水草情迷

近期看見一些會員對一些文章的反應我個人覺得過激,老實講每人的文章都是用來發表一些經驗、閒談、或自己遇到問題又不能解

嗯, 近來真的多了很多爭執, 可能是我管理不善吧. 越黎越多吹水插花離題, 都有些失落. 大家可能識了很多朋友, 所以貼得很開心, 越吹就越遠, 不過呢處真係唔想成為吹水地, 所以我都會執行刪除貼文的權力. 人流多少, 貼文數量, 並唔係代表到什麼, 就是拍烏蠅, 只要可以好好討論, 都是不錯呀.

_________________
多多交流, 多多研究, 多多搜尋
我的水族相簿

非常同意啊... 一個post 開了出來, 只有頭幾個貼題回應, 其他的都是某幾位說一些與他們較有關的閒聊... 看後真的有點不滿. 我說錯話寧願被版主刪除也不願離題萬里影響他人.

現在的情迷的已經不是SuperCTW剛剛建立情迷的意向來,看到只是在談論的自己的利益

絕對同意，不過Super其實已好努力改善啊！
希望唔好變『香港XXX街』前身！

我反而覺得呢個網有點怪，點解我地好多草友post上來的景往往好似只會被某個人評分，由其係當我睇到佢有段message："呢排工作忙... 小了時間評分... 其他待評的網友請見諒..."，我覺得"其他待評的網友請見諒"這句最"硬耳"。點解？難道我地把自己辛辛苦苦做出來的景post上個網，目的是為了得到這位仁兄的評分，那麼，恕我孤陋寡聞，這位仁兄到底有甚麼專業資格可以咁意氣風發地對人家做出來的景比grading？我倒也很想知道...

再者，大家唔好忘記我地擺自己d經驗(包括屋企個魚缸)上來，目的是同大家一齊分享自己在水族界的丁點心得，並不是好似要萬眾期待的等這某一位仁兄出來說三道四。

為個網多做一些有建設性的事情，並不是只係出來說幾句"做景一般"，"左邊好弱"，"我比c"等等的無謂野。

我亦希望大家可否靜心地想一想我說得對不對.....

唔...的確, 長此下去會令到大家唔敢 '擺' 自己個魚缸上來,
怕比人作無謂的grading呀.

不過呢d閒聊有時都幾好笑o架喎...
都算令呢個newsgroup生色不少啦.

或者super可以開一個 '吹水區', 專比人吹水.
而內容係唔會被 '搜尋' 功能用到的...
咁就可以同時兼顧到整體內容的質素啦.

SuperCTW, 首先,我非常欣賞你不辭勞苦默默耕耘的精神!原則上我也贊同這裡不宜容讓太多爭執, 越黎越多吹水插花離題,..並不想成為吹水地., 至於"近來真的多了很多爭執,"是什麼事情...我無閒情去了解,只好勸籲各網友們應自律,多以平常心去律己律人,希望不要破壞這裡的祥和和純真的園地......Super, 我絕對支持你的......不過,有時因大家相熟左,講吓笑及吹吓水是在所難免的,亦請你多多包含,
我昨晚至今午前不知何故"被鎖住", 無法登入，到底是故障？是犯規？若然是，那麼，問題在那裡呢？我希望能知個究竟！！:j
Super, 上述如有冒犯，在此，我特向你致歉，祝你身心愉快 ！

alexkhh兄, 我同意你的說法, 其實各花入各眼, 你愛呢樣我愛果樣, 大家口味唔同, 為何要用自己的尺去度人的心血? 老實講, 人家一番心血比你咁講, 唔多唔少都有點不是味兒!

我不是要開罵戰, 我只是想說出我的想法!

評分嘛 玩玩無問題，攪到好似以為真是評判員咁就真系頂唔順[毛管都抗議 ]只是講個人感覺或~~得罪了

基本上呢度係互相交流心得既地方
有人肯自願俾人評分都冇壞

吹水就去吹水版
交流就去適當既版

就係咁簡單,得o左~

我估佢(某人評分)都係想分享下佢對個缸o既睇法~
只不個用到評分就好似唔係咁好...
好似老師教學生咁......
但係放上黎被大家被下意見, 的確可以從其他魚友經驗學到野

所以其實我個人唔反對(亦無權反對)人地比意見，你放得上來，就預左比人講，你唔比人講得咩，就唔好登上來，對嗎？

不過就係有時覺得自己辛苦做出來的東西比人標籤化，感覺就好似去考會考一樣，我剩係覺得有無須要比人地咁講呢？大家唔好忘記自己post張相上來的目的係乜野，係同大家分享，並不是給人評頭品足。

算吧啦, 我們不要想改變其他人, 因為沒有人有這能力
對與錯只是觀點及相對的問題, 多多少少我們都要容忍