水草情迷

見魚街有十蚊三包, 係好大隻o既豐年蝦, 有手有腳
唔知適唔適合餵鯛呢? 係咪無幼體咁營養豐富?
我有時用冰鮮豐年蝦幼體餵鯛, 唔知係咪幼體細, 鯛鯛唔係點追黎食
但大隻個o的, 係咪鯛會成隻食左佢, 咁無比人食到o既大隻豐年蝦, 係缸度有冇問題?

十蚊三包咁多一次餵唔晒, 點處理呢? 買左返黎, 隔走o的水後, 係咪可以就咁餵, 洗唔洗淡化.

有冇餵開大o既活豐年蝦朋友可以分享下啦

先謝

o甘 低!?
在那間鋪買的?

我都有用佢比鯛食, 生餌佢地喜歡食. 我通常會打d蝦隔水, 再用清水洗下當淡化, 之後餵食. 因為我養魚唔多, 所以買一包4元, 食唔晒連水加氣泵都可以養到2-3日.

用原來的水就此放入雪櫃下層都可活2-3日

買左返黎, 隔走o的水後,加入原缸D水+D鹽,塭個密封膠盒,放入雪櫃下層都可活2-3日 ok, 但死就唔好餵啦.

_________________
鯛 鯛 鯛 鯛鯛鯛$$$$鯛鯛鯛鯛$$$$$

選ｐａｃｋｉｎｇ漲卜卜的＆唔好咁多沈澱（ｄｅａｄ　ｂｏｄｙ），用密封膠盒＆原來的水就此放入雪櫃下層都可活５日．
如果買個日天氣涼ｄ，存活％高好多．

我o係水草x 買過一包 ($4) 用黎餵娃娃同麗麗 (好細條, 唔夠2cm)
可以餵到成個星期, 我開左之後原水用個樽載起, 放左o係水溫低到20度既地方, 最尾死左三分一至一半左右
另一次o係十字路口有普通紅蟲賣果檔就似乎唔係好掂, 同一環境下好快死晒

我餵果時同外賣奶茶果d 攪拌匙逐隻直接放入水俾魚食, d 魚似乎都食得幾開心