水草情迷

10月14日,早上一收工,就即時趕上深圳乘坐10:35am飛往成都的班機到達,12:25pm到達成都雙流機場,票價$930.
跟住乘機場大巴出市區,車程半小時,車費$10.在岷江飯店下車,再打的$10去今晚住宿的青年旅館.



在武侯祠對面乘1號公車,半小時後到達昭覺寺汽車站,乘去廣漢的班車,車程半小時,車費$13, 再轉乘乘6號公車,時,車費$2,半小時後到達三星堆博物館.票價$80,兩個展館都比想像中要細,
八十元都幾貴,好彩那些展品都幾正.













發達啦!金面罩呀!好大條金條呀!





去到四川當然要食火鍋啦!



紅紅辣辣火鍋,唯人食呢?正呀!



飯後去了武侯祠旁的錦里仿古街逛逛.



還記得上年去武侯祠時,錦里仿古街仲要收幾元入場費,真係

第一個捧場

10月15日,早上本來打算去STARBUCKS嘆咖啡,腐敗一下,可惜去到未開門,慳返.跟住去了超市買些糧水和日用品. 中年十二時半,張司傅和其他團友終終到達武侯祠對面的

10月16日,從茂縣7:15am起行,12:00pm到達卡龍溝景區,門票$60.
上山啦!



沿路上山

10月17日,今早9:00am出發,10:00am到達達古冰川.
原本達古冰川是去不成的,因為那裡正在修路起索道,準備大攪旅遊事業,要到明年才全面開放. 不過今次好彩全靠張老大的人事關係,才可以駛車入工地,遙望達古冰川.











各位大師又出動狂攝狂拍狂照啦!





張老大擺個靚pose,給拉姆大師影張靚相先.



今次我地帶了一些原子筆,準備沿途派給當地的小朋友和學校.
多背一公斤:
http://1kgweb.blogbus.com/index.html

有請兩位歡樂獎品小姐出動派筆啦!
每人一技,人人有份,永不落空,大家開心.











沿途都有一點點紅葉秋色!



返回縣城午飯後,原本計劃是去三奧雪山,可惜因為正在修路,不能前去. 唯有改去離縣城徒步一小時,一處被稱為仙女沐浴的地方『哈姆湖』. 不過去完,我就覺得跟香港城門水塘沒什麼分別,睇完哈哈笑幾聲就算!



今晚一樣夜宿蘭氏公寓.

10月18日,早上8:30am出發.途經奶子溝八十里彩林,不過可惜時間氣候不配合,彩林並不十分彩呀!





沿途美景有勞各位清潔工人辛勞地工作,大家記住要愛惜大自然.









途經黃河長江分水嶺.









途經月亮灣.









下午15:30pm到達紅原縣,16:15pm離開紅原,18:30pm到達若爾蓋. 夜宿明珠賓館,雙人標準間$70.

10月19日,早上本來打算去花湖遊覽,不過可惜因為修路去不成,其實都仲有一個辦法, 就係給些金錢比當地的藏民,就可在草地上駕車過去,不過這種破壞大自然的事, 我們都不想做,唯有等下次去甘南時,再去過啦!
早上9:00am出發,11:00am到達唐克九曲黃河第一灣景區,門票$58.



















如果要看最壯闊的風景,就要用一個多小時走長長的木棧道樓梯.

















紅原一處紅軍長征時走過的大草原.













晚上20:30pm到達馬爾康,夜宿馬林局招待所,三人套房$120.

10月20日,早上8:30am出發,11:30am到達金川午飯,12:00pm起行,一路沿住金川河谷而行.









途中經過丹巴縣巴底鄉色足分校,又出動去派筆.

































下午18:30pm到達丹巴,夜宿西行緣賓館,雙人標準間$50.

10月21日,早上8:15am從丹巴出發.





進入黨嶺的道路,因為非常之爛,本來租的八人車不能夠駛入去,於是用了$800三天兩夜的價錢.





入黨嶺途中經過美麗旳的天堂谷.









下午14:00pm到達黨嶺村,進入黨嶺,每人要交$5環境保護費.


跟住用了兩小時徒步去一個小小溫泉,洗個腳,而回程就用了一個小時.







夜宿黨嶺村日光驛棧,床位每人$15.





今天晚上在旅館遇見幾位來自北京的朋友, 我又再次犯了『人出酒，我出命』的事, 飲了七至八碗, 大約有一斤半的『高梁醇』,那種酒非常好入口,事後才知酒精濃度達六十幾度,天呀!之後仲胃痛了幾天,慘呀! 當晚我只記得上了床,校好鬧鐘後就睡,第二朝醒來時,仲以為我昨夜安安靜靜地什麼事都沒有發生過, 點不知原我昨夜不斷地狂嘔, 嘔了七八次之多, 連黃膽水都嘔埋出來, 真係有勞和感謝幾位女仕的悉心照顧, 『三娘救子』, 特別是給了Charlie一個咁鬼死麻煩難忘的生日前夕, 給了你們 一次地獄兩小時, 各位萬份抱歉對吾住.
這鑊真係醜態盡現, 醜死鬼!

10月22日,早上起來都宿醉未醒,得返半條人命.今天準備去葫蘆海,用了每匹馬$85價錢,騎上去. 我在馬上昏昏迷迷、迷迷糊糊地騎了兩小時,到達飛機坪,那時我的意志力, 亦都支持不下去,
而大家都吾比我再上去,唯有放棄上葫蘆海,真可惜!話到尾都係自己衰呀! 唯有下次再找機會去啦.





在飛機坪用了$10在木屋裡,睡了兩個多小時後, 即時精神百培, 等埋其他隊友回來後,用一個小時步行回黨嶺村.



今晚一樣夜宿日光驛棧.

有野講.好好的遊記

多謝多謝

仲有冇多啲啊.等我頂多野

好好的遊記

_________________
友朋知所剔，何患少交遊。

好野!有靚相看,期待