水草情迷

小弟為了改善缸內長久存在的綠水問題,上星期上深圳買了個UV燈,回家後興高彩烈地安裝好,之後幾個小時不斷觀察水質,就在這幾小時腦海裹回想起一句說話………
話說半年多前,小弟正開始學玩水草,為了識多點水草種類及各類器材用法,常留連魚街,有天當我在看燈箱時,聽到背後有個中年顧客對著sales說”……我都知嫁娜,我都玩o左十幾年o拉,玩魚依家野,其實玩器材嫁之麻…… ”我回頭看了一下那顧客,是個穿著名貴西裝的中年男人,那時我心想”玩魚是這樣的嗎?還是這西裝友有錢沒地方洗呀!我一定不會有這種心態的!我是為興趣而養魚養草!我要以最小的錢最簡單的器材做出個靚景!!! ”
但我到了今天呢?年初至今,由魚缸/瀘筒/燈/小至溫度計都換了,現在又買甚麼UV燈/隔油器/co2蛇管,下一步又想將1.25公升的DIYco2改到2公升,還希望年尾能買套co2瓶及錶頭……到底我想追求到何時呢?
我自問如果自己已經有很豐富的水草知識,花錢去買更多器材來題升技術,那當然合情合理,但我的技術和知識遠遠不及我的虛榮心,不斷的買買買/換換換,目標到底在那裹?UV燈用來做甚麼?如果自己有知識去改善水質,何需用UV燈?雖然我很喜歡造草景,但現在的行為和心態,真的和那個西裝友無異啊!!
各位志同道合的魚友們,有否問一下自己到底在玩魚玩草玩景還是玩器材呢?:a

kalvin兄，有時D野又唔可以噤講。能夠將一個水流源源不息、有各種生物、植物、天然養份及陽光嘅自然環境放入一個只有幾呎嘅室內玻璃瓶中，現代科技係主要因素，所以器材係必須品。
大家嘅興趣始終係草同魚，用良好高價嘅器材都係想草同魚好吧。即使有人用兩萬幾蚊買全套ADA器材，我諗佢頂多玩魚同虛榮心各一半。因為如果全因為虛榮心，比我就用兩萬幾蚊買隻撈帶下好過。
所以kalvin兄唔洗諗噤多，大家一齊快快樂樂玩魚魚吧

_________________

器材係玩魚既其中一個道具.如果無左佢地我地又點玩呢?
只不過主角係魚同草先o岩^^
何必為左人地講既一句野而轉牛角尖呢?開心d啦~^^

如果有最好既器材，係咪唔使理啲魚就會快高長大架 玩咗十幾年都咁唔化既

_________________
我的相薄
水族圖庫

1. uv燈係對付綠水的必須品, 唔係過份。 攪掂之後可以賣二手。

2. 我要以最小的錢最簡單的器材做出個靚景!!!

其實即係有效地運用資源, 係正確態度而且環保。

3. 玩器材(係一句主觀說法)

養金魚, 我玩氣泵, 缸頂過濾, pl燈
養水草, 我玩hqi, 濾桶, co2連擴散器

以上都係應該的和必要的, 不要胡亂估他人說話的背後含意。

4. 只要你有能力去投資在這嗜好, 有何不可。

或者果個人指"玩器材"係過濾呢, 得個缸或水桶, 我就真係養唔到水草同魚la。

咁又唔係咁講啦， 有最好的器材， D 魚仔快高長大的機會絕對係比無高， 當然好的意思係功能及耐用性。 唔好講得遠， 用 pH controller 咁計， 有 pH 長久保持 0.04 +_ 之間， 對魚兒健康更有保障， 有人話試過 pH controller 壞了， 唔停 CO2 全死了... hm... 咁就唔係最好的器材， 最好的 pH controller 係會自動全開 30 分鐘後就 cut 氣， 以防 pH probe 之類既野壞了。 又好似我有底線ADA泥底用了三年都仲係一流， 番缸小了是否對魚兒好些呢？ 好似 Eheim 濾水， 好多人話用大陸貨都無問題， 但係如你 search post， 你會知道 Eheim 的出事率比任何品牌都低， 幾乎係零， 濾水係魚缸的心臟， 唔可以停， 唔通我去旅行出差都請個人日日來看我的魚缸？ Eheim 就比到信心你， 濾水器一用就係10 年 8 年 (我之前的 eheim 桶用了 20 年， 而家仲係我個 friend 屋企濾緊水!)， 我情願比多一千幾百買個放心囉。 好多時名牌並唔係得個名的， 買功能， 買時間， 買耐用， 雖全都係要錢錢錢錢。 但買了一次就夠， 有能力投資的話比 D 心機去研究下唔好買錯或買多餘野就 okay 啦。

