水草情迷

剛由廣州回來，過了一夜，那邊的魚市場真的值得一去。
交通：直通巴士，190蚊來回；可選擇到不同酒店。由於我住白天鵝，所以在華廈酒店落車再乘的士過去。的士費約10蚊。
住宿：白天鵝，約500一晚。雙人房，KING SIZE大床，無敵大江景。
(床及景都是訂房時已要求。)
第一天行程：(適合一家大小或兩人去)
傍晚到達廣州，放下行李之後；乘的士去上下九路。由酒店前往只需約10蚊。那裡是廣州的行人街，有很多店舖及食店。認為女仔會較喜歡到那裡走走。食飯可選擇較出名的蓮香樓及陶陶居，但都相當多人。
我與女友則到附近的一間酒家(也是在上下九路)，四個菜+兩個湯才100大元，味道相當不錯。
飯後再行一陣街，跟住去酒店附近腳底按摩；手勢很好！

第二天行程：
早上七時許起程，乘的士到花地灣，約15元。
魚市場真的很大，相信比旺角魚街大十倍左右。
第一時間去睇賣草的地攤，多是賣一些如鐵皇冠、草皮等在旺角可找到的平價草。價錢約3蚊一塊草皮/莫絲皮；3毫一粒小穀精；2-3元一棵太陽草等。
我就買了廿幾棵太陽，50蚊。
幾塊不同種類的莫絲草皮，每塊2-3蚊。因莫絲係一兩兩計，成5蛟兩，仲係浸住水！
香菇草，2蚊。
一紮紅色的唔知咩草，2蚊。
牛毛氈草皮，好似3蚊，唔係好記得。
但係我想搵的鹿角鐵皇冠較貴，6.5細細舊，無買到。
(想買草的話最好11時前到達，問過D阿姐，佢地話11點左右就收，因為好熱！)
行完賣草地攤，去有舖的地段行。好多已打袋的魚賣，與香港的天光墟差不多，但相信價錢差一大截；我無諗住買因此無問價。
但係蝦仔就差不多3毫子一隻，都無買；以我缸的溫度未可以養！
另外，在這堆舖頭之中，我找到幾間賣短鯛的，有平有貴。最貴的都要5-600蚊一對：見過最正的維吉塔III(都幾紅幾壯)只係賣160蚊。
這幾間舖看起來都唔錯，幾PRO。
還有很多龜，比香港的多得很，但也不平。金錢龜要成380蚊，我屋企果隻去天光墟買都係230咋！但勝在選擇多，量數也多；若有興趣的話可慢慢揀。
如想買沉木同石的朋友，一定要慢慢行這幾條街，見到除景石居之外，還有幾間賣同類型貨品，也很不錯。但千萬不要像我一樣笨，中途就買了，拎住成20斤石周圍行！石同木都好似係2蚊斤，有排揀！

另一邊有一些較大的店舖，多是賣花羅漢、金魚及龍等；亦可一行。

今次行程其實只是走馬看花，沒有特別留心甚麼產品或水草。希望下次天氣較涼時可以行得仔細一些。

個人經驗：
1)應在天氣較涼時才去。
2)不要在星期六/日、假期乘直通巴士。今天回程用了四個多小時，塞車塞人！下次我一定會坐直通火車！
3)聽那裡的人說，如想買蝦的話，最好星期二/三早上去。平日都係早少少去有著數。
4)去白天鵝對面的酒吧街行下，有差不多20間酒吧，仲有宵夜食。乘船過江每程1蚊。
5)其實廣州有好多地方好去，如果有時間最好帶埋老婆/女友去，咁就唔會咋形啦！
(以上資料及行程希望與大家分享，真的是一次愉快旅程。如果版主認為太過冗長的話，敬希原諒。)

幾詳細的報告!多謝分享!

拎住成20斤石周圍行！

你令我想起大力魚!
廣州真係籍得行o下!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

我明天都去看看先~

多謝fire詳細報告....有冇去清平路睇下啊???
你坐什麽車回程????

如果係廣州買左草皮最好浸耐d先放入缸,試過有吸血水蛭!

真的希望跟沒有去過廣州的魚友分享，這是一處值得一去的地方。
就算無咩想買，去睇睇，當旅行都好。
而且，廣州仲有好多地方值得去，動物園、博物館等。
白天鵝附近的沙面已被列成保護區，那裡的建築物都很美麗。

我回程時也是乘坐直通巴士，但覺得自己好蠢。
下次去一定係直通火車。時間一來一回差左4個鐘！
去到火車站轉的士好方便。

我將d牛毛氈放左入魚缸...尋晚無時間搞。
其他的莫絲就搵個盆浸住先。
希望d草無蟲啦！

我計一計，兩位個人連買野、食飯、搭車同腳底按摩都係駛左500大元。好鬼平！

直通巴士和火車价錢相差200文加`

fire兄別介意我插咀!我第一次去時就係由火車站搭的士,記得超過五十元,兼且廣州交通都係比較擠迫,經常塞車,建議都係搭地鐵較好,而地鐵站就在火車站內,也很方便!

BEN兄
什么時候我一起去看看呀~

一齊組團上去掃啦！

]
人多手腳亂~2~3個去就可以了

I will be first one to enroll !!!

有無餘興節目？

我向年多前都去過，我覺得就係…總之一句廣曬，如果你係鍾意養魚的果道一定有很多野睇架！