水草情迷

今日終於都狠心將PL 24Wx2換左DiyT4,無錯...係T4.....
點解會係T4..因為我個缸20吋~~T5 8w 平均放我怕唔夠光,14W又長過頭..20吋真係尷尬,其實都諗住換好耐,但係一直都因為t5尺吋唔岩唔知點好,而且換一隻PL既$$都可以買一支T5成套,仲有pl既光真係......好唔平均><
不過我買管個陣無留意..原裝裡面4支燈係1黃2紅1綠...想問下T4會唔會無白管??我diy完先知d管唔係白光,如果無白光管都幾大獲..
仲有想問下有冇人用過T4或者用緊呢??有冇邊一隻牌子既管對草比較好或者比較光?

最衰無DC係手><,希望有機會可以貼張相出黎同大家分享下..
最後想講既係..PL~~~你去!@$&)&)&)%~啦 >""<

好開心...開左燈兩個鍾左右,頭先望下個缸,d草有泡阿~~~
我以前種6角苔都冇泡~~開心到..唔識形容,我有一支管仲未裝...因為個扣佢比少左我,聽日裝埋去...希望.....成缸都係泡la@o@ heehee

兩個鐘咁快有泡,我都要5-6個鐘d鹿角苔先有泡
ps:24寸缸 70l水 t5 14w x 3
t5ho 24w x 2

係阿...個燈箱我做左成日仲係得個架...因為未界到膠片做唔到反光面,所以開住先...估唔到而家連鐵皇冠都出埋泡泡...鐵皇冠我種左落沙底,之前就死就死...而家d泡泡出到一條直線不斷升上水面好過癮,個種感覺....好開心><" 種咁耐草第一次咁開心咋

I BOUGHT ONE SET T4(TUBE+TRANSFORMER) IN SZ JUST RBY12.5(20WATT). RMB5 FOR TUBE ONLY. 6400K. I HAVE BEEN USING 4 SETS ON MY 24" CONTAINER FOR ONE YEAR AND EVERYTHING FINE.

多謝joe兄既用後報告,因為剛睇完舊post發覺買管好似比人呃左...另想問你用左一年都好好既意思係?未換過管既情況下or半年換一次既情況之下?thx

我都係用緊二十吋缸, 亦都遇到同樣問題, 本來落鴨記諗住買T4, 殊不知檔口條友仔勸我唔好買二十吋, 佢話壞左都好難配返光管, 叫我買T5

請問佢講0既係唔係真?
Rei朋友, 可唔可以話我知你總共買左d咩材料同價錢?

鋁角$1x 120" 燈箱架
兩塊鋁條$5 定光管位用
拉釘 $3
亞加力膠片 $6x 燈箱面
T4管 18"*4 $35x.......(好唔抵>< )

自備工具:大剪,電鑽,拉釘槍,反光貼..

我唔知佢有冇呃你,暫時未出過九龍搵T4..但屯門真係好難搵,獨家$38 each><..

唔該哂
嗯, mud 唔駛用好似T5咁用一開二火牛咩?

一開二火牛係T5 HO用架,你指外置的,right?
T4,T5都唔洗外置火牛,電子牛係燈管架度內置,T5 $5x一套乜都有晒
T4聽其他草友報價話$27套咋,一樣係內置電子牛

明白哂啦
$27蚊? 哇... 抵到爛 ...

我買$78一套!小心格價