水草情迷

器材 : 24"x13"x18"缸, 富華204濾桶, diy co2, ADA 黑泥, 沈本一件, T5HO 24Wx2
濾材 : 白棉, 生物石, 生物環, 活性碳
草 : 一棵冠草及一些紅松尾,綠松尾
沒有魚.

新開缸四日, 每天燈照三小時及按照份量落PSB硝化菌(一落菌水會更濁), 但水仍然係奶白色, 看過舊文說要等一星期才水清, 亦有草友話過多硝化菌都會水濁.

現在問題如下:
1) 現在除了等之外還可以做什麼?
2) 現在可不可以落一些魚來作硝化系統循環? 還是放隻死蝦落去直至水清?
3) co2 現在要不要落?
4) 怎樣才知硝化菌過多?

如有什麼地方錯漏, 請指教指教! 先謝謝大家!

我而家個情況同你差唔多喎!
26" 缸, P-20, ADA 黑泥, 沉木兩舊. 而家個缸養o左兩條神仙魚同埋一d 水草養緊菌.
開缸5日到, 新加落去時d 水幾濁o下, 每日換水1/5, 今日另外用個潛水filter 專放活性碳, d 水都清得七七八八lu.
一齊加油啦.

剛開缸係要慢慢等, 不過可以去買dupla隻粒狀乾菌, 對水濁有好效果,
另外放幾條魚落去la, 作硝化系統循環用架.....

我聽魚友講魚博士隻乾菌唔錯,
尋日落左缸試........
都係要等......
我開左缸一個月多.....都係濁
唯有等......

比D耐性等下啦。就算落硝化菌，都係要等。可整兩三條飛弧落去，它們十分粗生。

你開左缸一星期都可以放1-2條魚.再等2日可再放3-4條.應該d水都好快會清架啦.

好多時都會遇到同樣問題.
最常見係出問題之後找答案,而唔係起設缸前搵定料,
我都想知你開缸o既程序喎!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

你地話水唔清,加d清水定得ma??我係新手請指教

我昨日新養草 及8條4間3盆草一塊 草有 泥有co2加桶,我就好好 彩d水非常清

我開24"缸個陣用沉水Filter(生物綿,白綿,生物環,白綿,活性炭,白綿), ADA Black Soil.淨run缸水2星期,先加棵草同十隻蝦,再過一星期先加D燈魚.缸水差唔多要一個月先清(不過有D黃,因為沉木吐色)....
真係要匕比D心機等吓,唔心急得

乜養草唔 係唔加活性炭??

正常係唔加,但當時新開缸驚有藻,及要嚟吸色(沉木脫色).
三個月後活性炭轉生物石

我係新手請指教,魚檔教我唔用炭一開始就用生物石,依家3日

新缸真係一個字--"等"
開左缸兩星期, 水的確清左好多, 但未係最清, 水中仍像有很多微粒飄揚,
可能係硝化系統未完全成熟, 而家濾桶內有白棉, 生化環, 生物石同活性碳, 過多幾日便會拿走活性碳看看效果如何, 現有一堆紅,綠松尾, 小對葉, 中寶塔同一棵冠草, 重有矮珍珠(不過淨係識標高 ), 三十多條紅蓮燈仔, 三條小精靈(但得一條肯開工, 又唔吸玻璃, 淨係吸舊木, 搞到而家玻璃一點點), 而換水方面就四日換1/5水, 每天加10cc psb菌, 光照5小時, 希望d水快d清啦~

我一開始都係成日想D水清,只能夠自己勤力D,勤D換濾水棉,另外,換水果陣加D淨水劑.