水草情迷

Hi各位好，我係一名種草新手，請各位以後多多指教呀。以前我一直都有養開金魚架，養0左好多年，但自從一年幾前我就被FS裡面一缸一缸0既水草吸引住，由果陣時開始我一星期總有一兩晚會到FS逛逛，為0既都係想欣賞一下某幾間舖裡面0既大型草缸，見到小魚晌水草叢裡游來游去果種感覺真係好難用筆墨去形容，好羨慕人地可以有一缸咁靚0既魚呀！
由於我當時一直都比較忙0既關係，雖然我都好想擁有一個屬於自己0既草缸但都礙於冇時間去研究種植方法同器材用品等，所以打消0左設缸0既念頭。直到舊年11月我轉左份工，工餘時間多0左一D，所以就下定決心自己試下種一缸，當時我都唔知網上面原來有咁多種水草0既資料，有一次我抱住搵一搵0既心態上網search，就發現到水草情迷呢個種水草0既資料寶庫，晌短短一個多月時間我晌呢度學到好多種水草0既基本知識，想唔到種水草原來有咁多學問，在此我好想向各位網友講聲多謝，如果冇左你地0既寶貴心得，好似我呢D新手真係唔知從何入手，真係好多謝大家呀！呢度0既網友又樂於助人，感覺好親切呀，而家我日日都會上0黎睇多D學多D，遲少少我都可能會有問題要請教大家，到時請各位多多指教呀!!

歡迎歡迎，諗住點玩法呀，記住戒急學忍喎。

我諗住先種幾種易種D 0既水草先囉，我本身有個4分缸(40"長 x 20"闊 x 22"高)，而家冇魚，我諗住睇多一排水草情迷學多D 0野先開始種。(因為自問有好多基本0野都未識呀)

你好ar,我都係響呢度由初學起...
以前都係養開魚,越養草就越發覺原來種草既學問真係好多^^
比心機~

之前我成日話個女掛住上網，而家比老婆話番我轉頭；成日睇什麽“水着情迷”，我話咪亂講呀，係叫水草情迷。係度真係學到好多嘢，冇得頂！

wah........你個缸甘大真係有排玩呀

個缸之前用黎養咩ga?

我個缸以前用黎養金魚架，但講到種水草，呢個缸對於我呢個新手0黎講應該係太大喇，我怕打理唔掂，所以我都諗緊買個細D 0既缸去種，遲下先考慮用呢個舊缸。。

你好呀~~ 係呀..種草真係有好多學問，我初初睇水草情迷諗住就咁用腦去記住D資料，但後尾發覺真係記唔到咁多因為實在有太多專門0既知識晌裡面，好多仲係網友寶貴0既心得，所以我都買左本小NOTEBOOK去寫低D資料，可以時不時囉出0黎睇番麻(唔駛search過因為有時search都好難搵番你想睇果篇文章)

大家一齊努力呀!!!

我之前晌屋企都好少上網，而家一有時間就上0黎search舊post，因為真係晌度學到好多0野，一D你行魚街或睇書都學唔到0既0野，網友又樂於同人分享心得，真係冇得頂呀！

其實你有位,金錢上又許可,用番個舊缸仲好啦,因為個缸越大水質越容易處理,例如:落肥的份量易d計,如果50L水每日多0.5ML的肥跟100L水每日多0.5ML的肥,你話邊個缸肥的比例多D,肥多左爆藻的機會又多D,其他的毒素(NO3,PO4)一樣,水越多毒素在缸裡的比例都越細.

首先個缸有40吋長及22吋高....一定用HQI 150W----2支
用ADA 9L 泥----3包
co2-----一定要有(一係自己DIY...一係自己去新基買樽和錶頭)
濾桶買Hydor P30 啦

以上係養陽性水草基本設備

一係種吓陰性草呀(雖然我都唔係太識~),可以搞少好多嘢~雖然暗暗綠綠,但係好有幽玄之感......

哦明白喇，咁我就考慮用番個舊缸，因為買個新缸個舊0既又係要搵地方擺，如果用大缸反而易d打理咁我就用番個舊缸喇，thanks大家咁幫我呀！

好多謝你幫我諗埋D設備呀 我自己之前都有考慮過晒D設備，因為自問仲有好多0野唔識所以仲未正識開缸住，加上我之前又想買個細D 0既缸種，所以都係上0黎學住0野先。諗住2月尾3月頭先買設備。

我近日搵緊D水草分株0既資料，因為我有幾種草特別想種，但每棵價錢都幾貴，如果真係搵唔到D資料我諗我會考慮種其他，所以好多0野都0係我構思當中，希望一切順利喇，多謝你地咁幫我呀~

我都會種架，但我特別喜歡果幾種都係陽性水草，真係幾麻煩下