水草情迷

小弟起初好喜歡種水草,真係好靚,得閒睇下,真是賞心悅目.誰知水草生長快速,又時常出青苔,打理魚缸已經浪費很多時間,上草網閒聊,更加抗拒,水草種植好像不再是休閒娛樂的東西,而是甚麼學術性的東西-真的越接近真相,越接死亡.

你唔可以放棄嫁.. !!

講得好
真的越接近真相(D草好靚),越接死亡(D錢死得最快)
不過草唔貴....裝備先貴(又要用HQI or T5HO...又肥料又咩泥....又要理埋溫度又要睇下自己種緊係咩草 )....最重要都係心機同時間...真係少一樣野都幾難有真相出現
青苔=>本來生到成缸都係...真係想乜草都唔要....最後加左飛狐...上星期加左6條鉛筆....唔洗幾日..同我清左8成青苔...仲要鬥搶野食....都唔知佢地係未前世未食過野...24小時不停食食食

_________________
~狗會~有興趣可以加入
http://www.hkschnauzer.net

我以前也是如此的心態，看見人家的魚很靚，自己也買幾條落缸養，一星期後全缸盡墨。過了一段日子，看見人家種草很正，自已也買些回來種，數星期後全部水草由綠色變棕色......

我的養魚種草知識，全部都是魚街大哥醒的....幾好呀两叁句說話就算，問多句也不答！

現在有如此多和熱心的綱友，提供不同的心得，圖片，搜集各國養魚和水草的資料，供給不同功力的綱友，我們是否要多謝一聲呢？

我們是否要問問自己，除了吸收知識和抒發一下心情外，有沒有其它貢獻呢？

小弟個人認為每種嗜好都包含某一範疇內的學問, 小弟暫時都未想到邊種嗜好係冇任何知識包含o係裡面, 小弟覺得無論工作或嗜好本質都係類同, 付出 => 過程 => 收獲, 差別只在乎個別人士的心態, 有人對讀書工作覺得厭煩, 想擺脫, 但對嗜好就樂此不疲, 廢寢忘食, 但亦有抱相反態度的人, 反而視工作以外的嗜好為浪費時間(不過小弟未遇過 ).

小弟一個2呎缸都搞到個個禮拜半日腰骨痛(剪草), 心想有幾呎草缸的前輩真是一個字 --- 強, 但辛勞過後望著成果就已經將一切拋諸腦後 .

小弟種水草日子尚淺, 但已見過有幾位訴苦的網友, 請恕小弟魯莽猜測, 其實這種心態會唔會正正反映了以下情況呢:
1) 養魚養水草並非網友的真正所好
2) (呢點可能有少許冒犯, 請見諒) 網友遇困難即想打退堂鼓

若是前者就真是需要想想是否繼續了. 而若是後者的話, 小弟則不敢莽下判斷了 .

好少post 咁多字, 都唔知有冇離題lu, 再重申如以上文字對任何網友有所冒犯, 懇請見諒, 所有內容都只是一些個人感想而已, 歡迎任何其他意見, 謝謝!

我覺得你唔係接近真相,只係唔明白個真相,草有好多,你d草生得又快又高,只係你選擇錯誤草種,出青苔好可能係光同肥比例錯誤,當你知道自己個缸要咩肥,咩草,咩光照之後,你只要1星期左右換1次水就ok.唔再係咩辛苦事.
(以上只係我自己覺得,如有冒犯, 請見諒)

我層經都有這種想法, 覺得時常要修草和打理魚缸是一回好煩的事, 好像花了大量時間而只有一個不太滿意的造景是白廢心機, 但之後就將自己的要求降低一些, 明白自己對水草的知識是不可能造出甚麼大師級作品的, 於是我對玩水草的興趣又回來了, 小弟覺得要對一種興趣長期玩得開心, 就要學識順其自然, 太急進只會破壞了玩意中的樂趣...

每種玩意or 興趣都會有學術o既成份(你打kof 都要記招表，winning 都要識分人.....)
養魚本身唔太難(清缸的話... ) 只係當好多野加上去(草呀~ 重要係陽草呀~ 泥呀~ co2 呀~ 軟水呀~) 就要加多d 技巧上去，再加上個人對魚o既要求(我要養靚鯛!) 就更多野要學.....
其實lee d 野都係養魚o既樂趣，有野學有得玩有得睇，
就算打理都係養魚養草o既一部份(你唔種得好，枯左啦...邊有草過你剪得咁爽~ :p)
我玩左咁耐個人就覺得樣樣野都好玩(最唔好玩就係魚仔有病...)，如果真係覺得煩or厭...可能要諗諗玩魚缸係唔係真係咁fit 自己性格/興趣lu...(個問題有d 似，你鐘意一個女人，日日見會唔會厭一樣 )

