水草情迷

我老豆以前養錦鯉
會成日行魚街
初初見到o的熱帶魚好靚(以前好少品種,個時覺得最靚係孔雀)
咪想養下魚(所以孔雀係小弟養第一種魚)
養下魚又見到出面水草缸
咁又加深毒性

你地就好啦,,咁多人都係老豆杜你地養魚,我就慘啦,,初初買個缸返黎,比佢話到媽媽聲呀,不過最後佢都屈服,仲有時同我喂魚呀~~~~~
tony 兄,,街市有靚女??邊間??有無娶埋佢做老婆

自已道自已升仙~~~~~~~~~~~唉!!!!!!!!

好耐之前86年,見到一本書,有條八吋皇子,好靚,咁就蕉凸(中招過去式)。

減我细路時婆婆送咗缸金魚比我，、點知我細妹放啲洗潔精入個缸度。

到我大個再養，開頭養4呎咸水魚，後來再加多個42吋養珊瑚、到而家變到5呎(養龍) + ４２吋花羅漢(想改做草缸)。

講到尾–心魔就係自已同啲豬朋狗友。

細個係老豆,
家下未你地班友仔鑼..
哈....哈....哈....哈.

嘩~~~你有個成4尺缸仲唔夠~~~仲有多個缸養咸水呀,,嘩~~你屋企未成千尺,,你好有米呀,,如果我屋企有咁大,,我估我女朋友實杜我養狗呀~~~

我係比魚街的靚草缸'度'我升仙, 買下買下都唔知用左幾多錢, 最高風期, 一, 三, 五,六, 日都在魚街有妖收穫, 真大耯呀!

去年我帶個女去行魚街，睇完就叫我買，跟住我就泥足深陷，咁請問我個女算唔算魔鬼呀

DENNY兄,你就好啦,我地d 魚友好多女朋友or 老婆都唔贊成我地養魚架,
你女朋友唔係魔鬼,,簡直係女神呀,,你真係幸福,,我女朋友開始管我,,唔比我去買魚啦~~~~

雪鐵龍: Denny兄講既係佢個女......唔係佢條女........ =.=

自從一次我既金波羅生左蛋....上網搵資料見到水草情迷之後,就中招....咁.....即係我條金波羅令我跌落深淵既....x_x"

四眼高妹,
金波羅令你跌落深淵既....x_x"
水草情迷令你無法自拔!!!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

雪鐵龍兄﹕

我都好以Denny一樣，老婆下權，但有條件，必須打理得好好，所以將兩個缸由咸水變做淡水，容易打理好多。

細個時見阿爸養金魚。個時屋企窮無多餘錢買電暖管就用野升高個缸在下面點油燈，好似煲魚湯。阿爸話油燈無噤熱唔會燒死D魚。不過魚缸底就黑晒。個時好想養神仙魚，不過冇錢買。後來自已又養過打魚，成日找人(魚)打。

而家養魚起初是想陪養個女有愛心。但結果係自已越攪越多野，最後重找到這個網，於是更加跌入一個...無..底..深..淵...，萬劫不復!!!!!

所以魔鬼是......阿爸？？.....我個女？？......其實是.......
我..自..已.!!!!

對呀!我就話喳實自己養佐一缸魚、一隻老虎(母也)、兩隻貓、一堆花草&一隻大魔鬼;我隻(母也)叫條魚街做“你條玩具街”....哈....哈