水草情迷

呢個禮拜放大假,今朝十點訓醒決定到廣州走轉,因閒日關係到花地都只係一點幾,去到即買左十二粒小殼精,花費十元,行到一間名為陶翠鋪頭,專賣魚,因早幾日係國內一個網站睇到話有埃及仙賣,十條只需六十五元一條,去到唔見有,問銷貨員話如想買的話可遲半個鐘再去,佢由倉拎俾我,但點都唔肯減數量,一定係十條先可以六十五,調頭走又唔追出,無偈!走去睇石頭及木頭,買左舊沉木,十三元,跟手搭地鐵到清平路,上次買左個ATMAN EF-4用落還可接受,今次買多個EF-3俾細缸用,再買左小量水草及器材,心心不忿再搭車到花地講過,結果八條成交,但細條D,都算OK,再買多兩對鼠魚,最後今次埋單共駛左千多D人仔,都尚算滿意.
在花地灣買石頭鋪頭只有見沉木,樹根,千層石及木紋石賣,但想買的話請準備時間慢慢揀,因存貨頗多.
有部份價錢經老婆大人極力講價下獲取,各師各法,可能各魚友功力更高.
收獲照可到相片薄分享觀看.

我遲下都會去~
有興趣想早點去的朋友~
就和我聯系一起去啦~~