水草情迷

由於時不時看見魚友前輩在此報告短鯛生仔的消息,好想試一試,因此在約半年前,另外開多一個20升水的生仔缸,嘗試繁殖,分別試過用ADA黑泥及阿VAN的草泥丸,期間藍袖及阿卡西曾分別產卵二次,但最後都不能孵出小鯛,攪左大半年,無曬心機,最後將對藍袖放回草缸,任其自由發揮.昨晚食完飯後,照例埋草缸睇睇,發覺條藍袖(也母)離開左平時盤据的生仔樽,在樽旁的沉木及莫絲間游來游去,並不時追趕其他短鯛及燈魚離開,而在泥面上有很多小白點似的小東西,細心一睇,原來係剛孵出的小鯛,粗略數一數,約有20多條,真係非常開心.在生仔缸攪左咁耐都吾成功,但放回草缸後佢又有得生,真係無符.現時草缸內除一對藍袖外,還有阿卡西公,三線公,一對荷蘭鳳凰及十多條新燈,真擔心這此小傢伙會成為其他魚的大餐,但又吾敢草率將他們移走,真是無奈.佢地為有自求多褔喇.

唉!聽天由命啦!