水草情迷

前日o係魚街行,諗住睇下有咩新鯛新草
行到一間野,都唔知叫咩名,因為好少入唸間野
個老細同個客o係度傾HQI幾錢o的野
因為我都係剛剛買左HQI($360外國野)
咪諗住聽日下佢幾多錢,點知佢同個客講
我收你$1400(定唔知1100)
本身就應該多$100,係隻腳的錢
佢仲要話係最平.....
我當時只係有一樣野想做,就係同個客講,叫佢走

我諗你嗰個HQI係燈鋪買

UM.....我明你講咩
但係唔係都係一樣咩?只不過係個外形唔同

可以咁講, 但個隻真係靚仔好多

o甘又真係靚好多.....hehe

其實買鋁槽番o黎，配玻璃o黎DIY，用射燈罩內燈管接腳改裝，成本佰多元，一樣可以咁靚仔。

我諗應該係唔同野黎多...因為厄都唔會厄咁多~.~

咁又d咩野唔同!?
我成日都覺得係同一樣野黎
功能又一樣,係個外型唔同wor

最大唔同咪係派頭，買o既目的係証明有錢，最簡單係你買西德E字頭o既綠色膠彎駁喉要$60，只有一小段，無任何機械結購，只不過係叫做原廠，咁你話值唔值？成本$幾元咋，原廠濾水海棉又話6，7拾，海棉o黎咋，我買o左一塊 3 吋厚* 2 呎* 1呎o既海綿，咁大塊都係$30咋，你估真係帶錶唔帶勞力士就唔知時間咩。

最大唔同咪係唔知點DIY的人，去魚店買現貨求個方便，有時也不可以話魚店呃人，我去平民餐廳食個餐蛋飯連凍飲，都要$20+$2.係屋企煮都是10元8塊，可以食飽兩個大人，但從來無人羅住價值$5.2梅林餐肉罐頭向餐廳老闆話佢呃人.

咁又唔可以話名牌一定唔好， 今日我個 friend 唔玩比左佢套 DuplaElectra 同 Duplaflex heat cable + DuplaMat 300 transformer 我開個 6 呎缸。 雖然佢新買時真低好 Q 貴， 但係日久見真張， 條 heat cable 用了 5 年完全無硬化的現象， 插頭又無氧化， 個火牛 300W 再足成日都只係微暖， 過熱或overload 又自已會停。 另外套燈的 design 只可話一流， 無野好講， 無論換膽， 吊上 wire ，反光版等手工一流唔在講， 全部都 design 到非常方便同輕易。

我本身並唔係追名牌人， 好似 CO2 樽我都係用滅火桶， 仲要係未改裝要用索帶先可keep 住開， pH controller 我都係用台灣野， 但有時名牌又真係有佢地既好處。 好似 ADA 咁， 我有個朋友係 designer， 間屋樣樣都靚到飛起， 電腦G5都唔用要用 cube 來襯， 個草缸咁細樣樣都睇到唔通叫佢 DIY 咩， 買 ADA 囉， 又真係靚到癲。

貴都有貴得有無價值， 大部份都無乜， 但係有時貴野都有好野， 買得起的話絕對係一個好的投資。

不過貴野未必好的例子又多多聲， 我自已就首推 Teco 水冷， design 唔好， 代理又不知所謂， 海利 (去上海街買， 平好多) 正過佢多多聲！

有道理，有見地，讚成!!!!