水草情迷

無無聊聊，八八掛掛，問問各網友平均每月用在種草、養魚、蝦或其他水中生物的消費，因為好多嘢都可以用多過一個月，起缸、水、電又冇得計，我哋將過往一年總計再除12當作每月平均消費，如果唔夠一年，幾多個月照除啦。

我過去12個月大約有以下消費：
魚：180、蝦：10、草：90、差氣：350、魚糧：270、肥料：650、棉花：130
平均140左右啦

你哋呢

種草年半了,平均3個月差一次氣$70,冰蟲買30排食足半年$100,肥我本人真係落得吾多,一支ECA,一支TMG$300又用足半年,(根肥$50,落左4個月都冇再落^^)很想問咁多位師兄有冇同感,就係草缸玩了一年之後,越來越冇錢須要再花,本人的理由是缸內的草,越生越多,根本提不起勁再買草回家,魚亦爆彭了,想買也不能再買........我平均一個月行魚街4至5次,近半年95%竟是空手而回......有點沒趣,要花錢的時間主要都集中在頭半年,喜歡行魚街,卻不能買野(正式說是無野好買),真有點空虛呀!

好難計播~.~玩魚應該會貴D..我就唔敢講出黎~如果唔係比朋友見到就死~

係啦，我以前住屯門，山長水遠行魚街唔多唔少都買D嘢，依家搬近咗，反而提唔起勁去魚街，感覺上魚街好似冇幾年前咁好行。魚呀、草呀都定晒，好多嘢都打晒入冷宮，不過有缸魚係屋企又真係幾舒服。
貓仔，你又點同呀，又冇人核數，又冇化骨龍，唔講出嚟都估到啦，成千蚊條魚都話心思思，早幾日都係鯛缸x16，依家就鯛缸x19。

鏍絲:唔係架......估唔到架...好似琴日咁.........都無諗住買魚.........但係點知氣魚望左成個幾星期...都係忍唔到...買左~.~

係咁架嘞，祗要賺錢賺得開心，洗錢又洗得開心，都唔駛諗咁多，最重要係唔好先駛未來錢。

咁又係呀.我見有fd look 卡look到傻左.所以真係千萬唔好用呀!!!

點解魚糧咁貴﹖Ｄ魚都唔係食好多者，我買一包＄１８水虱，每次食１∕４粒，買埋乾糧（＄２２一樽），兩樣卡啦餵食，每兩日餵一次，都可以餵到幾個月啦...﹖！食咩食到＄２７０﹖魚多﹖貴價糧﹖

_________________
老鬼一隻

我係用TetraBits大罐裝(比七彩神仙用的)，$9x，每日Dryer雪糕匙一匙，養活50條新燈，10條熊老鼠，三條飛狐，幾隻蝦(小精靈唔計)，一年用兩罐幾，咪當$270計囉。

千其唔好講錢，如果唔係冇得玩。冰刀貓、鏍絲兩位；真係識得你地太遲啦，(最重要係唔好先駛未來錢同look 卡)，我兩樣都有呀，重有兩絛(化錢鳳)，所以我有時間都唔敢去魚街，山長水遠去到唔買嘢點得呢！重有而家咁嘅環境，冇工開我淨係對住缸魚嫁渣。啱啱用左一嚿水買草，除番哂，我每月都唔洗一嚿。

鏍絲兄永遠都係咁觀人於微....佩服!佩服

哈哈.所以我細佬問我幾$$我條條都話幾十架炸~
我覺得玩草點都係化算d~.~

$270差唔多啦@.@一年咁計係平....我一年差唔多成$1100左右~.~

我諗我都幾山長水遠去魚街=.=~(我住長洲=.=v)
每個月都去唔到一次魚街=.="""
而每次買野都唔會破百=.="
而家最貴都係買過68雞既彩龍咋=.=....
真係有d自悲=.="
不過過兩日68雞就唔係我所買既魚最貴既一條嚕^^"
10分其袋中~^^"

_________________

水電都三四百...

_________________
God doesn't forbid anything .