水草情迷

唉,其實GWU和winz 都講出了我的心聲, 希望香港的水族魚友唔好成日只顧老吹, 多出d有質素的post, 等d新仔有個好旁樣, 亦希望香港的水族界在每一個有質素的討論中, 真係可以做到交流, 學習, 和進步, 廣闊大家的眼光.
坦白講GWU所講的水族網頁淪落, 我真係認為可以由winz所講的吹水風氣中可見一斑, 本人也有一些愛上的水族網頁, 但慢慢大家都淘醉了在吹水的氣氛之中, 忘記了討論區是用來討論, 而不是用作吹水的, 可是我在道出了正確的討論態度時, 人們的反應竟然是,不耐煩和抗拒.....
假高手,老新手,亂講野,笑死人. 但係依個時候, 大家的正義感都好像消失了一樣, 冇人出面指正, 最後一班無知的新手亂post一統, 後來居上的新新手更是無所適從.........
正所謂物以類聚, 大家做好d, d新手自然就會跟隨, 老手先會有心幾ka, 唔係日日都係d "我的魚就死" "硝化菌係乜" ......
我相信, 只要大家討論時認真點 ,吹水時先吹水, 不久的將來大家都有一個機會, 見到香港的水族界是受到外國的乘認, 欣賞的一日
本人的言論並無針對任何一個網頁或人物,只是有感而發吧.
我真的不希望再有一些有質素,有本錢的網頁淪為一個吹水區,甚至倒閉.
衷心希望大家有所進步,好好珍惜自己喜歡的網頁吧!

睇左咁多篇之後我都想講少少野呀.希望大家唔會介意啦^^
其實我都好認同你地話會出一d有質素既post.但係不過有時對於一個新人黎講佢地有好多野都唔會明@.@雖然佢地可以睇返好多舊post,但係每一個人養魚既方法都唔同,所以好多野都唔可以一概而論.就以豐年蝦為例..我諗好多人就算跟足文章咁做都未必會得到同一個效果出黎.
情況就好似一個學煮野既人跟住食譜去做,但係都失敗.依個人之後可以做既方法有幾個.
a.自己不停搵資料,直到成功為至.
b.去問其他有心得既人.
c.當自己成功左.
其實大家上得魚網都係對魚/草有心,而上得多熟左之後態度更係會唔同左...會吹水多左.但係我自己覺得依一個係好既表現...因為一個論壇要比到人親切既感覺,人地先會咁.你地有冇見過城市論壇會有人係度吹水丫?
我諗冇人會中意去到一個淨係學術性質既魚網度..所以點解唔用一個輕鬆d既心態去面對呢?
不過依d都係我自己個人既感覺.因為我自己中意輕輕鬆鬆咁~.~

hi all,

唔知呢, 湯米話我表達能力唔好, 真係冇錯ga... (真人仲衰 ^^")
Little_Fighter只句說話, 已經說了我99%的意思 (最重要係我不是針對GWU, 只係GWU引發起我忍了很久的不滿), 感謝Little_Fighter無意的sum up~

我都好贊同人人說要"吹得其所", "吹得其所"就是從一些機乎被遺忘的東西去再深思, 古希臘的偉大哲學也不是從市集中討論出來嗎?

hmmm...大家不如去下外國的網業看看(或者你已經係常客), 認真度真係悶到你都想唔睇 (仲長氣過我), 但內容真係正到爆, 我迫住睇, 明白左就會好開心ga la ^^

其實我也是粗人一名, 讀書唔多, 所以學每一樣野, 機乎都start from Zero, 討論中可以學到好多唔同的野, 令到成個brain storm都強d、快d, 所以發問係好重要, 但怎樣去問得其所? PLSSSSS "Think Before Ask."

ps. 大家喜歡怎樣就怎樣la.... 要說的... 也說了... 要來的... 也來了... 要去的... 就樣他去吧.

其實我覺得咁多位網友講嘅都係佢地嘅真心話，我覺得對香港網族嘅發展係有利的，起碼可以從中啟發到Ｄ野，唔係馬後砲，”啟示”就有如點著咗個藥引去引發咗所有發言者對香港網上水族世界嘅一Ｄ其望，係你地令到今日有咁多姿多彩嘅水族世界，不過也可能因為我地令到佢失息架．廢話講完啦．

_________________
"一起推動水族設景潮流, 集思廣益, 雅俗共賞。"
Life is to enjoy.....

各位﹕
水草情迷有一樣可貴的地方，就是高手眾多，但當新手問一些比較淺的問題時，大家都熱心為其解答，因此情迷就是一個高手交流的地方、也給予新手學習的機會。因為對於新手來說，高手們之間的技術交流，可能不會明白，又沒經驗及能力試的，一切由基礎做起嘛，但當遇到一些問題(高手們認為是常識、但對於新手卻是難題)自己不能解決、又不能短時間在其他地方找到資料，那麼惟一方法就是求助各位朋友了，如果前輩只會說﹕自己找資料吧、或冷淡回應，那麼新手又怎會敢再問呢，久而久之，論壇可能只變成高手圍內之間的專業網了。不過，很寶貴，當遇到這些問題時，無論是高手或半桶水，都會熱心的為新人解答，這些不就是情迷可貴的地方嗎？
作為一個優秀的論壇，小弟認為就是要能夠包容所有人，有高手、有半桶的水、有新手，讓大家都有機會在這裡發言，而不會給人寸或冷淡對待。

有時或許會有幾句吹水，但我覺得大家都是適可而止的，偶然的吹水，相信會令到論壇warm一點吧。
最後，小弟的表達能力或會有點差，希望大家見諒。

隔了三天， 大家平靜一D時， 請容許我插咀, wrap up一下自己的感想:

