水草情迷

唉.........
養o左半年草, 似養青苔缸多d
一係d草死, 一係勁多青苔
真無奈......

加油!!!!!!!!!!!!!!!
其實我都想放棄!!!!!!!!!!!!!!

如果覺得唔妥, 黎次大翻缸, 吸取經驗重頭黎過, 會不錯呀.

_________________
多多交流, 多多研究, 多多搜尋
我的水族相簿

其實你養左成半年草，或多或小都從中吸取到經驗，
草死、多青台，你有無問下D高手點解會咁樣，要多D問，你就會成功喇！
如果唔係你翻多幾多次缸問題仍然存在！努力呀！

我好明白你o既心情,真係會無奈......
養水養草養魚養菁苔,係我地水族界必經階段.
咁! 你可唔可以同我地分享o下,你用緊乜野方法及工具去養死d草&養青苔呢.
之後等我地睇o下有冇另外一d方法呢.

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

哈~~~ 我之前都唔識養架... ...
死左唔少草X.x" 又攪到成缸都係d蝸牛... ...

最後泥左次大"番"之後
種陰性草開始再泥過... ... 慢慢再跟其他前輩學野

而家d草草都幾健康呀^^"

我以前種左多年草,也是有多次失敗,但搵到水草情迷,努力潛水,出下post問下意見,真係獲益良多,魚缸水質同草草都改善了.
不如你把你的 configuration,擺放地點,燈照方法同時間,肥料投放第資料列出來,第呢度的草友同d高手同你睇睇.

小弟以前都係不斷0甘死草同死魚嫁..不過0係呢度學到好多野..半年咪當係汲取0下經驗...多0的上黎潛0下水.有咩唔得咪上黎問人law..大把高手幫你!!

係架...養水草 其實真係唔難架...
比多d心機，問下呢到咁多專家law...
冇草 咪問下有冇人 有la...
一定得架....

never give up, keep going!!!
政府廣告都有啦...落後咗?追番上嚟啦!!
我攪咗成年都好似垃圾缸咁,唔敢post上嚟!都未放棄,仲想攪大D!!!
嚟,去吧草魚兵團

我個缸9" 高, 14" 長, 8" 闊.
用掛濾, 有CO2, 用唔知乜牌o既泥.
2支唔知幾Watt o既PL管
每日10hrs燈同CO2.
一個禮拜落一次Azxo o既"主要食肥", 鐵肥同微量元素.
有大概廿條燈, 2條小精靈同2條金青苔
宜家淨番一棵小香菇同小對葉咋......

請各位提議下我有咩可以改善??

14"長, 枝PL可能係11W x2, 你有16L水, 頂多16w, 好似多d, 同你光照太長, 最多8小時已好足夠. 如果你d草唔吸收, 多餘的肥會變藻類. 不如你試下唔好落肥同光照減至6小時睇下有無改善. 重有, 請問你個缸會否放在陽光可照到的地方嗎?

好, 我會試下
我個缸陽光照唔到
但係有時會開檯燈

唔好灰心，我都同你差唔多！我養的都係同你差不多的「蚊型缸」，同樣有藻的煩惱噢！上兩個星期d綠色斑點藻生晒上我的水羅蘭度，結果換走晒佢！而家再接再勵，換左珍珠金錢！我想問一問，你缸的水溫幾多度？種的是甚麼草呢？要打低d藻，可能要先揀容易養、生長快的草？

其實我個缸同你差唔多大, 之前用左2枝T5 8W x2 加上落肥重手左, 所以生黑毛藻, 加上我個缸放在窗台附近, 摌青苔摌到爬街. 之後我用ammo-lock 2 同 停燈停co2一星期, 黑毛開始有減弱的情況, 先加慢慢加返燈同co2, 要成個月先打黑毛藻清除, 所以除藻呢家野, 真係要有心有力先得ga.