水草情迷

多多指教！
我養魚方面好多野都唔係好適。

@>@...人工染色魚黎架好多都係....@@....好易死架...@.@

好似有斑馬魚...小心...其他魚有眼無珠....

_________________
鯛毒巳毒發攻心了^o^

係呀，
不過基本上D「月光」、「藍鼠」等等，
都係開缸時買的，
當時唔適，
而家已經無再買呢類魚lu。

最搞笑係我當時連唔可以混養雞泡魚都唔知，
仲買左四條落去，
一晚間咬死左好多魚。
最後，我將雞泡魚隔離左，
先至無事。

斑馬魚開缸到而家都無事，
唔驚掛……

不過，我以後買魚會小心d架勒…

有時，
我去金魚街都見到有d魚幾靚，
價錢會貴d，
不過，我又驚我唔適養會死。

麻煩大家講下，
新手上路，
養邊幾種入門「正統」魚好呢？
唔該。

singadams,

我想俾少少意見你, 因見到你個新缸唔多合格...

原因:
1) "非洲鳳凰", "非洲王子", 橙色既 "Pulu point", 同埋另外兩種非洲慈鯛 (閃藍色同灰間條果兩條, 我唔知中文名).....佢地係唔可以同任何燈魚一起飼養的! 因為此類魚係"馬拉威湖"的慈鯛, 長大後身長超過 10cm, 最大可以到 15cm+ 呢! 而且佢地既地盤觀念好強, 需要大一點的空間活動.....同埋你買咁多燈魚俾佢地做點心?

2) "馬拉威湖"的慈鯛所需的pH 係8.0+, 高硬度, 但見你的缸好似係用 ADA 紅泥, d 水既pH 係 6.0+, 你d 慈鯛遲早同你bye bye 架.... 養慈鯛最好用沙, 即含鹼性的細沙, 珊瑚沙係最合適不過的~

3) 養慈鯛最好唔好種細葉的草, 即陽性草俾要盡量避免..因很多慈鯛都係食素, 喜歡啄石/木上面的青苔, 所以最好種一d冇咁易爛既草 (eg.鐵皇冠). 不過最好都係 Plastic plants!

4) 你所養的慈鯛係以食素為主, 最好唔好餵d難消化既0野俾佢地. 例如, 盡量避免餵生/涷虫, 生/涷豐年蝦及其他動物性魚糧, 以免佢地block腸, 好易死架~ 最好餵 Spirulina (blue-green algea) 的片糧, 粒糧要盡量避免喔! (粒糧係俾大型魚架)

5) 你所養的慈鯛需要好多石洞, 但你冇俾石佢地呀....

6) 以後千祈唔好再買人工染色魚喇! 你唔覺得佢地好易死咩?

以上係我既意見, 因為我在澳洲這邊有好多養慈鯛既高手朋友, 學到好多關於慈鯛既野. 我建議你開多個大缸, 將d 慈鯛搬入個新缸 (因為你已經舖左紅泥, 無謂翻缸啦~), 舖d沙, 放多d大石俾佢地. 如果唔係, 你或者要將佢地送俾人...因真係唔可以將d 魚撈埋一齊養! 下次買魚唔好咁心急, 見d 魚靚就買...買魚前做下資料搜集會幫你 save 唔少錢呢!

入門的魚有好多...但也分好多種, 你所買的大部份都係入門魚, 只不過係混合"慈鯛入門魚"同"亞馬遜入門魚"而已...我估你係想有一個魚缸入面有好多唔同種類既魚吧? 你可以試下養米奇, 紅滿, 一d小型既燈魚都係不錯既選擇~ 最重要係慢慢來, 唔好一下子養好多魚...多d上黎搜尋舊文參考下啦~

非洲鳳凰", "非洲王子", 橙色既 "Pulu point會咬你條神仙魚，小心!!!

_________________
4 years left~

其實如果你缸水ok,即係現在所養既魚冇問題好健康的話
咁你見到咩魚想買就再係網上面搜尋一下佢地既資料,例如適合既ph度同水溫,選合適你個缸既魚種,通常都唔會有咩問題架喇
何況你隻蜘蛛都冇事,你d水質對魚黎講都好ok了,蝦唔死,冇病既魚想死都難

唯一要留意既就係混養問題喇

非常感謝 冰刀貓、manch、pinoki、Harrison...及Rei的意見！
呢度真係好好，
有禁多朋友熱心幫人！

我以後會成日上黎睇各位朋友既意見，
希望慢慢我可以整到一個「似樣」既魚缸出黎！

一般...
加多些草會更美...