水草情迷

各位前輩﹕
我今朝缸水成29度，熱死了其中兩條孔雀魚，我已經加了一堆冰落水，除了這個方法，還有其他方法可以長期保持一個穩定水溫嗎﹖我唔想再熱死魚啊﹗請各方仁兄賜教。
Thanks!!!!!

你個缸有幾大? 唔知點解我個18吋細缸都成29度, 反而36吋大缸加埋HQI都係28度, 係咪細缸比較高溫d呢我就唔清楚。

言歸正傳, 若想降低水溫, 可用水冷(較貴-賣價及電費, 但效率高)或者風扇(較平, 但效率低, 我都用緊), 唔建議用冰, 特別是直接放入魚缸溶解, 一來污染水質, 二來溫度變化好大, 死魚機會仲高。

Dear PP-HK,
我個缸21寸，成日都好高溫，今朝死了條孔雀魚用網撈屍掂到D水時，嚇得我丫，我隻手都feel到暖暖地呀。唔怪得兩條孔雀好地地死鬼左，我已經好小心咁加冰(因為臨時臨急，唯有出此下策)，故才急須各位前輩教路。
Thank you 呀﹗PP-HK......

pp-hk兄, 你個18吋缸d水溫點解會高過36吋缸呢....因為36吋缸水面較大.....同空間接觸面會較多....所以大缸比細缸o既溫度會低少少~

有朋友教,話用留定幾枝汽水膠樽仔,入2/3水擰實個蓋,放入冰箱備用,緊急情況下成枝放落缸,污染會少d,但恐防溫差太大.用樽仔好啦.

Dear 不死鳥,
冇架，孔雀魚死係冇乜特徵的，而且養了兩個多星期一路冇事，係今日缸水上升，咁就即刻瓜左喇，我養那些唔係咩貴孔雀，係自己撈八蚊條那些咋。我都唔知佢叫咩品種，不過，死時冇爛尾、冇白點、冇針尾，故此我極度相信係缸魚太熱之故，我家陣人在office，心在屋企缸魚呢﹗

Dear村長，
噫﹗你個朋友的idea不錯，十分感激，我今晚試下work唔 work，其餘那些孔雀頂唔頂得順。

Thanks!!!!Thanks!!!各位﹗

無可能我個缸31度d孔雀都唔死,會唔會你缸水有問題?

其實唔過30度,d魚應該唔會熱死.
你個係咪套缸黎?如果有頂蓋果種,試下揭開頂蓋睇下會唔會好d

魚仔應該吾會咁易熱死呀！

我個缸呢排長期31度
D孔雀都無事
孔雀BB食得開心
小孔雀係缸面游得放心
大孔雀係缸底哩得安心

其實有地方的話都是買部冷水機好些！魚仔和水草都開心D嗎！

聽了各位之意見，我都放心d。因為缸水在29 / 30度徘徊，真係鄧d魚仔熱呀陰公﹗我諗諗下，唔知會唔會關餵食方面事呢﹗因為我缸魚一向食開冰蟲，尋日專登買一包豐年蝦回來餵食(份量唔多，好快食完)，諗住俾佢地當補品補下，我係冇將蝦仔水倒埋落去的。
會唔會突然轉糧所以整瓜左佢地呢﹖﹗

喂！日日都食埋D虫,突然間有蝦食,我都開心死啦！(講笑)

Dear Summer,
睇完你個message，我真係笑左出黎﹗^0^咁又係呀，餐餐青菜突然有得食下d正野，開心死都好的，總算無憾了﹗
尋晚用了村長朋友所教的方法﹕用樽仔雪冰然後成枝放落水，臨訓前拎走了樽仔，今朝早水溫在27度，似乎其他的孔雀魚、波子、黑摩利等也安定下來了﹗今朝佢地仲食得訓得。
在這裡，實在感謝各位前輩教路，因為我發現這個網站真的有好多高手。而我在這裡學識好多野。Thanks!!!!