水草情迷

宏高早幾日還在買四十元一對棋盤終於向現實低頭,降價至一百元八條,可能趁發記未到貨先下手為強,死極都仍想養就有買趁手.
日昇果然守信,今日真係返左藍身荷蘭鳳凰,但因新返關係價格由原先六十元加至七十,講極唔肯減,轉身走都唔叫我返轉頭,吹漲.
最後,憾事一則,早兩日見到日昇有類似紅蓮燈魚賣,放入膠袋十五元四條,返屋企睇下本熱帶魚大圖鑑,原來叫白金型紅蓮燈,越睇書越覺靚,今日再去睇已賣光,再行過宏高,眼前一黑,成缸白金型紅蓮燈,不過係二十元一條,暈得一陣陣,後悔不已,有書又唔睇,否則的話一早就買左,抵死.

唉呀！好多時都係咁，睇書花晒精神，但第日轉頭又唔記得。