水草情迷

話說我朋友係鋪頭放一個魚缸做風水魚缸,但我覺得佢咩都唔識,又要扮到好識,佢自己又識小小扮代表,佢話風水魚缸,燈係要長開,唔可以熄,一熄咗就會影響風水,都唔知係咪師父講定係佢自己講,我話魚缸燈要熄,佢就話風水佬話燈唔可以熄,仲有,又要佢買一個車輪轉氣泵,話有咁大氣開到咁大氣,即係唔駛揾個夾來調較,攪到個缸D水流好勁,上次去佢鋪頭,我順手幫佢熄燈,諗住D魚瞓覺,後來第二日佢返到0黎,見到燈熄咗,泵又無埋,比佢鬧到我狗血淋頭,,泵無埋無咗氣,魚缸死咗幾條魚,D水濁咗,佢又賴我,又話我咁做會影響風水,根本佢個泵壞壞地,燈掣都唔同泵掣,佢買魚缸唔係走去旺角魚街買,係走去鰂魚涌魚街買,個缸CHEAP到死,無牌子,但買返0黎,個盒係AA水族個魚缸盒,即係佢比人揾笨都唔知,個缸應該係大陸牌子,全套包埋,24"缸,普通高身,人地收佢五百幾,後來佢又話同人講價,人地後來收佢四百幾,佢又唔識買魚,0係旺角魚街買魚平,佢又話費事出去買,走去荃灣街市買,一袋白老鼠,有四條,旺角魚街賣$10,佢0係荃灣街市買要$20,你地話佢係咪唔識養魚???真係替魚兒可憐肉痛,我後來無理佢,話之佢,激氣

算啦 人地有人地既自由... ...佢鍾意係邊到買野 買咩野你都管唔到佢架啦
不過我覺得器材既野無分貴賤 唔一定要買d名牌呀 貴野... ...而且買野唔一定要去魚街買野...有時計埋時間同車錢可能仲高


風水既野...唔識

人地嘅嘢，你咁多手做乜！

唔好意思,要你地聽我發up風,我只係講出0黎,覺得唔識養魚,就唔好話識,咁樣對魚仔唔公平囉,多謝咁多位,而家心情好返d,我以後都唔會多手啦

好心做壞事啦^^
不過講開先講，我公司早排都搵過人睇風水，佢又係話要養一缸魚同要有一枝燈長開，即係長明燈。不過咁，缸魚係for財啦，但係支燈係for辟邪，佢話o吾知陽氣定人氣重d喎^^
你個朋友間shop有鬼呀^^
不過因為師父有指定支燈既material，所以其實o個支燈只係檯燈（o吾熄既），魚缸燈就會熄啦

算啦! 我個白痴老世鬼死咁細個缸又買多多有大有細九唔"答"八既魚, 叫佢唔洗成日餵, 有次佢重成包生紅蟲倒落去tim, 死魚又係到週圍問點解, 又問邊個唔換水呀lee樣個樣(日日換水都唔點 la 咁餵法)...加下都死魚死到我冇晒feeling.....為有怪條魚條命唔好la...

我咪又係咁 公司個缸開左2年,開頭買d魚都養到1年多至仙遊... ,最近同事買左袋袋裝魚返黎........ 野到成缸白點最後攪到要清缸 ,佢仲係咁點解會咁...點解有病

我公司都有呢d事, 風水師話擺缸魚係reception個位, 老細照叫人擺, 但唔比加瀘水同氣泵, 話加左唔靚, 初初仲唔比餵魚tim, 佢話魚死唔緊要,擋剎所以會死, 買過條就得. 唉.... 咩人黎架.