BTW, 而家有網站，真係比以前不知好幾多倍，有人熱心人仕教路，我聽我老豆想當年養魚，真係咩都自己試，邊好似而家，坐係電腦前就知要點做要買咩咁爽，要上多d 泥就真~

我自己有時都會覺得好多野學, 好多野煩, 但係養魚可以令我忘記一啲更煩既野. 有時睇到啲魚生 bb, 又或者啲草種得好, 真係好開心. 我唔買貴魚, 因為好大壓力, 而講真你一條成千錢既魚我真係唔係好識欣賞. 反而一啲平魚, 睇吓佢打喊路, 追吓魚, 又或者睇到我既飛狐肥到唔多游到都可以有好多樂趣, 好滿足. 好似有多少離題...

如果覺得草長得太快, 喺忙既日子唔可以剪得佢好靚, 咪剪短啲, 唔洗剪得咁密, 又或者好似我咁, 換一啲好似大捲浪既懶人恩物. 有時可以放低一啲, 唔好日日都好似有個評審會嚟你屋企咁, 只要魚開心, 草又綠, 你又可以有時間睇吓, relax 吓, 咁就係 good 嫁啦...

其實你有咁既感覺可以睇得出你個 standard 好高, 不過個評審會係你, 剪嗰個又係你, 個 game 其實好易玩...

而且多啲上嚟唔係人地講一句你就要跟, 有時啲 advise 可以好似呀媽話你咁, "哦...."一聲然後完全忘記, 跟住喺受到教訓時先記返 (各位答過我問題既大佬, 我真係有照你地教既做...) 你仲可以講廢話, 表達一吓心情 (你幾時有機會可以講廢話而又有咁多人睇? )

總之一句講晒, 開心就得啦!

我就覺得養魚和育成一缸草, 係一件好有趣既事
記得最頭一年玩草, 同你一樣呀, o的草生得好快,o的鹿角苔又多到要送比人, 覺得好煩
於是改種一o的 生得慢又唔識高既草... 只是得霞時,剪兩下修一修...
剪了的草也懶理它在水面浮一兩天, 剪草變成好easy既事
後來養下養下草, o的綠點青苔生得快又多... 我冇唔開心之外, 我還買多幾舊石仔想佢地生多o的
現在草綱或者高手談既甚麼學術性的東西, 只是我地遇到問題時, 須要既解決辦法 或 參考....
當你既魚缸一切安好或你感到滿足時.... 佢地都只不過是多餘既真相.... 完全唔須要去深究
哈... 講到過裡 我都唔知自己講咩.....
總之記著用一個開心o的既睇法... 慢慢發掘佢有趣既地方.... 加油呀

我也認同最緊要開心， 但看見人家養魚人 99% 都識的事物， 好似硝化系統咁 (唔係買支菌咁簡單)， 係入門必學， 但雖唔係三言兩語就講得清， 但係 "五言四語" 便足夠， 竟然這樣都不是個個懂， 身為香港人都覺唔掂。 人家養魚是以年計的， 是寵物， 我們大部份人養魚當插花， 死了便魚街再見。 我覺得養魚養草尼個興趣和其他一般興趣有個很的大分別， 分別在於好似玩車， 自已開心便算還可， 最多架車唔夠人快唔夠人靚， 或者比人騙； 但係我地尼個興趣是有生命的， 仲係幾化學果種， 事實上是需要起碼的知識， 盡量減少靠運氣才對得住生命， 否則便沒有了 "養" 的意義。

何況怎麼興趣也要心機也要時間， 玩車的人自然可以背得出怎麼 EK EG EF， 玩 Hi Fi 的發夢也數著幾廿年前蘇聯某某廠出的真空管系列， 玩草的人講得出草需要怎麼原素怎樣份量才能生長也應很平常 (真係要知的也只是十樣八樣)， 要求也不算高啊。

不要把書本有的東西就當成學術性的廢物， 知識便是知識， 來源其實並唔重要。

不過講真， 養魚養草個人覺得並不是休閒娛樂的東西， 看人家的草缸才稱得上休閒。 我只會稱之為一種興趣， 而要從興趣之中得到樂趣， 便是那個過程， 和努力後得來成果那種滿足感。

完全贊成Macbrush所說--養魚養草個人覺得並不是休閒娛樂的東西， 看人家的草缸才稱得上休閒。 我只會稱之為一種興趣， 而要從興趣之中得到樂趣， 便是那個過程， 和努力後得來成果那種滿足感