水草情迷

哈~~~ 新手又唔係咁多$$
咁不如diy co2啦 又平
~2個星期整一次

慢慢儲$ 再諗定買邊支啦~ 我都係用緊diy co2之嗎

個售貨員同我講咗d開缸嘅嘢...

1) 將個缸放水落去一個月，要開住過瀘，濾內已加生物環。 一個月後先開始放一袋一d粗生魚落缸(紅劍等...)，絕不可放燈魚類(必全死)，紅劍等...摩利.....最後應會由二十几條，死剩八九條(已過一個月)，才開始放下d燈落去....慢慢加魚！
2) 沉木先煲吓佢，頭一個月連缸一齊浸。
3) 草同魚一樣(浸缸一個月後先)，放少數及粗生....慢慢加。
4) 不過佢仲提供咗一個好特別o既方法去開缸，就係頭一星期用極濃普利茶去浸佢，第二星期用粗鹽去浸/連沉木浸...，咁兩星期就可以放水放泥開缸啦！

對以上個售貨員所提供嘅意見，有冇另有高見呢! 第(4) 又有冇人試過呢？work 唔 work ka?

哈哈~
我想問你係邊間咁教你架?
仲有你唔係話係度睇左幾個星期架咩
做乜買左d咁既野返來呀.......

呢隻泥我朋友話唔好用
$120 4kg太貴啦

~又一個不知所謂的售貨員~
忍倒一個月先放草, 魚落缸既, 佢都唔係玩草ka la....(我又唔信咁忍得手)
仲要第二個月先放紅劍...摩利..., 仲要等佢地死得7788......
sorry普利茶我要泥飲既...

新缸用大量鹽加熱水去浸(勿太熱)一晚ok, 加泥後隔日己可以加草, 養水三幾日就可以放幾條平野試下, 如果想d水快d清既, 問草友比d舊綿la...

Hi 亞祖,

你個缸好似唔係咁大, 2幾條紅劍, 摩利.... 好似迫了點, 如果好彩一條都冇死, 你想加魚都幾難

不知所謂的sales, 養左十年草都未聽過有人咁開缸, 重有人可以預知你一個月後廿十幾條魚會死下七八條 ? 好野

多謝你哋呀~ 好彩有你哋係度咋。
但係我有d o野想問~ 咁如果我用(偽君子)兄嘅方法去開缸，1) 鹽係咪用粗鹽呀？2) 咁我個缸(痴)咗背景板，係咪要浸耐d呀？ 因為用過玻璃(交)... 3) 塊板受唔受得到d熱水？ 4) 咁用鹽水浸嘅時候，係咪唔駛開着我個掛瀘呀？ 5) 用鹽水浸嘅時候，係咪連沉木一起浸？ 多謝各師兄呀~~

小小意見:

缸後有塊底板又點放掛濾?
掛濾點放1L生物環?
9w燈一定吾夠
DlYC02又平又靚又正
我樓下(大角咀)有黑泥賣、發記亦有

建議:
DlY個燈箱或者買過
DlYC02

又一個(新手)中招,不過唔交學費又點會識

不過其實你在e度所學的野,應該足夠可以開一個缸(要養得青見就要視乎好多不同的因素)

多謝你對我o既意見呀~ 掛瀘已試過，啱啱掛到。 生物環用唔完係諗住留下次用....(其實係咪要換o架？)
今日再去買，比我買到ADA黑泥啦...，你話支燈唔夠係咩意思呀？ 我諗住種陰性草o 唔 ok ah？ 如果換，係咪可以只換裡面支燈就得la？ 至於CO2，我都諗住DIY ah！

生物環是用來讓硝化菌寄居的,所以生物環可用至碎為止,即是說是用一世的。不須要更換。
養陰性草又何須花$買這麼貴的ADA黑泥呢?便宜的沙也可將養陰性種得靚了。
燈管能否換大些W數我想要看看你的火牛能否負荷。

建議:
當你清先濾水器時,生物環千萬千萬千萬千萬千萬千萬不要用水喉水沖洗,這會殺掉生物環內的硝化菌的。清洗時應用魚缸水清洗。也不要掉棄用舊的生物環,因它才是寶啊。
1L水約需1W燈照,你算算自己的缸能放多少L水啦,之後再解決你的燈照問題吧

很同意CHAKMAN兄所講，諗住種陰性草，唔需要投資好多錢在底泥上，因為好多陰性草都係扎在舊木度。你買左的$120日本泥我都用過，我覺得OK，而且水會清過ADA黑泥；況且你如果用ADA黑泥，水會好酸，你揀魚的選擇就會少左。你袋泥既然買左，咁就用啦，有時D草、D魚都有好頑強的生命力嫁！好多野都係慢慢試，慢慢改，唔使心急，亦唔好諗住一次過可以在魚街買晒所有野，咁樣好容易買錯野——我就試過唔少！用你手頭上有的野，SET左個缸先，買D生命力強的草，好似水榕、鹿角鐵皇冠之類，魚就可以遲一星期左右，到時睇下點，大家一齊又傾下，講下，咁樣一齊養草養魚先至開心嘛，係咪？

1,Y
2,N
3,不要太熱
4, Y
5,可以, 但浸完要洗先好用.

直情夠做一個師輕la...