水草情迷

想問問點先知自己個魚缸用唔用鹵素燈?
$420,150W全套又抵唔抵?
我個魚缸30'x16'x11'
夏天唔會經常開冷氣
o甘我買唔買好呀?因為怕夏天會太hot
又怕我個魚缸根本都唔洗用........好多野考慮
各高手對我用咩燈有咩意見??極光??T5?HQI??
我本身想種返o的紅系草,但係種唔紅
我知自己最大問題係唔夠光呀,所以諗緊買咩燈好呀

你30吋缸，唔會太熱，我係24吋缸，7小時水溫升2度。
個人愚見，用唔用鹵素燈係睇你自己要求，唔係睇魚缸大細，用鹵素燈效果光管始終無得比，草生長情況都唔同，例如好多時光管照草會長好長，而鹵素燈卻長到某高度，會長得慢而出側芽分枝，同水影效果好靚。

你個魚缸只得10幾吋高不須用到鹵素燈不如用T5HO啦,個魚缸有20吋高以上才用到鹵素燈.

我明白到呢點呀,但係用HQI真係正好多呀
所以我就係諗,如果我將燈放高o的
離水面高o的,o甘咪一樣。
而且我而家都諗住買極光,都成$100一枝
2枝都$200啦,可能仲會買多一set一枝光管的燈箱同一枝極光
加起上黎都四百幾
咪同HQI一樣,因為我見到成套HQI都係$420......
但係就唔知佢呢間好唔好用....
我見佢直頭係人地出面球場o個o的射燈,都唔知可唔可以用o係魚缸度

我覺得這個size用光管會適合d
1.因為水唔太深
2.30"長用一支hqi兩邊草會有明顯追光
3.熱

你呢3個問題我都有諗過,都因為呢3個問題令到我都唔知點好
第一同三的問題我諗住離水面高o的而解決左
而第二個問題就諗住會加多一枝極光做補光
不過其實我都仲係好擔心

其實你心裡已想用鹵素燈,那就用鹵素燈啦不用多想,最好購買150w.

心裡已想就用啦........

係啦，我都覺得你係想買鹵素燈，不過你犯咗買嘢一個大忌，祗睇價錢，有冇留意功效。金屬鹵素燈先啱養魚，普通鹵素燈唔得嗰喎。

um....你講得岩
但係乜有分金屬唔金屬咩?真係唔識呀........

因為一般鹵素燈係欠缺咗光譜內嘅紅光，而紅、綠、藍光係一般草須要嘅光，金屬鹵素燈加入咗顏色修補技術(Color Correction)，加入咗一種可發出紅光嘅金屬，嚟彌補一般鹵素燈嘅不足。

明白
只係點先知佢係咪金屬?一般電器店o既係唔係?

係支燈膽度會睇到有塊無任何電接點o既金屬片。

請問幾舊水既鹵素燈係邊度有得賣呢???

謝謝!!!

好多地方都有，去鴨寮街啦。