水草情迷

突然有感而發 .本人在社會打混十多個年頭,總是覺得愈做愈莓.往往好的東西,都過門而不入,別人總比自己幸運...唉........何解呢 . 我真的感到很累了.

_________________
大草缸中一小魚

人係咁ga la.....我都覺得別人總比自己幸運...我好似做咩都衰過人.....

其實"你已經比其他人好好多"
lee 句有用嫁

老友, 唔好咁悲啦, 我總覺得呢個世界永遠冇死錯人o既, 成功總有原因, 我地可能好容易就會留意倒其他人有幾成功, 但係人地低潮o個陣我地又唔知o既啫. 努力!!

唉...老友記...唔好咁灰心喇....
無運既時候盡量裝備自己，要自己學多D野...咁機會一到就能夠發輝啦!

我諗好多香港人都會好似你咁諗，我自己都係咁諗....
但係呢個社會真係有好多野唔到我地控制，我地可以做到既....就係加倍努力！

唔洗咁灰^.^
每人既際遇都唔同,有d人會好d,有d人會差d.
好多人都好似你咁架.就當依個時候係一個訓練~

大家好, 我還係學生一名,但係亦都體會到你地講既野...
做人都係樂觀d好...開心要生活,唔開心亦要生活...
你地都知到應該點樣生活ga 啦....

做人永遠都係比上不足, 比下有餘,
再講人心邊有滿足嫁,
我都覺得每天追求物質生活已追得好累,
見到呢d Post 才覺得自己已活在人間天堂 :
http://www.sonic2000.com/cgi-bin/lb5000 ... t=0&show=0
退一步海濶天空

不要介懷
很多人也和你一樣
只是你看不到...

同意, 可能正當我地煩惱緊下一餐食乜好o既時候, o係呢個世界o既另一個角落有另一 D 人煩惱緊下一餐有冇得食...... 身在福中好容易就會不知福.

聽過有人講:沒有懷材不遇.真正的天材係唔會比人埋沒.能夠埋沒你的人只有你自己.
亦有人講過:如果叫畢加索去彈琴.莫札特去畫畫.佢地都唔會有出色.所以要知自己係咩料
更有人講過:人生如戲.莫強求.

人生有起有跌，風雨過後又向晴朗的一天出發。吾好想得太灰。
昨日已逝，明日成謎，今日末過，盡力而為。

我經常會問自已， 有冇每一件事都做到最好呢？ 有冇偷懶過呢？ 有冇走過精點呢？ 答案永遠都是 "有的"， 咁即係仲有進步既空間。 好的東西過門而不入一定有原因的， 當然我唔係話你唔掂， 但係要清楚原因。 可能人地刷得， 你唔刷， 咁米無囉， 好多人唔鐘意刷鞋 (我永遠都唔刷)， 但係有些工作 (或公司) 刷鞋是工作的一部份， 唔想刷就好轉工， 唔係就自已浪費自已時間。

還有， 要滿足現在， 但一定要展望將來！

努力！ 加油！ 努力！ 加油！

不屬於自己的， 常常心存慾望。
握在手裡了， 又懷念未擁有前的輕鬆。
生命若不是現在？ 那是何時?
愈是簡單的快樂。 愈可以經久不變。
不用苦苦追求快樂， 就是一種幸福。

_________________
友朋知所剔，何患少交遊。