水草情迷

唔知之前有無人問過,不過都想再問魚友一次,
大家點解會選擇養鯛魚......
係人有我有? 係潮流? 係鐘意佢散? 係鐘意佢唔多鐘意比人睇既特性?
係佢美麗既旗? 係......

display時既美態
旗比燈魚大,型~~

其實最初真係無點留意佢地架.不過之後睇睇下書發覺佢地d行為真係好得意,身體語言又多.攻擊性低.又多種~所以就中意左啦~
潮流?kakaka......我玩果d好out架~~~仲比人問過點解玩左成年都仲係玩果d.不過我自己覺得養魚係一個責任黎架.每一條魚唔理幾$$我都會好用心去對佢架...
唔望佢散.只望佢長命百歲...不過我覺得真係太多人跟風啦...
唔係話唔中意e仔(我自己同網友買左3條)...但係有時係fs度見到d人對住條未出色未拉棋既e仔都可以係咁話佢靚....我真係唔明點解可以咁...
其實每一條魚都有佢自己既性格...唔好理佢靚唔靚丫.都係一條生命黎架.
所以真係想大家買玩之後諗下先..魚兒也有自己的尊嚴!!!

絕對同意,好似呢期興泰酋,就個個搵,我都覺得好正,但個價錢就比人抄高晒

各項因數都有，好多新加入嘅網友都係第一次養魚，可能都唔知有幾多種魚可養，依度提得最多嘅係鯛魚，資料多D，咪形成雪球現象囉。加上有D貼文有少少商業味，又多D人幫襯。你試吓一個月唔講鯛，祗講禮服，擔保多咗人買禮服。

我就最緊要係...靚仔....多色.....
好多時睇中左都唔知係咩魚....
所以睇多過買...哈~~~~

星星兄，果然係高見！果日見到d火焰鱂仲迷住我，返屋企見住我自己果對藍眼鱂仲係諗住佢地！
有時鍾意一樣野好難講原因，或者到失去左，唔再在身邊既時候，都仲係諗住佢……咁咪係鍾意囉！

我鍾意d鯛係少有o既，唔係成日有o個d
而且我比較鍾意佢地每條有唔同o既性格，同埋扯鰭o個陣~

鍾意你呢句~ 呢句真係心聲
佢地健康生活得好又生得靚, 就係最開心既事

所以師兄真係師兄.....個養魚心態仲好過好多所謂高手.......

阿水哥:哈哈~我都同意呀~
所以我成日都去魚街睇魚..因為有時知有d魚自己未必養得好.所以寧願去睇下佢好好過.不過見到佢地都已經好滿足架啦~~~^^有時有d野係自己既腦海入邊係最美麗架~~~^^

我的答案是我其實唔鐘意南美短鯛， 所以無養。

-- quote --

kakaka......我玩果d好out架~~~仲比人問過點解玩左成年都仲係玩果d.不過我自己覺得養魚係一個責任黎架.每一條魚唔理幾$$我都會好用心去對佢架...
唔望佢散.只望佢長命百歲...不過我覺得真係太多人跟風啦...

-- end quote --

百份百同意， 我係友網都提過， 我本人就覺得養魚好玩過換魚買魚。

其實養鯛魚真是一門學文 , 在生時非常喜愛 , 死時非常心痛 , 每次都跟自己講 , 己很多鯛不要買 , 但到了水族後 , 不知不覺又買回家 o 我都是剛養鯛不久(初哥) , 是一位朋友介紹我玩 , 開始時覺得鯛魚無特別 , 但慢慢感覺牠的型態 , 顏色 , 大小都有所不同 o

可能是一樣精神寄託吧! 生活咁緊張, 要能搵D對象舒緩一下, 你地又鍾意養魚. 咁Q 又棟中短鯛.....
短鯛.....有正樣睇
.....可以散卵....又可種草.... 趣味性咪多d羅

好啦到我講下啦，開初我是養草缸的，有幸找到這個網，
睇下睇下發覺點解有咁多人講鯛架呢，D魚友post D相時，
條條都又幾靚喎！

於是走落魚街睇睇....唔睇又致可....有無攪錯呀！！D魚友係咪玩呀，
條條都黑媽媽......都唔似魚友養開果D咁....有D仲要好鬼貴，
心諗係咪真係咁正呀......再番黎呢個網睇多o的，
發覺呢種魚又真係幾得意喎，養佢仲好似好講究咁.......

於是就買左入門魚鳳凰玩....到而家三個月，又一個鯛缸到而家七個鯛缸，由鳳凰到金眼，到亞卡西，到鳳尾，到籃袖，到維吉塔，到芬達...

呢種魚可以話有一種無型既吸引力，你買佢時，唔會覺得佢有咩咁正
(多數都係黑媽媽或者白雪雪無色)，人工魚或成魚除外，
買完返到屋企得閒見到佢地無端端撐旗起色，又會另有一番樂趣....
致於能否散到這個問題，散到我便是當額外收鑊吧!!

我喜歡由魚毛(未成魚)養起，一來可考考自己眼光，二來就算少有的鯛(未成魚)價錢也能責擔得起，三來慢慢睇住佢大，慢慢睇住佢起色......
這種陪住牠們成長既成功感，才是我養鯛魚的樂趣!