水草情迷

各草友通常會遇到乜o野問題呀(照顧草缸)？ 交流一吓呀~
或第一次開缸，通常會遇到乜o野問題呀？

好讓各新手吸取你哋o既經驗~~

你用咁多時間出post,點解唔用呢d時間去睇返d文章,如果d舊文章係無價值的話,板主都唔需要用咁多資源儲起佢,我初初開缸時用左足足一個星期去睇舊文,再有問題先去問人,我諗咁樣人地會覺得你有誠意,唔係問埋d稍為有去睇過都知0既問題,咩係PL,咩係鹵素燈,魚街有乜好商店,之前起碼有五六個POST講過,去發掘下啦!!!

我諗你緊係唔知咩叫交流。 交流o既意思係指兩個或以上o既人，係思想或說話上有溝通，又或者叫呢d做互動！ 討論區o既主指。 假若你認為此討論區d料夠齊，就唔駛再問，自己去查o既話，咁就請網主將所有心得及所有書籍轉載及分類，然後等魚友單向咁查閱，而冇需設立此討論區便可。 我唔知點解你對我有咁嘅意見，又或者我D問題太百痴及太多人問過，又或者你已經自以為好有經驗，對我呢d新仔嘅問題覺得好煩！ 不過嘅然如此，你又何必reply我嘅文章呢！？ 冇人reply嘅話，我都自然會覺得冇引離塲，若有人reply嘅話，咁咪即係我d post 係度有價law，仲唔明呀？ 呢d咪就係互動o既樂趣law，討論區嘅自然生態呀！ 哈哈...

(各位，唔好以為我冇睇過d舊文章，就係度亂發post呀！ 假若我冇睇過，咁對一個重來都冇接觸過呢樣嘢o既新丁來講，又點會知有咩PL，有鹵素燈...DIY CO2...瀘桶....生物環....暖管.....沉木..........咩陽性水草呀陰性水草呀......PH 呀等等~~)

各位大哥,
心平氣和

哈哈~ 我係細佬仔o黍o架，唔好叫我大佬呀！ 問題少年一個...哈哈(魚魚問題)！ 不過有d成年人對我哋呢d細佬有好多意見咁話，又話有書唔好好讀，問乜鬼亞sir呀~書本都白紙黑字寫係度啦！！ 食自己o甘話，唉~真係好想自已係問題少年咩。 d大人都唔白我哋嘅感受o既！ 呀~ 其實佢哋都做過冇知o既細佬o架....真係唔明？！

哈哈~ 我係細佬仔o黍o架，唔好叫我大佬呀！ 問題少年一個...哈哈(魚魚問題)！ 不過有d成年人對我哋呢d細佬有好多意見咁話，又話有書唔好好讀，問乜鬼亞sir呀~書本都白紙黑字寫係度啦！！ 食自己o甘話，唉~真係好想自已係問題少年咩。 d大人都唔白我哋嘅感受o既！ 呀~ 其實佢哋都做過冇知o既細佬o架....真係唔明？！

不過呢度係鼓勵人先搜尋,再發問...

你呢個topic主題係交流,我先打咁多隻字同你講我自己心得,就係多用search,呢d未係交流囉,只不過唔係你心目中個隻交流,你0既交流方式係你唔明乜人地答到你為之交流,唔合心意為之評擊!
如果你有睇過d舊文的 話都仲要問乜係鹵素燈邊度有好鋪頭等等,咁你都叫有睇就無野講!
你覺得自己係新人的話就可以亂浪費資源去發問,你睇返其他魚友,有無人好似你咁樣發問方式,我自己都係水族初哥,我有好多野都唔明,但我會先去了解問題精要所在再去問人,唔係一諗到唔明就去問,我有個腦,會去消化去思想去求証!
以上亦係與你交流中,無攻擊你之意,歡迎回覆我!

我好接受你嘅意見，不過可能我o既質有限，鍾意直接發問並同時搜尋資料！ 我會好好改善及吸收意見，不過我作為一個小朋友，都好想講俾你哋d大人知一樣o野，就係你點對人，人哋就會點對你，好似一面鏡咁！
你個post事實係態度有問題及冇以礼待人。 不過我在此先向你及所有人say sorry!!

朋友們，心平氣和地交流吓啦，大家係度都係朋友，千萬不要分年紀大細呀，年紀大唔代表樣樣識，年紀細亦唔代表係乜都唔識，我年輕時夠常同老豆去冲涼按摩，而家亦常同個仔去卡拉OK啦。

養魚無分年齡, 種草無分資歷
不過多睇舊文真是得益不少, 到這裏找資料已是每日的必然動作

唔....離題了.....?! (我也是新手, 唔好罵我)

祖兄 & sun兄
大家都係水族愛好者,免傷和氣
唔好難為super兄

祖
你咪話想"交流各經驗 "
但我諗一時間要各前輩講出經驗並不易
因為除非你可以提出疑難
否則沒有一個明確目標給各前輩針對此發言
我諗前輩們好難傳授到"草經"俾我地

而我諗Bensun兄
佢可能只係想話俾大家知"舊文章"有好多"草經"可以學到
只係ben兄係一位較直率的前輩
千萬不要誤會有敵意

其實祖兄講真
舊文章真係個好好的寶庫
可以從中學到好多野
得閒"咪"下真係唔錯ga
但如果真係遇到問題
就一定要出來問
因為你一問
幫到的不只己
也為留水草寶庫留多一份"寶典"

好哪~~等我吊開話題先...hehe
第一次開缸新手既問題,
當然係唔理你係用咩色的ada泥, 總之千奇, 千奇, 千奇, 咪洗, 咪洗, 咪洗.
各位話係咪先...

洗泥=沖走養份=浪費
所以千萬千萬千萬千萬千萬千萬不要洗泥

馬拉松
我又來

洗泥=沙層滾滾=死魚=買新泥