水草情迷

其實係魚街好多間都有sales或老細食煙，如濱流都有米高及其他sales食煙啦！點解你地又唔評論下。
我個人唔鐘意偏幫邊個那個，係好就讚、唔好就話唔好，我都有去其他舖買野，但發達比較多d，可能佢地既產品適合我多d呱！
聲明：我唔係偏幫發達，但覺得大家好似評論得太多啦。其實佢地無論態度及禮貌真係比起我當初認識佢地之前好好多啦！希望大家比d時間佢地去改進。

小寶兄:
認真小小講:
1.其他店舖有人食煙, 唔代表食煙是對, 你試下入去美心, 電盈, 投注站, 有無店員或店長楝係你面前噴出優質CO2?
2. 係好就讚, 唔好就話唔好, 食煙係唔好, 幫唔落, 禮貌唔夠好, 幫唔過.
3. 態度及禮貌比當初好, 並不代表現在是好, 只是以前太差罷了.

聲明:我幫襯發記10幾年, 一直都唔覺有大問題, 可能我對佢地認識得深, 預左係咁. 不過我看大家的貼文是有道理. 既然大家都確認發記的品質, 對他們要求高一點是無可厚非的, 因為愛之深, 責之切嘛!

我很久沒有出聲,我想問一問,在這裡發表過文章之魚友,有邊位是煙民,我自己不是煙民,香港政府亦未將禁煙範圍伸延到那些地方,有時睇o野要宏觀小小。我亦想問一問你們是做什麼工作,你們係唔係做服務性行業呀,做服務性行業雖然係要有禮貌待人,但一年365日,你o地本身,自己問自己良心,有冇曾經向客人發過脾氣,你們在這裡已說了很多,我諗他們亦會去改善,如果你們認為他們態度不好,何不直接向他老板投訴,已有網友在此講過睇完這裡之文章後,曾向發記之老板講過此事,亦有回應,請各位發表意見時,細心想想,用宏觀的態度俾出自己的意見,提出別人的壞處是很容易的事,但叫你提出完後再俾意見怎樣去叫人改善是很難的,每件事都有正反兩面,有時你們要直接去了解當事人為何這樣做,才作出任何對他的意見,我諗這樣才對他公平,公正及公開;那人了解後,如果他知道自己做錯,成年人亦會去面對此事,承擔你們的問責。

P.S.請Super兄睇了後不要刪除,我想每人睇完後自己細心想想,這樣公唔公平？

優質CO2咁都諗到,佩服,咁D焦油又點呢?Ha Ha

唔好意思sang兄,雖然我開左個咁既頭,但絕對唔係想搞到
好似你講得咁嚴重!!
其實大家係度只係發表主觀既意見,講真,無話邊個對錯,
純屬個人感受,你唔好誤會果d係度話人地呢樣唔好果樣唔好
既人,好似叫人地跪地認錯咁,我相信大家都無惡意,至於文章
既是非對錯,就由睇既人自行判斷吧!!如果我地下下係度講野
都要好似d政客咁算過度過既,我怕以後d人會唔敢post囉

好激呀！大家心平氣和D啦！
tcc兄，你這句好精采啊！我都好贊同

愛之深, 責之切

食得咸魚抵得渴，消費者花錢有要求好合理，賺錢者不可能不勞而獲。 只要要求合理，不是無事生事，就可以提出要求。若說一年365日不可能日日咁好禮貌，咁好心情的話，那麼那日就唔好開檔，唔好返工，唔好賺錢住。
我以前做酒店時，個個supervisor日日提住唔可以將自已的唔好心情帶返工。做唔到的話，那日就唔好返工。人客來尋開心，不是來做社工開解你，體諒你。
百年老舖也要追上時代，改善形象，唯何發記，或任何一間舖就不行。
事後想想，可以推己及人，但當時受氣，又何苦來哉？
既說是心情舒發區，呻呻總可以吧？
發記也有好sales，我們遇見時也有讚，為何受氣時又不可彈呢？

tomy 兄，我都是服務性行業(Banking)
所以也比較明白你講的感受。就好似我們出來工作和讀書也不能把不開心的怨氣帶回家一樣囉！雖然好辛苦但是只要有客人稱讚你就怎麼也值回票價啦！
所以有時我都幾羨慕外國和內地的魚友和魚仔店，因為客人和店員都是好朋友，不只是金錢來往而己！

我諗你o地太過美化事情,為何每次做民意調查時,董伯伯總是這麼多人不滿意他,有沒有人能講得出,觀世音菩薩,甘地,耶穌,他們等人在他們的一身事跡中,沒有發過脾氣。

To : GP03SE
你做Banking,有時有的野蠻客人,我知道你不會在客人面前發脾氣,但係你有冇想過,之後你有冇找朋友發洩冤屈氣呀,請你講真話。

Sang兄，
吾好咁激動啦！我們只是吹下水咋！大家只想講出自己感受吧了！
有冤屈氣時，我都只會和同行的朋友死黨吹吹水啊！
有乜得罪，多多包涵！

車!!
我地去魚鋪舖無非都係想買d我地心愛ge魚魚,
d salse 點 serve我地do係次要,
最怕佢點serve我地買ge魚魚ja,
有d舖頭一d愛心do冇,見條魚跳o左出街,
我以為佢地見唔到,咪話佢地知lor,
點知佢地由得條魚跳出馬路,望do唔望下,
繼續o向度serve個客 :-n27


D魚仔真係可憐

曾經在發記買新燈, 那位職員在幫我撈魚時...十分粗暴...-_-

這裏發生甚麼事？變了那條街嗎？若我不受歡迎，開口叫我走好了，唔好用埋d似是而非的歪理，教壞年輕一代。

我只想講幾句 : 真理是長存的, 對的事永遠都是對, 錯的事永遠都是錯, 不會因時間, 心情, 地點而令真理改變, 有時我們心情不好, 對待客戶不周, 人情上可以體諒, 但歸根究底仍是錯, 是錯的終歸要檢討及改善.

老實說, 發記對我們一班舊客是較好, 因我們已掌握了一點技術, 不會問長問短, 加上又熟口熟面, 但對新手事實上是差一些, 無可否認的.

想不到自己幾句戲言引發這麼大的爭議, 希望大家爭辯時保持泠靜及客觀, 真理越辯越明, 但互相謾罵便不好了.

大家笑下啦, We Care!

想問各位點解祇評論某一兩間舖呢？唔通成條魚街既舖頭都冇一間再可以去評論，還是成條魚街既舖頭都做得好好，不需要評論。亦都希望各位公平一點，茅頭何須直指某一兩間舖頭呢！
其實魚街d老細都會睇我地d post，又或者都會發表下。免得被他人撥火！
To tcc,
今日係發達講開，佢地話你係發達既老顧客，但老細都想知你是誰？肥老細問可否自我介紹下，免得整晚瞓唔着喎！