水草情迷

http://www.mpfinance.com/cfm/NewsConten ... e=fza1.txt

商場變身金魚城
10萬呎開25店 2006年2月2日
廣 告

【明報專訊】旺角一向是香港的花鳥蟲魚集散地，但「金魚街」(通菜街)和花墟部分商戶正備受加租困擾，醞釀搬遷。另一方面，有商人正密鑼緊鼓，將港島東一個面積達10萬呎的地庫商場打造成摩登的水族廣場，不單要和旺角的「金魚街」分庭抗禮，更要以完整的概念超越後者﹗

激光魚身紋賀語

在太古城附近的東匯中心地庫商場，農曆新年前已具「室內金魚街」的雛形。香港水族廣場在此共開設了25間水族店﹕有專賣珊瑚的「青青珊瑚島」﹔有「話之鯉」錦鯉專門店，顧客購物滿5000元，即附送玄學家的風水財位設定服務﹔更有一店售賣刻了賀年字句或「心心相印」圖案的鸚鵡魚，甚至還可以按客戶要求而「度身」刻字﹗

「以往市面也有染色的，但缺點是會甩色。」香港水族廣場主席李雅倫強調，以低強度激光在魚鱗上刻字，是該公司獨有的服務，即使外國也沒有。「首先是選擇粗生的鸚鵡魚和低強度激光，只刻在魚鱗上，而不穿透魚鱗。我們也曾擔心被指虐待動物，但至今死亡率是零，也沒有出血。」

擴貨品種類 引食用魚苗

「激光紋身魚」只是其中一招。主意多多的李雅倫不但引入了不少較罕有的貨品，如小丑魚、電蚌、「電貓」等，他另一大膽之舉，是將食用魚苗當作觀賞魚來銷售。

像鱘龍魚苗，以前沒有水族店會賣，但他售賣之後，也有不少行家跟風。最近，他甚至還引入

_________________
4 years left~

成日經過,d咸野係幾靚
但係成個場,話就唔同店名,不過咪又係同一間
幾個鋪位,一個收銀處

_________________
聖誕翻缸大作戰

噤底死 做戲都唔做全套

_________________

會唔會好似d美食廣場咁，集中收銀，方便管理。
因為個別店舖可能要將某個百分比既營業額上繳，集中收銀冇得出籠鳥。

得閒去睇睇..........

大部份店鋪應該係同一老細,因為店員經常o係唔同店鋪出現。而連嘉就係旺角搬過去。

激光紋身魚....
買風水魚送財位設定....
互聯網來監控客戶魚缸水質(酸鹼度、溫度、鹽度、厭氧菌密度等)的設備.....

呢條友黐黐地線...

我想睇0下佢點監控

個商場好暗...唔夠訓唔好去...怕你訓左...
但係人流就好多.............去百佳!!
同金魚街真係無得比!

草店得一兩間....但係無咩野好買....有石景o個間就大d.....
買魚佢會叫你去有捉魚game o個間舖買..佢話間間都一樣!!
其他舖似貨倉多d...好多魚都係游背泳...無人理!!

間商場實際係一間舖一個老細分開好多間舖黎做...怪怪地咁...

呢間野真係超攪笑,
好明顯睇得出個老細有$冇掟洗

睇佢個策略, 係暫時請D伙計, o係D鋪位係咁倚放D貨係度賣, 免得個場冷清清。若果谷得起D人流, 到時有人租鋪, 咪放返D鋪位租出來。我覺得佢個位置若果做得好, 真係可以得到好多太古城, 康怡，康山, 南豐D客架。

眼睇下幾時又要去政府到拉橫額,寫血書......

_________________
大草缸中一小魚

我住東區, 又在太古城返工, 所以成日去買魚,
果次去撈麗麗同三角仙, 買五送一, 我撈左八條麗麗, 個女人收我五條價
神仙(赤眼金仙)八蚊我講價講到五蚊~ 個老細似乎志在做旺後租番d 舖出去

我公司都係附近，lunch冇野做成日都去睇，呢個廣場真係神秘搞野兼難明，賣既野其實可以將廿幾間鋪變三間，o的鋪位同賣既野又成日無無謂謂掉黎掉去翻黎翻去，明明賣緊水草唔夠一個月又變左賣珊瑚，明明賣緊器材0又無端端close左，有間賣鯛既無端端又執左，o的野放到亂哂籠呢間一o的果間一o的，入貨又唔穩定得閒入下燈魚跟住會成個月都冇，冇端端入左好多草賣完又唔會添，得閒賣下呢樣賣下o個樣，不過都係以cheap野為主，想買下魚仔魚糧還可以，精品就免問。

我完全睇唔明呢個廣場既經營策略，亦都睇唔出佢咁攪法現在和未來可以點賺錢，有心既魚友都係會行番魚街，惟一好處係近我番工唔得閒出魚街可以應下急買支溫度計（話時話，上次想買溫度計成個場都賣哂，攪笑）或幾包豐年蝦（得急凍，冇新鮮），如果個老細睇到呢篇野唔該講我知你邊度搵咁多錢洗，你個場究竟想點，以解我謎團，無限感激！

_________________

鯛缸#1:酋長一對
鯛缸#2:藍袖一對
鯛缸#3:維吉塔一對
鯛缸#4:維ＢF1三兄弟
養鯛用清缸，美麗又健康！