水草情迷

養鯛魚兩個月，現有三個鯛缸，分別有:
皇室紅緣三線一公兩乸、藍袖一公一乸、亞卡西一公一乸。
第一次繁殖鯛魚，真係開心到瞓唔着 !!

二月廿七日
夜晚番到屋企見母魚變了黃色，追打魚公，魚公入過鯛樽幾次,最後一次在樽內啄食什麼似的,我便連忙觀察樽內情況。 嘩!!真的有幾十粒粉紅色魚卵呢!!立即把魚公捉走。
二月廿八日
魚卵沒變化。魚乸看見自己在缸邊的倒影很緊張。
二月廿九日
魚卵沒變化。因為忍唔住成日想觀察,又怕驚動母魚食卵。把心一橫將母魚用孵化器隔籬。
三月一日
啊 !!看見尾巴了，還不停在擺動，真係開心到跳起!!
三月二日
越來越生猛,擺得很利害呢!!
三月三日
將母魚放回。母魚立即來回觀察，有條BB跟了出來，不過當母魚用力轉身，條BB就唔知飛左去邊!
三月四日
零晨起牀，樽內沒有魚BB，也不見母魚
因為要番工，所以只是望了一眼，沒有細心觀察，希望沒事吧
晚上再觀察，一條小魚都唔見，但母魚很緊張地守着鯛樽，魚身橙黃色。
三月五日
經我死唔眼閉360度環回觀察鯛樽下，發現還有小魚呢 ！不過應該少了。
三月六日
小魚已沒有卵黃素了，只在鯛樽內壁游下游下互相碰撞，似在玩耍
三月七日
開餐時，母魚把小魚含出來吐在最多食物的範圍，走了十幾轉，大約有40條之多，但小魚明顯吃不下豐年蝦幼蟲。(母魚)食飽後，又將全部仔魚放回樽內。
三月八日
全部小魚出來活動了，起初仍吃不下豐年蝦幼蟲，後來經過不段常試免強吃得下豐年蝦幼蟲了，還吃到成肚橙色。到了晚上(熄燈)，又全部回鯛樽內休息。

_________________

系邊一對生呀?
祝您好運!

今晚再講下情形啦!

原來是亞卡西!
邊個品種?

~~祝母子平安, bb快高長大~~

Dandan兄!!
我都唔知係乜亞卡西，明天post相給大家看吧!!

_________________

好!等你!

haha~好開心呀^^

找到了嗎???哈哈...
我的遅d散到可以換下喎......

多謝大家陪我開心 ！
今日觀察小魚已沒有卵黃素了，唔知幾時先會游出鯛樽同食嘢呢？

_________________

0華好正!
快d分開條公魚!!!!
祝魚仔快高長大!
睇d相公魚似系泰菲

Dandan兄請放心，
條公第一日已經比我捉左去草缸了

_________________

青頭兄:

今晚返屋企睇下個藍袖缸(買返來成兩個月)
終於見到bb從鯛缸走出黎啦!

嘩!你就好啦！
我條藍袖乸"遼"左條公成個月，條公都唔穌佢！

而家我新買對泰菲亞卡西跳緊舞，條乸黃晒，我諗都好事近啦。

_________________

0衣!又系亞卡西!
青頭兄, 遲d您就好快做亞卡西專家LOR !!!!

泰菲亞卡西昨日已產卵了!!
條公魚雖然大過條乸成2cm，都一樣被打到飛起。

_________________