水草情迷

前天用$0.4買了百多條紅蓮燈和廿幾條孔雀...格離一天後放入缸內..點知絕大部份藍金尾既孔雀都出現爛尾...少少開始難...之後差唔多成條無晒...現在新的只餘下十多條仍在缸內...明天估計又會有部份唔要得...究竟點解會咁...難尾既孔雀還可以救得番嗎...有咩方法...另外想問百幾條紅蓮燈一齊養係唔係會好易死..以前試過只要有少部份有白點就會好大喎...有咩方法要注意呀...(目前紅蓮燈只死了幾條.)

sorry ...打錯字...難=爛...

如果係袋裝魚一般比較容易死.
至於孔雀出現爛尾可能係pH太低

咁要點測ph值架...有無簡單既方法...

最平.....買test kit!

ph低容易燒尾

今天己經有很多魚死了...可能係白點病既關係...我己經換左三份一水...希望無事啦

test kit? 測試劑定用咪錶呀？差幾多錢呀？
同埋草缸係咪唔好養孔雀呀？幾多ph先o岩呀？

草缸可以養孔雀,ph大約6.8左右啦

如果ph值底會爛尾...咁有咩方法可以提高

草缸ph值是不容易提高的, 因為泥本身是帶酸性的(即係低pH). 而加入CO2亦會增加酸性,即係再低D pH.

......大家留意下Gary33個缸，佢只不過係用沙底的。

最緊要就係你所謂的"隔離"這兩個字，你如何隔離呢，有無兌水呢，有無兌水溫呢......等等都係好關鍵。你要比多些少資料才可幫到你。

我格離個d魚其實好多都唔要得...差唔多成條尾爛晒...無得醫架啦...試過放係第二個缸d舊水度...一樣有咁既情況...不過就無爛得咁犀利...我養過好多種魚...就算七彩都養得掂...就係唔知點解孔雀成日都爛尾或者養唔耐...真係唔知點解

你咁諗就錯啦。要知道世界上每種魚的生存條件都不一樣，就算你已掌握七彩的養法，都未必等於適合其他魚種的養法，就你這個缸來說，你所說的隔離，會否只是將牠們先在另一個水質沒有關連的缸呢？我可以用一個好簡單的比喻，人從空氣清新又溫暖的地方，突然走到有冷有混濁空氣的地方，而又得不道慢慢適應，佢會否生病呢？更何況魚呢。

所以，我最擔心始終都係你所謂的隔離，到底是怎樣的隔離。另外的可能性就係，d魚在販賣給你的人的時候就已經有問題，而你亦沒有察覺到。