水草情迷

鍾意買蝦仔養既朋友留意, 千萬唔好去新魚街7-11隔離個間水族店買藍蝦, 因為佢話就話$30/40隻, 入面原來混左部份剪草高手 (珍珠蝦), 有d就係藍藍地色既, 不過你放左落缸後留意下佢做緊咩, 你就會發現佢好勤力甘幫你鋸緊草, 我星期五晚買左返去, 星期六晚返到居企幾乎暈低, 成個缸面都係水草漂下漂下, 睇真d原來差唔多全部新綠松尾比野cut斷晒, 有d得返少少連住, 好似成個樹林比人鋸左甘, 珍珠金錢就部份斷左周圍漂

附圖就係未放佢d蝦之前同之後既情形 (留意中間部份)

thx, 石頭人,
我上星期見到$30 有40隻都好想買, 但最後驚太多所有無買, 多謝忠告.

小弟係果度買左呀, 不過係虎紋蝦, 都好似ok woo

仲有發現其中一棵大紅葉無左大半tim ah

我之前都有係佢到買過虎紋蝦ok, 不過佢今次甘大整估, 我諗以後都唔會再去佢到買野啦, 佢d藍蝦都可以雜左珍珠蝦種, 下次虎紋蝦都雜左種既我個缸仲有得剩既?? 今朝仲見到有隻係缸入面呀

WA~~~~~~~~~~好睇上黎睇睇@@我早兩日見到都想買呀@@....點知冇買度,仲諗住d幾日返去買@@

我之前買左d巷仔虎紋,同我咬穿晒d草...之後比神仙食晒
有晚我去買蝦,因為d舖收緊太夜...趕住買,我住屯門唔想又再出去
見到d珍珠蝦幾得意買左兩袋...返到黎成個星期都冇斷草或者穿葉喎...
我唔記得邊度買,但係就混左d其他蝦,有一隻藍色...有3,4隻全紅...一隻啡色...有2,3隻超大...好似大和

乜乜乜原來珍珠會砍樹架...咁我放唔放左d蝦去好??

要查清楚先好鬧D珍珠蝦呀, 珍珠蝦好大功勞架, 佢會幫手(而且係未停過)食泥面D藻(養草最煩的問題), 至於生係草上d藻, 例如綠松尾, 就連螺, 因為太重, 都幫唔到手, 只有蝦先"噤"到上去, 以我個缸草黎講, 我就唔可以沒有蝦, 而且睇蝦既生活係另一種樂趣, 我冇"斷草"現象, 所以唔好意思, 我要同d蝦平反, 亦要同個舖頭平反.

me too, very good ar
they eat algae very much

珍珠蝦點樣架？
我買過果道D蝦，我D草又係咁斷開哂喎，唔知有無關係呢？

真利害.....只好下次小心D.........
不過珍珠蝦不是貴D的嗎??

兄台,睇落你個缸喺新開播,d蝦冇藻食唔食草!唔通你想餓死佢哋咩?

我都明白蝦對清除缸中既藻有功勞, 但我亦知道珍珠蝦係細細隻既時候的確係甘多種蝦之中最勤力既, 不過當佢地有返甘上下大既時候, 佢地就會轉移向水草埋手, 即是咬草啦! 我相信曾經買過比較大隻少少既珍珠蝦 / 大和沼蝦既人一定試過我以上既可怕經歷, 而且上面有d post都有其他人回左話試過同類情形, 唔係得我一個人係甘, 我亦唔係第一次養蝦係水草缸入面

* Fans, 我唔係想爭論d咩野, 只係想講比其他網友聽我既經歷之ma, 我同意你所講蝦既功勞, 不過唔係珍珠蝦 / 大和沼蝦 *

珍珠蝦我真係唔敢講咩,因為只落左缸一星期左右

但係我養過十幾隻大和係草缸,20吋缸
除左其中兩棵貴藻有幾塊老葉被咬之外,絕對冇穿葉或者斷草,我可以話除左太陽之外,大和會咬穿或者咬斷草既話,應該先檢討會唔會係棵草唔夠壯~以我自己觀察所得,大和蝦喜歡停留係有澡或者唔多健康既葉面上面係咁用前爪爪野落把口,澡多d佢就抓耐d,抓抓下葉咪穿囉,你唔係第一日養蝦,你又有冇留意佢地既生活習性/喜好?
ps.呢度係討論區,開左post就更係有討論,唔係爭論阿,我冇惡意

To:石頭人
"不過當佢地有返甘上下大既時候, 佢地就會轉移向水草埋手, 即是咬草啦!"
你現在講左去大蝦啦, 我相你上次話 "千萬唔好去新魚街7-11隔離個間水族店買藍蝦, 因為佢話就話$30/40隻, 入面原來混左部份剪草高手 (珍珠蝦)" 係講d細蝦, 好明白你既出發點係想網友唔好上當(我同你心態一樣), d蝦剪唔剪草我唔堅持, 但係舖頭被你點名就傷啦, 佢都係因應d客既需求去賣野,我認為d蝦剪唔剪草都唔關佢事, 我係打工仔, 但明白開舖頭好大開支及風險, 而且客人口碑係直接影晌生意, 魚街開到成行成市(可能係世界之最), 實在係魚/草友既福氣, 我如果話間舖會睇間舖係唔係存心呃客人,希望你同意啦, 祝新年快樂!