水草情迷

我在店內買了一對埃及仙，$78元一條，魚身略黑，背鰭也不夠直，點看也不像superctw兄 post上網的魚型， 返查舊文此仙似Angels West-US， 請問各位此店買的是否假埃及仙

睇怕你真係比人呃左了, 下次都係唔好貪平, 俗語有話平野無好,
當買教訓啦, 真既埃及仙邊有咁平ar.

唔係喎...我睇過好似係真o既埃及仙喎...,或者我眼光差認識少啦 ,不如請super兄發表一下丫,同埋雖然我好少幫襯恆x...不過我覺得佢唔係黑店呀...o的魚幾平,而且o的sale唔會亂吹水玩老點.......

嗯..那缸神仙嘛...只能說魚店進的單上是 "埃及仙" , 就標示是 "埃及仙"啦. 遲些整理好分辨埃及仙方法才貼出啦.


有時都不能憑魚種而定奪是黑店呀.

_________________
多多交流, 多多研究, 多多搜尋
我的水族相簿

最好有人能真的懂得分出真正埃及仙, 再幫我們去恆X望望,
如果是假的, 可盡快貼文上來, 說清楚給大家知道,
避免買錯假埃及仙.

Super兄,
好心急等緊你把分辨埃及仙方法的新貼文貼出來.

今天Bigben兄帶了我去發記 (水x世界)內店魚區逛,看到有d埃及仙 $198一條, PKYC兄可以去看看比較一下.

p.s Thx Bigben 兄

舊巷仔上星期仲有真埃及仙, 狀態一流, 背鰭成天線狀, 好似係 300蚊一對, 新巷仔都有, 不過舊巷的水質可能好O的. 有時間可以去一看, 不過唔知仲有冇.

_________________
多多交流, 多多研究, 多多搜尋
我的水族相簿

發記 (水x世界)好似係 198蚊一條,

Note :
真假埃及神仙最大分別係埃及神仙身上有7間,4間深色,3間淺色.其中第二間"真"埃及神仙會較粗並直達底部"假"或"秘鲁埃及神仙"第二間會響中間斷左

Hope could help you ^^

Thanks! Super兄 & Kelvin6666兄.

黑店... ....有D唔妥....條魚又有得睇....又有價錢....又唔係獨市....我睇你都因為78元的吸引力太大啦....

好難講人地黑店....人地明碼實價...賣買..你買的時後又無大隻老強行要你買....點可以咁講人...除非佢地交易途中把物品換取...或者坐地起價....又或者買比每個人的價錢都唔同....

但是我未見過埃及仙賣咁平啊~~

的確是明碼實價，但又係個魚缸旁貼上埃及仙圖一張，及寫上埃及仙名，咁都唔係手法有問題的話.....咁
維港匯演人地明碼實價，又無坐地起價，又有飛送，脹目老廉不用查了，可Close File......
大法官收了張機票又無大隻老強行要佢收，也不用查，可Close File啦....
呀...咁...假設魚店缸中賣的是金眼，但缸邊寫上維吉塔，標價平只售100元，客是新手做了水魚買左是否仲要興幸.....無大隻老強行要你買?????