水草情迷

昨日買左對紅肚鳳凰(4cm), 買之前公魚同母魚顏色都好靚...放落缸後兩條魚既側身粗黑線都變到差不多冇色, 非常怕醜, 成日匿埋....到今日粗黑線仍然好淡色, 成日一齊0係罐口出出入入游來游去, 又冇打交...

Q1. 佢地係咪受驚過度所以冇晒色?
Q2. 點樣可以令到佢地唔咁怕醜?

對. 怕生呀. 試下餓一日, 再用鉗拑虫餵魚. 試多幾次, 應該會好o的.

_________________
多多交流, 多多研究, 多多搜尋
我的水族相簿

Ok~明白晒!謝謝 SuperCTW 兄的指點~
依家d魚雖然仲係好淡色, 但今日已經生猛好多, 而且條母魚仲大戰條黑鬍子(搶食), 兩條魚打到"痴"埋一齊~非常壯觀呢!

今日兩條魚的壯態~
好似仍然冇色咁....定係佢本身已經係咁色?
另外想問一下條母魚係咪就快生得?

紅肚成魚D色好靚o架!! 但係出面買到的紅肚有好多種,而你這一種是我以前散過的 佢地o既地域性強,而又很照顧小魚,只要條件識合就生過不停,是入門級的好魚種,加油o牙
最後小弟想問問兄台,在那買來的,價錢如何?

你好!我都有對^.^

Pencil 兄~你的相太暗,看得不清楚,可有其它比較清楚的呢!

Sorry相機太差

Pencil兄~你的紅肚應該可以很大條,和上面(第1,2張)的有D o吾同,體色上也有o吾同,我的雄魚最大只有6CM,而雌魚有5CM,體色帶紫!

泰臣:
條母魚好黃呀~我條就唔知點解會好淡色...可能佢仲係未習慣新環境, 終日匿埋0係個花瓶入面, 間唔中先出現一下...之後又"鼠"返入去...唉...(忍耐,忍耐...) 我都覺得佢地好惡! 日日都打其他魚, 嚇到即刻彈開呢!

至於價錢方面, 我唔係0係香港買架...因為我住澳洲悉尼, 所以係澳幣$13.90/對 (HK$69)...依邊所有魚都賣得好貴~HK 賣幾錢??
另外想問問我依對魚係邊一隻品種? 因英文名(Common name) 叫 Kribensis~ 仲有需要咩條件才會養得好,顏色靚?

P.S.: 我唔係兄台呀! I'm a GIRL~

Pencil 兄:
係呀, 你張相太黑喇~什麼東西都看不到~

Oh! Sorry 原來係美少女~我個條HK$10 呢
佢地乜都食,紅虫又食,乾糧又食,我就一日比凍虫,一日比凍豐年蝦,梅花間竹o甘比o羅 至於水質同其它鯛魚一樣係PH5.5~6.5之間就得!

我部相機問題,真魚靚好多,黃色底全條帶玫瑰紅,不過就on-9地$128一對>.<

哈哈~係呀~美少女~~~哈哈哈!!!
其實我係一個新手, 有好多野都要請教你(同大家)..所以多多指教~m(_ _)m
HK$10!!!~~~~ 平到爛啦! 香港養魚真抵...唉,鬼叫自己鍾意魚魚咩....依邊冇平魚賣...不過呢, 依邊d人唔興養短鯛, 好多香港有既品種依邊冇得賣...

Anyway...想問問我依兩條魚d色會唔會變返靚d? 另外,最好既 Tank mate 係邊種魚?