水草情迷

因工作關係, 本人不能常行魚街, 所以對我來講, 水族相關物品(器材, 魚, 蝦, 草, 等等)的價錢往往是一個很大的疑問. 例如想買一盒某某牌子生物環, 除非魚友報料, 否則便不知價錢, 買貴左都唔知. 如可以的話, 設立一個報料區, 分門別類, 將魚友知道的筍價報上來一同分亨, 唔知得唔得呢?

idea 係好，不過d人報料又可能被視為宣傳，瓜田李下，冇乜人肯制 講真而家會員上來問價，都好多人報料，而且價格又成日變，有時我都未必知邊時邊間最好最平

_________________
閒來養魚種草樂；悠哉生活過一天

另一個非常關鍵嘅問題，以乾貨而論，大都經由幾個入口商批發落FS，所以啲貨品價錢都差唔得幾多。 曾經有個別店鋪以割喉式銷售，惹來其他零售商向代理投訴，結果代理再唔批貨俾佢。所以佢哋唔會大字標題咁做特價。
故'筍'價係好個人化，睇你同鋪頭啲關係囉。

但係有時D價錢真係好離譜！！！
我上個月係fs買左個Tetra EX75, 街頭買＄６００但係行到街尾就＄４９０
就算ADA Step1,2&3 都可以有d買＄６９但係有d買$8x
所以唯有行多幾間先好買，唔係買貴左都唔知啊!

咁就要睇吓'行貨'定'水貨'啦！
不過睇吓邊一類產品，有啲產品'行貨'定'水貨'都無乜所謂，價錢最實際！
行多幾間格吓價，如果唔急用(通常愈心急愈容易中招)，甚至越區行吓。