水草情迷

我係魚街買了一個燈箱,上面無寫FL,PL定甚麼,只係跟左兩支15W的
燈管,樣子似普通的光管.咁佢係FL定PL呢?
其實燈箱同燈管的關係是怎樣的?比如說,如果我個燈箱跟左兩支15W FL管,我可唔可以插兩支50W的FL管?又可唔可以插PL管呢??
我個缸係20吋長,16吋高,13吋深,加左一包9L的ADA泥....
咁....我應該用甚麼燈呢...因為好似開足8個鐘...都不見水草們有泡...

缸只開了四天,草草應該連根都未生...已有CO2
咁係咪即係連光合作用都唔曉做,所以無泡泡呢?

問題又多又蠢...真不好意思...謝謝了..

又係一個好典形開缸錯誤，太心急啦，唔好一買缸就加晒Ｄ野落去就想做到魚街Ｄ草缸先得架．太快開咁長時間燈，水同硝化系統都未定，益晒D藻架，而且水質好易變差．你種甚麼草啞，照睇如果陽性草就唔夠光啦，不過你D草都未生定，過多幾個星期先再算啦．係度潛多Ｄ水啦，好多置頂嘅新手教學篇同開缸篇都好有參考價值架．

你買嘅應該係FL管，係普通光管咁定係幼身Ｄ架，好似旅行光管咁幼嘅就係Ｔ５管，普通嘅就係Ｔ８啦,PL係好似筷子咁一對，得一面插入燈座，唔似普通光管咁頭尾插．基本上係唔可以用大火數嘅光管，因火牛的輸出不同，而且唔同火數嘅光管係唔同長度嘅，所以跟本放唔落．

_________________
"一起推動水族設景潮流, 集思廣益, 雅俗共賞。"
Life is to enjoy.....

謝謝你的回應,

對呀,已確定了是FL燈箱,今日去魚街比人笑完,已經知道W數同尺吋係
定死的,唔可以有30W但18吋的FL燈.之前比濱X昆我買左兩枝12K的
FL管,一個泡都無,收尾知道如果養水草,個RANGE應該係6000-7200度
左右,換左今日舊鹿角苔居然有小小泡了.
不過,最大的難題係,好多呢度的網友,都話1升水對大約1W功率就差不多.
但我個支死人燈箱得兩支管,最多只有30W,想加多個箱又無位.都唔知
點樣可以達至大約60-70W的功率.有沒有教學對燈箱燈管的組合等的
可以參考一下,照明這問題真係令我有D頭大.....唉...

其實36w pl x2 應該幾fit...
有冇位加多支36w pl 呀..?

我個支死人燈箱係濱X介紹比我的,大到牛龜咁,我睇都幾難放到了.
今日週圍上網搵關於燈的東西.
有人說了色溫不重要,反而紅綠藍的波長有大影響.
所以,我想光質和光度重要,又比D魚街SALES老點左我話我用
12000色溫會燒"火農"D草,真係好鬼激氣...
我諗唔才老友們都係魚街呢D賤格修士的鳥口下白花了不少不關事
的錢.
而家有D唔知點好,唔知換過個燈箱,一或直接用HQI燈一勞永逸...

唉...