水草情迷

今日係大堡x買左傲深(ocean free)4風扇cooling system,
開左一個鐘左右隻牛已經好熱同有陣熔膠味,我真係驚24小時
開會燒焦,個盒寫件野係新加坡出品,但隻牛係made in china,
12V/1A輸出,我都唔明點會咁熱,我個AA套缸火牛都係12V,但一D都唔
熱......
唔知咁樣可唔可以拎番去同佢換???

可以，商譽緊要嗎?

可能隻牛輸出功率不足, 拖四把風扇, 扯電扯得勁就會好熱.

_________________
多多交流, 多多研究, 多多搜尋
我的水族相簿

個隻牛...太雞啦~我都唔敢用.
去鴨記買隻1.2A-1.5A的靚牛..好好多.
不過成為$86
熔膠味係因為隻牛上個張膠是貼上去的
太熱..把膠水熔了...所以有熔膠味.
你仲可以將佢推上推下...因為已經熔了...

完全同你講既一樣,張貼紙可以上下移動,因溶了.....
老闆娘話熱到燙手係正常,就算$800隻牛都熱,
熱下冇事既.....
我同佢講我隻AA12V牛一D都唔熱,
佢冇野講!換個隻我,我想問$80隻牛熱唔熱???
我諗至少唔燙手掛?????

火牛少少熱就一定有
我隻12V 1.2A開12個鐘有少少暖
但我把隻"水"牛開2 把DIY 3"1.5A Fan 唔熱lor
可能拖四把風扇的問題.

我都買左一個，一樣隻牛熱到燙手，我即刻換左一隻自己的12V牛即刻無事，不過風速就明顯

DIY風扇時請注意，風扇上的電壓和電流規格，其次是風吹向及紅線接正，黑線接負。
電壓當然要與火牛輸出一樣，電流就要將所有風扇的電流加起來，這數字最好不超出火牛的輸出規格。否則火牛發熱更可能燒fuse。

舉例: 火牛----12V, 1.2A
風扇----四把,---12V, 0.25A

大家也是12V----OK
電流量火牛輸出多於使用....OK 啦。 1.2A-(4X0.25)=0.2A

我信各位大大，己經知道這電氣常識的了，但是有些初學者還是需要提醒的。

[quote="premacyfish"]我都買左一個，一樣隻牛熱到燙手，我即刻換左一隻自己的12V牛即刻無事，不過風速就明顯

tklm兄所講的是對...但我補充市面上買的火牛(电子牛除外)都沒有穩壓(Voltage regulation)和限流(Current limitation)的...所以大家買火牛時...除了買適當的電壓外...電流output是負載(Loading)的一倍是最好的...至於火牛過熱是超載(Overload)的表現....而火牛接上適當負載只會微暖...

當火牛的規格，與應用的負荷是滿載時，正常火牛的温度不應超過60度攝氏。微温大約38至42度，用手按在火牛上，不能忍受的，温度己經超過55度了。

市面買的一般火牛DC 12V 1.5A 己經是最大的了，用两個火牛啦，如果你覺得不安全的話！
DIY 就可以你想點就點啦！

電子牛？是其中一個選擇，品質是很重要的，小心，小心。