|
嘩又咁激!我講句公道話,上網係宜家已經係非常普通o的事,試問從事水族一行店員,行街,批發或者係老細有幾多人,數目一定唔少,所以係云云網友裏面相信或多或少都可能係從事水族(但冇乜人認),咁先合理,大家試想想,佢地係做呢一行,有乜理由會唔上呢一類網.係未?
其實hardsell唔hardsell都係觀點與角度,我作為一個消費者,我當呢D係一些資訊,係唔係廣告又有乜關係,個post對o既未去果到睇下,唔對o既未當冇睇呢個post囉,又何必你話我,我又話你.大家又想想,呢度如果冇左D"xx又返左魚""xxD魚好抵""xx度大特價"會係幾悶,都係熱鬧D好,大家消費者可以上網就知邊到有咩賣,有咩平,邊到賣咩貴,邊到搵笨,而業界睇到呢D POST,可以互相價格同質數改善同競爭,都係我地消費者得益,你地話我地其實好幸福.我上黎到係想知呢D資料啫
炎龍兄 問野時候可以注意下用字,唔好用太多假設,就唔會咁多誤會囉.係未?(但我反而怪你唔早D post,我去到個優惠已經做完,激氣)
rolex兄 唔好o既野講少D,反而講多D,你o的見聞,未大家之福囉.係未?
鯛錦鯉兄 講野時咁多質疑,語帶恐嚇,亦話中有話,反而令人有"做賊喊捉賊"之感.
以上係本人比各位一些意見忠告,對聽未睇好兩眼,唔對聽未冇眼睇囉.係未?
查實大家得閑不如post 多D好野上黎比我地知未仲好.(係唔係賣廣告,我冇問題喎,係正野就得嘞)
本來唸住打幾句,點知越打越多添.我太多事但我今日很無聊^o^
|
登入
註冊
問答集
魚草界呢兩月發生左d咩事呀!? 
