水草情迷

我個草缸近日生左好多黑藻,所以昨日去左水x店買左兩條飛狐返黎試下,但係今日全日佢地都冇做野,正係o係個缸底游下游下,請各位師兄幫忙睇睇佢係真定假飛狐.....感激烈!

我睇係真

黑線飛狐係金色底中間有黑線，金線飛狐係黑色魚身中間金線。
yours 金色底中間有黑線, it is SAE(真飛狐,黑線飛狐)

謝謝 dragonken兄 & 嶄兄
但聽聞黑線飛狐好勤力o架,做乜而家佢地唔做野呀?

可能未養定, 又可能佢食糧已經食飽左

你條魚的黑線去到尾鰭透明的地方，仲有冇延續落去呢？如果係真飛狐要「一線到底」，條黑線去到尾鰭透明的地方，仲有一「執」黑色紋去到尾尾。你張相我睇得唔係好清楚，好似有又好似冇……？你留意望望丫。
我在水渠道新開的水草店買，即係放左好大個「U」形水草缸果一間，分兩次買左四條，都好勤力！

甲) 你對魚100%是sae的幼魚。
你要睇清楚:
1. 黑線明顯到尾
2. 咀邊只有一對鬚
3. 所有鰭沒有顏色
4. 長大後背上有明顯"網紋"

乙) 對付黑毛藻的根本是改善水質。 每兩天換水25%, 人手清除/剪下, 停肥, 一星期餵一次魚----直至情況改善。

係ar~~你要佢幫你食藻,一定唔好喂佢

同意呀! 要餓下佢地至得, 如果比D好野佢地食,佢地又點會幫你食齋呢!

謝謝各位師兄,
我看過絛魚尾,有好淺的黑色直申到尾(但真係好淺色),係唔係幼魚係淺色D嫁呢?
我會餓o下佢地嫁娜(盡力啦,D魚咁可愛,有時又忍唔到手家麻)
公平者兄:每兩天換水25%會唔會多左D...唔會出事嫁麻...我信你嫁.

你一係加d除磷同除氮劑試下啦，Amtra的除磷同除氮劑都相當唔錯，但價錢亦相當「唔錯」！！對付d可惡的藻要幾管齊下，長時間作戰！

如果你兩天換1/4水冇事嘅,但係e家換水一定要對好水溫,如果唔係........哈哈(有事唔敢包)

好似ngtony999咁講, 真係無事架(只要注意水溫, 唔怕白點)。之前我都比黑毛藻困擾左個幾月，原因係少時換水之過。

總之, sae只係幫你食黑毛藻, 只係治標唔治本。換水, 減肥料, 減餵食才是根本。

唔該曬各位師兄既寶貴知識,
1. 水兄 : 「唔錯」...即係貴呀?幾錢呀?年尾呀,可用支出有限,睇o下幾錢先好d.
2. 真係thank you公平者兄再反來答我....我會照做嫁那.
3. 一個新手的問題 : 「對好水溫換水」...我用暖館先坐溫左要換既水再換水正確嗎?有冇d更直接既方法?
4. 壞消息 : 換水前已有條sae香左姑,好在未過年,唔係就大吉利事啦.

3. 你屋企應該會有熱爐 ,首先插自己隻手入魚缸,跟手試埋準備倒入魚缸d水,差唔多就得la~~