層出來）我擰返埋個頂，入滿水，擰開個頂活門入滿水，閂實佢，再開，終於無左ｄ咕咕聲，但取而代之，係水聲，「息嚦沙喇」既水聲，１呎內可聽到，同時我見到有不少氣泡在濾桶內但係濾材桶外，流來流去，但伙氣泡在缸內出水位，少少都無。因ｄ氣在濾材桶外，ｄ氣泡只係流來流去都流唔出去...

係咪我都仲係入未夠滿水，真係要一粒氣都無？無我真係倒到佢滿瀉我先停，另外，我打斜個濾桶，超過10度傾斜時，就會有水由蓋同桶的接口位流出，而且氣泡水聲同時亦變得好大聲！好驚呀！

她能做ｄ咩，或係她有無做漏ｄ咩？係咪只有不停開蓋再閂，直到佢真係無氣為止？！疑惑中...

我所知，所了解的都已講解過比佢，自己不材，現希望大家能為我朋友一解她的疑惑。

條入水喉太高啦, 有氣入埋入去呀, 個桶咪不斷有氣啦.
4.jpg 處可以見到啦. 一係將入水位放深o的, 一係換過條入水"J" 管啦.
長度可能要自己CUT 短.

_________________
多多交流, 多多研究, 多多搜尋
我的水族相簿

謝謝Super兄，我就是接手了p10的友人，這問題本來應該由我來發問，不過我總是先請教賣給我的人，他也解答不到，就替我把問題放上來了。

Super兄指條入水喉太高，有氣入埋入去，但根據說明書（waterlevel.jpg）所講，上那透明管作用不在入水，而係測試濾桶內容是否堆積廢物而需要清洗的指標；。在real.jpg相中，紅箭咀所指既位置，係應該高過水面的，我相信那條管即使抽起了或維持現狀都不會有空氣被入抽入濾桶。

我嚐試畫左個圖：p10-structure.gif，氣泡一直都被困在濾材桶外。安左20個鐘都有，其實唔郁個濾桶佢係無聲的，個d「息嚦沙喇」0既水聲,係當我打鈄成個濾桶,將內部被困在濾材桶外排唔出既氣泡浮去入水口時,才會明顯地出現.但斜另一邊,氣泡浮去唔係入水口個邊,氣泡無被衝擊,就無聲,好靜.所以我比較肯定係個幾粒出唔到去既氣泡被入水水流衝擊於是有聲.

因氣泡總係向上浮，總係不能被帶到桶底經濾材桶排出缸。我就係唔知,好唔好又side幾個字時間同大量手力(which is 我無乜)去開過再吸埋，睇下有無入左氣咁...抑或由得佢，影響都不大？！會否發揮唔到個濾桶既最好效能？

請原諒我太長太長的情況解釋．

_________________
老鬼一隻

你係咪將個濾桶同魚缸平放？你條入水喉都有氣(軟喉部份)，你試下關水閘(出入都要)，除咗條入水喉，等條喉注滿水再駁返濾桶，睇下得唔得？個桶好似唔夠力，濾材有冇過多？水閘有冇較細咗？

較細出水 -d濾材

鏍絲，
濾桶低過魚缸,出入喉內都唔覺有氣(用電筒照過).之前都試過關左出入水閘，除咗條入水喉，因要開桶再吸實ｄ，不過都就出現裡面積左氣出唔到的問題。
濾材有冇過多呀？我放左（由底至上）一層生物棉（原裝2吋左右厚），2吋左右既黑珍珠，吋半左右既生物環（12mm)，3/4吋厚白棉一塊，放滿左囉。會太多？而且同排氣有關？
水閘一直都開哂的，缸內出水口都有魚在玩激流，我覺得ok啦...

_________________
老鬼一隻

你睇下4.jpg同real.jpg藍色鎖下面係咪注唔滿水？定係相令到有視差？

哎呀...個張相在第一次安好左的左小時內影的,的確係有氣泡,不過過左一晚,就無空氣啦,完全充水!也無乜氣泡流入.

_________________
老鬼一隻