水草情迷

今日終於去左濕地公園,其實一直都想去睇睇
但又冇時間,今日得閒,我又住天水圍,又好天,天時地利人和都齊
仲唔啦啦臨咁去咩,去到一出左訪客中心,就見到貝貝之家
隻衰野洧都唔洧下,大半個身浸左落水,都幾悶下,所可以睇左一震就走左
到左浮橋,旁邊有朝潮蟹,彈塗魚,係好鬼多o個隻
跟住去左觀鳥屋(公園內有好多間,只去左其中一間),但得o個幾隻雀好快又走左
跟住又番左去貝貝之家,隻野又係同一個動作,問下個管埋員,問佢其餘四條鱷魚o係邊,佢話遊客中心展覽廊有魚同四條長吻鱷睇
嘩..........聽到個"魚"字就好快咁仆左過去.........
入到去,有一個類似海洋館般型式的淡水魚缸
當然係細好多,右手邊大的,係比較大既魚,有7條以上金龍,兩條大東洋刀,好多條魚街買到的唔知咩則,有幾條虎鯊(好細條),仲有一種唔知咩魚
右邊有一個細d既缸(比起大o個個算細)有玻璃貓幾十條
再行前少少又有個細缸有迷鰓魚,但只係得藍曼龍同珍珠馬甲
e一區每個缸都有電子版介紹缸內魚隻品種
行前又有一個大缸,大過金龍o個個好多,但得兩種魚,黑四間同細條的唔知咩則(身上有五點的),加埋起碼有過千條
再行前有爬蟲睇,但好多都呢埋左,睇唔到
再行下就見到幾個40"到既魚缸,一缸有魚(都係唔知咩魚),一缸有蛙,一缸有蠑螈,一缸有金錢龜,
仲有一個大少少既有兩隻鱟(咸水缸),好得意
再行前就到出口,出左去之後諗諗下,好似唔記得睇鱷魚喎
但之前行o個時又唔覺既,於是又再行多一次,都係唔見既
於是o係廊內一個地方停低左,那是一個冇玻璃,只有一個玻璃欄杆,可以見到養黑四間既魚池既地方
終於忍唔住,問下個管理員四條鱷魚o係邊,佢話:咪o係e度lo,你望出去搵下啦,只係佢地有時呢埋左睇唔到咋,因為佢地可以o係大o個個池(黑四間個池)同e個細池兩邊走架
我望落去個細池度,水底好似有舊尖野,我話:係唔係o個條就係呀??
我細佬話:邊度?? 就衝左過黎,唔小心輕輕撞到塊玻璃
跟住就有野打起左d水,有條鱷魚浮左出黎,仲大條過貝貝
原來佢太近石邊,我之前睇唔到 ,水底既o個個尖野又伸左隻爪出黎,原來o個舊野都係
管理員話有兩條去左大缸度,我就去左搵,搵黎搵去都只係搵到一條 ,都算啦,搵到三條都算好好架啦
咁我就走左啦,臨走前去睇多次貝貝,隻衰野走左去休息室,只可以由閉路電視睇到佢 ,雖然係咁,但我都好開心
我覺得e個公園值得一去呀,有魚友想去既可以搵埋我,有個伴一齊去

_________________
i-pink愛粉紅~~~小布萬歲~~~

我都想去呀...你得唔得閒帶我去^_^++
入場費幾錢架?

嘩...多好的一篇報告...
像一篇旅遊記行...
寫得好詳細...
看得人好想去...

如能寫得再精練些...
抓住重點來描述...
可能還會更好...

下次小二哥要去...
請你帶路好嗎...

_________________
凡事包容，凡事相信，凡事盼望，凡事忍耐；愛是永不止息。 ------ 哥林多前書13:7-8

成人$30,小童$15,梗係得啦
其實仲有幾個地方我冇寫到,因媽媽大人一直說:訓覺啦~~!
搞到我想寫詳細,精練d都唔得:-n06
好呀,小二哥去的話通知一下我,我一定同你一齊去
約多幾個魚友,上午去完公園,下午再去魚街,晚上再一起食飯

_________________
i-pink愛粉紅~~~小布萬歲~~~

很好的報告
貝貝其實好寂寞，你吾好怪佢
佢令我諗起細個係荔園見果隻鱷魚，又係無乜反應

聽落好似唔錯 !!! 搵日得閒又去下先 ~~~

咁又係呀,得佢一隻灣鱷,又唔可以同長吻鱷一齊養
佢都好悶下,d人話放左一條魚落去陪佢,我都見到有條塘虱,其實佢又點會同條魚玩呀
JMS兄,真係值得去架

_________________
i-pink愛粉紅~~~小布萬歲~~~

去果到真係要睇時候...我呀爸呀媽去...話想搵隻雀睇下都冇...

_________________
獨愛三線

其它幾個沒有寫到的地方...請繼續與大家分享呀...

_________________
凡事包容，凡事相信，凡事盼望，凡事忍耐；愛是永不止息。 ------ 哥林多前書13:7-8

Good idea. Is there any other thread opened?

提起荔園我都好懷念呢..如果有日荔園會重開一日咁多我諗我貴貴都去,你地呢.?...因為我細個o個時成日去玩.感覺上全世界都唔會再有好似荔園咁有"香港"feel o既主題公園.
講番濕地公園先.!我上之同女朋友去過,對於我地呢d住o係石屎森林o既人黎講,係值o既.不過要留意怕熱就要做足準備啦..因為上次我去係夏天,一野就同女朋友行左出去...搞到比個太陽曬到死咁滯..又係水飲...住kowloon的朋友最好就係搭西鐵到天水圍再轉輕鐵啦..又快又舒服呢!! :-n05 :-n05

有一個區域是關於人類的文化,講出人以前人類既生活情況,仲有生活的工具
另一個區差唔多係連接住展出魚缸既區,講出濕地對人類既重要性
重講左有咩外來物種對濕地原生物種有害 我去o個日就唔覺熱,因為o個日天陰陰,下午重落左一場細雨
但我諗平時好天太陽照頭曬都幾係野

_________________
i-pink愛粉紅~~~小布萬歲~~~

Thanks for your excellent sharing. I am planning to visit the Wetland Park with my family soon. Your sharing gives me a lot of idea of the Park.

我都去過

"有一個類似海洋館般型式的淡水魚缸
當然係細好多,右手邊大的,係比較大既魚,有7條以上金龍,兩條大東洋刀,好多條魚街買到的唔知咩則,有幾條虎鯊(好細條),仲有一種唔知咩魚 "

呢個缸超級正，係一個人工紅樹林既環境，有好多樹根，好多好多魚，環境一流，屋企有個咁既缸，死而無憾，比啲相大家睇下

_________________

鯛缸#1:酋長一對
鯛缸#2:藍袖一對
鯛缸#3:維吉塔一對
鯛缸#4:維ＢF1三兄弟
養鯛用清缸，美麗又健康！

原來有成5條鱷魚咁多架.........貝貝1條+四條長吻鱷