各位新手老手，以下只係小弟白痴之作，請狠批及切勿模仿
記得大約半年前係荃灣果頭一個人行街，見到有間舖頭賣緊一d好細個既魚缸，見家中裝修完畢，手頭又有d鬆動，咪買左一個十吋x七吋既魚缸仔玩下。當中包括左一個缸(肺話)，一個氣泵同一個潛水filter(類似小妖精的東東)。 可惜因為太夜，乜魚都無買，諗住第二日先去魚街掃貨。
第二日，除除便便的洗了洗魚缸，就去魚街出發，到最後買左
紅蓮燈四條，雜牌孔雀兩條，一支凈水濟，一樽魚糧
番到屋企，裝滿左缸水，放左幾滴淨水濟，就將d魚放晒入去。(感謝主給予我幾條奇魚，咁都唔死
)
就係咁，呢班四條衰仔加一對基佬係呢個乜都無既缸過左一個星期非魚既生活，期間好食但唔好住，條成日有個人頭"哄"埋去嚇佢
跟住係Google 到搵到"http://aqugrass.com",呢個網頁令我知道....養魚係好差煩既，顧得呢樣又要理埋果樣，為左靚就會令到d魚死快d 云云
好,見你地班友仔post 相咁好睇呀嘛, 潛水一輪後(煩...真係好煩)我又走去魚街，買左一包Azoo 水草泥，水草店買左一包婑珍珠，針葉皇冠，瓜哇莫絲，仲有一支水草肥(tetra 什麼的)。
番到屋企,用一個水桶裝起晒d魚魚，之後就晒始翻缸了(其實...都無野翻)。
三個鐘後,插好水草，著好燈，嗯..............放魚囉....(再次感謝主,仲未死得)
就係咁,呢六條魚就係呢個環境中生活，當中經過白點呀,啡藻呀,溶葉呀咁,其中一條紅蓮燈仲唔見左隻眼(迷....我真係唔知)
後來黑毛藻大爆發，忍痛咁捨棄左舊大沉木同埋上面d莫斯，再加多兩個新成員，就係小精靈同埋黑絲飛狐，可惜呢兩位新朋友只肯食缸邊d 青苔。
四隻衰仔同埋果兩條基佬睇黎對無左舊沉木好高興，地方大左，游都游得快左，可惜,對於黑毛藻仍然係無幫助。
直到而家,開缸六兄弟仍健在
今日，買左五隻大和沼蝦,小寶搭同埋小水榕。
究竟，開缸六兄弟,清潔二魚組同埋新勢力大和沼蝦團係呢個十吋小空間到會係點，會係種族大融和，定係一國獨大，又或者係同歸於盡???
請看日後小弟"dunyue"的求救Post
<<<完>>>>
登入
註冊
問答集
