水草情迷

轉o左新缸一個星期, 可能係燈光勁o左(應該唔關過度餵糧事, 因為我一日只餵一餐, 份量不多), d青苔生得好厲害, 請問各位有乜辦法可以控制, 謝謝!

封缸2-3日

"燈光勁o左"係其中一個主因,仲有係新缸一個星期,水草未適應,吸收養份少0左,有利青苔生長,所以新缸初期切忌加液肥.
同時要減少光照時間,除0左加工作魚外,可以試0下加幾隻蘋果螺,清玻璃同葉面青苔幾有效.

青苔多有乜關係呢?
通常青苔生係石, 背景板和玻璃上
影響不大呀!
我背景板的青苔多倒不得了...
反而成為魚魚的食糧...

我尋晚再想過, 都係估因為新缸d草未適應, 以致養份被青苔所吸收, 但係青苔過多始終有礙觀瞻, 而且我怕會影響水質, 所以我會再觀望多幾日先。

Anyway, thank u everybody.

如果未有魚的話, 可以試下用去苔劑, 我用過, 效果都算幾好.

which product do you used?
I have used AZOO 的黑毛藻殺手,it is quite good.

我都用過Azoo 黑毛藻殺手, 也用過去Azoo 的"去苔劑"
兩隻都幾好, 不過用黑毛藻殺手好似好勁...
用量要小心控制...唔係就會毒死魚.

黑毛藻殺手，毒性非常強烈啊！
請小心使用！

已落魚了, 用除鏻劑有冇用呢?

作用不大

另 我試過把長了苔的沉木拿出來,用鐵尺刮去青苔,再用熱水浸,但一個星期後又長出來.養蝦亦作用不大

我覺得還是減光最有效!

加浮萍都有幫助的

這問題在月初才處理完成------在上月中反缸後增加光管數量由 25w FLx4 加至 30 wFLx6(光照時間是下午3時至晚上11時)，問題在數日後就出現啦---黑毛藻出現在背景板，石頭及泥面上而絲藻則在石頭大量繁殖。反完缸後出差約10天回來發現整缸變成藻類天堂，最後方法是再反缸
------石頭上之黑毛藻及絲藻用稀釋之漂白水泡兩天--兩天後藻會變白
------背景板上之黑毛藻處理:因用牙刷很難把它們幹掉所以把魚缸水抽剩1/4，使黑毛藻露出水面，用 吸管把AMMO LOCK 2(卡奇買的)射向黑毛藻約10秒後黑毛藻會變成紅色色過幾天後就會掉落
再清洗過濾器及放回dupla幹性消化菌
缸內其他位置, 亦可持續每天落 AMMO LOCK 2, 份量跟回說明書, 會有意想不到的功效.
而燈管暫用3支(每天光照4小時)代新草習慣吧另每兩天換水1/4並把死掉之藻類吸走，剛開始時會發現黑毛藻仍會生長過幾天後會發現黑毛藻會由黑色轉綠色最後會越來越少而絲藻就因燈照減少已沒出現，到今天才處理完並把燈照至6小時(4支FL)
注：這次用 AMMO LOCK 2處理而不用黑毛藻殺手主要是該產品對消化菌沒有多大影響。
參考看看---這是最update之過案因仍在處理中
另-----黑毛藻殺手，毒性非常強烈-------有多強烈呀？我個人就用過3瓶或以上，如240公升水為例如下5滴好像沒多大影響---魚冇死可是藻也在，如下1/4瓶到魚缸黑毛藻幾天後開始白化，蝦通通死掉，小精靈15條死9條，金清道夫3條全死，15條短鯛正常及20條燈魚正常-------這是幾個月前試驗結果

我有小小心得,不知可不可行,還在摸索階段,我是用4x20W FL,矮珍珠及中柳葉面都有綠藻,時常要剪葉,我上星期轉了一支藍管,一個多星期無換水,一星期後再望魚缸,竟然綠藻無晒,矮珍珠及中柳不用剪葉了,現在我在觀察有用藍管及無用藍管對草類及藻類之分別。不如大家試試研究有沒有效用呀。

sang兄
你說籃管是那種呢？如真的有效請盡量早告之，等我也試試看。