首先:
1. 完全感受到Winz 兄第一個回覆好 “肉緊”， 但語氣可能重了一點。
2. GWU兄應MAC即將改革之事在幾個網都有出感想， 若果看過GWU的幾編文章， 我簡單的理解， GWU兄在好的一面是想說出 : 希望個個(網) 都做得好， 以及多謝所有網主。 當然在談及每個網的定位 (迎合網友)， 就出現了大家的討論。
3. 好欣賞兩位新網友 “我係新手” 同 “人人” 立即表達從新人方面去看自己的需要。 隨後的 “青頭”， “Little Fighter” 同 “史力奇”也是一樣。
4. 所有討論都是正面的， 對事的， 而不是對罵的。
5. 以上正正看到大家都 ”緊張” 情迷網， 我想這些就是版主其中一樣原動力吧。

我的散亂意見:
1. 同意小灰霸兄， Winz是這個網中， (最)有研究精神的 (其中) 一位， 大家一定記得 LED燈， 藍波刺激花青素， DIY鐵肥等文章吧。

2. 而對於 “問問題” 及 “答問題” 方面， 幾位網友都談了另一角度。我想補充的是: 大家回想在讀書時代， 尤其是first degree or master， 好的阿Sir/Professor 也會指導我們如何去問一條好問題， 但不是每個人都知道甚麼是一條好問題， 而對大部分人， 這要求也太學術了。 另外，我們不能驅分誰是不懂得問問題， 誰人是懶惰呢?

3. 對比Internet marketing/business concept， 有全Internet concept， 有Internet加店鋪 (即人與人有真正接觸)。 兩種方法各有利 “byte”， 我想Internet hobbyist community groups 也是一樣吧 (即只有網站 vs 網站加上

唔好意思...阻大家小小時間...
或者呢個問題對於我黎講, 有些少敏感...

大家都講得好o岩...

但香港的網上水族世界討論區, 又起止以上所題及的魚街, mac, 情迷, 田園呢?
其實每個網都有佢一定的特色, 各有各o既好處, 各有各o既style, 去迎合唔同層次唔同需求o既人...

最先大家都係由search開始, 或者由志同道志合的朋友介紹...便在那處遊覽一番, 跟住交流一o下...
覺得適合的就長留下來, 好似做朋友同拍拖咁, 起初都係互相了解同認識, 夾o既咪一齊, 唔夾o既都可以做個朋友, 互保不足!

魚街, 相信是所有新手必經的, 他是我第一個上o既水族網.
果度雖然開始冷清, 但仍有很多熱心養魚的高手, 自建養殖場, 對治養魚類甚有研究, 大家都為養魚而努力!!

mac, 我同意係一間養魚養草的入門學校, 久唔久先有助教出手相助, 不過大家都好似一家人咁!
雖然大家講o既都係1+1=2的問題, 但每個同學仔, 都好肯互相分享, 互相幫助, 大家永遠都不厭其煩, 用簡單易明的方法, 答完再答.
但我相信氣氛係最溶洽, 最有溫情的網.

到大家學有所成, 要畢業喇, 大家都想更pro, 要向更高層次發展時.
大家又會再search一o下...邊度有多d有關養草o既info, 草缸layout又點set好呢?
情迷同田園會係一個好選擇的地方...

情迷, 係我第三個去o既水族網, 我係呢度比較喜歡做cd-rom.
因為我覺得呢度規矩太嚴啦, 唔比離題, 唔比問完又問, 標題要正確, 凡事都請你先search後問...所以我唔係好敢發言...
但想學有所成, 想升班, 想pro的, 會係一個不錯的選擇!!!

最後係田園, 真係越黎越多真高手, 資料亦很豐富...
但d真高手又係邊度黎ga呢???

各版主, 高手, 新手, CD-Rom...
大家都是志同道合, 為的是興趣, 為的是魚兒能夠在水草世界裡生活得自在一點...
大家都是抱著對一份熱情, 一份執著, 為我地屋企增添多一分大自然的感覺...
大家都係想, o係魚街商店以外, 去了解更多養魚養草的知識, 是嗎?

唔好意思, 原來女人真係可以幾長氣ga!

_________________

自由是可以去愛那個人而不去愛!
自由是離開一個人而永遠祝福他!
THAT'S WHY...I Go Away!

我在這裡登記了一段時間，但近來才多了來，雖然我亦有到其他魚友的討論站，但還是覺得這裡適合我多些。我也曾經經過新手階段，也曾經在這裡問人問題，我覺得新手之所以叫新手，並不只是新養魚的人，也可能是個新來者，對於大家的討論方式可能未太習慣，所以往往忽略了用搜尋和列出裝置等發問形式就把問題提出。有人說不會回答這些沒有細節的問題，我會理解，但若我能解答，我仍會覆文再問更加詳細的資料或找出舊文給他參考。因為他們所問的，他們不曉得。

其實這個公開的討論站就像魚街一樣，當然會有高手同時也有亂作之人，但才為前輩的人，指証新人的錯處加以提點我想是網站建立的其中一個原因吧。在我來說若當初沒有得到各位的意見，肯定又會成為魚街殉難一族，任人魚肉。所以我好珍惜這個能給我寶貴意見，並讓我能識到一群友善魚友的地方。有時我若有多餘的水草或者配備，也會在這裡送給其他魚友。

我覺得一個好的養魚網站，保持平和討論氣氛很重要，討論亦應對事而非對人，對於一些能答的問題儘量解答也有助於不是少新魚友的加入。我想這正是大家喜歡的網站吧。

最後我覺得如果將大部份新手常問的問題匯成一版新手Q&A，咁對於新加入的魚友就有莫大幫助。

我相信大部份高手最初都係來至鱼街,不過已今非昔比喇,有Ｄ希噓,記得幾年前得佢果陣時真係好旺場家