水草情迷

終於登記左.

小弟養魚種草大約3-4年, 上左此網也有1年多吧. 各位網友o既經驗之談, 心血結晶真係好有用, 好正. 多謝先.
近排比較游D,今日"的"起心肝登記入黎吹下水Law.

宜家o係個4呎草缸養緊以下哩D.

新燈 (草缸梗要有啦,個人覺得.)
藍線金燈 (曾經係我o既No. 1 最愛)
火焰燈
迷你燈 (有Ｄ人係咁叫, 又見過有人叫佢"金針", 睇書好似重有第3個名,不過宜家唔記得. 都唔知邊個先o岩.)
大肚銀燕
雲石銀燕

黑勾旗
夢幻旗
紅心大勾
玫瑰旗
檸檬燈 (身价同可觀性唔成正比, 屬平魚中好靚仔的一類.)
剛果旗 (真係大得好慢,養極都未出色.)

紅肚鉛筆
五點鉛筆 (好鬼肉赤, 不過恨左好耐先買到.)
尖咀鉛筆 (最近發覺都幾難搞, 經常無情情有一兩條死俾我睇.)
小精靈
紅尾黑沙
金青苔
黃翅鼠
熊貓鼠
YY鼠
蛇仔

黑線飛狐最近唔知點解, 好似約埋, 一齊香哂. 遲D會加返. 不過目前最最最恨,都係加返對我覺得好靚仔o既帝皇燈或者彩虹帝皇燈. 但係最近魚街D帝皇燈, 好似冇乜邊間靚.

嘩! 好多種魚呀. 歡迎!

HI 又一個魚迷草癡 想問YY鼠 係甚麽樣㗎
我~D養左好耐飛狐都齊齊瘦身 跟住先後升天了

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

Hello hello, you look like a "high hand" not "new hand" ar.

又多一個高手加入啦~~歡迎歡迎 .多0的教0下我呢0的低手呀..

o甘你有種咩草??

HI~~

可以睇下你個魚缸嗎?

嘩!兄台D魚今多好像整個金魚街搬回家.

回湯米兄:
講真,我都唔知係唔係叫YY鼠, 不過有魚舖咁叫,我就咁寫o者. 係白底黑斑o既, D斑又真係好似有兩個Y字o係身咁o架喎.

回Librarian兄:
唉! 如果講沉迷(定係沉淪呢? ), 就都唔算new o架喇. 仲投資 (記住, 係投資, 唔係開支) 左唔少Tim. 但係講技術, 又真係好鬼new hand. 唉!

回豬戀兄:
嘩!!! 你叫我乜話? 高手? 有D侮辱成份喎. 我係話你侮辱左"高手"哩個稱呼. 所以記得, 記得, 記得, 千祈, 千祈, 千祈, 唔好咁叫我.

回Lugie兄:
有D 水蘭, 荷根, 椒草, 皇冠, 波浪, 四色睡蓮...係咁上下啦.

回小精靈兄:
梗可以喇.

木既型態真係好特別喎~~幾靚~~
睇得多水草, 簡簡單單玩下木都幾好丫~~打理又容易~~

你個缸係高架? 望落去好似好高~~

P.S. 我是女仔尼啊~~不是兄啊~~

果然大投資喎,睇水面應該係2支HQI啦,加埋水冷.大制作!
相比我嗰個豆付潤

哈哈! 你一定是燈魚迷吧!!
上星期日, 我到過水x苑看, 有缸皇帝燈幾靚又大條~
不妨去看看

回狗仔:
係呀, 我真係比較鍾意燈魚.
水X苑, 我估你講元朗o個間? 感謝提供, 但太遠了. 我住港島.

Oh......very good keep work hard