當然能力都有關， 我細細個買條麗麗都要唸幾日， 而家都會唸， 但係絕對唔係唸佢幾錢囉。 又好似話好多人覺得 pH controller 多餘， 第一， 幾乎絕對衡定的 CO2 人手是做唔到的， 以經無得比。 第二， 有人又會話比多 D 時間同心機 check 多兩次就得啦； 初初玩就咁講， 玩耐了基本野做了咁多年， 比些小錢可以就可以就買回很多時間， 用係屋企人處， 或者更深入研究養魚養草的其他學問， 我想應該是值得的。

有冇睇亞視新聞廣告， 任何野都有正反兩面呀。 hehehehheheheeee

我自己就以最低價錢o既基本器材，甚至用到最平o既物料 DIY，而做到比得上貴價器材o既缸，才最有成功感，此亦為玩器材o既一種，但就唔係要用大量金錢去玩。

其實西裝友都講出了不少人的心態。

即使是玩音響的，幾多人真係分得出幾十元一條線和幾千元一條線的分別？

工欲善其事, 必先利其器
器要有多利, 就要看你想那事要幾善
做人看開一點, 不必介懷其他人的看法, 忠於自己, 自己活得開心, 物盡其用便是了.

打個比喻, 一架跑車分分鐘貴過勞斯萊斯, 值唔值?
一隻金勞, 比casio 貴上千倍, 值唔值呢?
一個魚缸使費, 有時比一家人洗的還多, 又值唔值呢?
一架靚既單車, 比二手電單車還貴, 又值唔值呢?

一切一切, 全在乎主觀的心.

我覺得簡單點來說, 器材是養魚或草的必須品,致於要唔要樣樣都好或係用最好,就自己睇餸食飯啦......自己負擔得起咪玩好啲羅,器材呢樣野,
人地廠出得黎街賣,就一定有佢用處同市場......

自己之前玩草缸同响呢度問過同樣問題,好多師兄都話唔一定要好多錢買器材先玩到....以我為例.....自己個草缸,什麼燈什麼瀘筒什麼隔油器都欠缺.....只得一個DIY CO2 仲要日日自己打氣.....
係就係一定咁靚,但係我以呢個成本來說,我自己覺得好滿意啦.....

最後我覺得無論玩魚好玩草又好,講到尾最重要我覺得係玩心態,
最重要係自己有心,如果自己玩到個Heart 出黎,我就覺得差極都
有限......

好似呢個玩左十幾年既西裝友哥哥咁,我就覺得佢咁玩就少左好多樂趣啦!!

同意.特別係有太多人覺得有$$就乜都得.

我覺得就係知識的程度問題， 例如一個小學生， 一學數學你就買架計算機比佢， 佢學唔到基本功， 所以要佢就基本做起。 但係上到中學， 你就要用計算機， 唔係你就進步唔到， 因為會花費大量時間係無謂野到。 到大學， 就要出電腦用 Mathematica， 唔係一日比 72 小時你都唔夠用。

我唸尼個西裝哥哥就係小學用計算機的例子。

個舉例又幾貼切喎

平有平玩, :貴有貴玩

我就覺得，無錢又想有既，就自然四處打聽方法去DIY啦；有錢又肯駛既，就自然可用現成器材，的確方便。

除了有無$$之外，你識唔識都係一個問題。咩都唔識，去買現成器材都可能買錯啦，好彩買0岩的話，畀初學者一個入門簡易法，始終買現成器材比DIY出事既機會少好多。到認識深入囉，搵自己有興趣有能力的部份去研究一下如何DIY，成功機會更大，都一樣開心啦～

_________________
老鬼一隻