|
早前在星X日報(睇X王)上看到,有免費幫讀者睇風水的服務.但要捭佢影下間屋.
寄信一試有回音.約了本星期二,過程如下:
星期二(28/5):執企理間屋,開定冷氣,點埋香薰等佢來,下午三時.有個妹妹仔記者及一個約40多歲的風水師父到來,入到間屋,坐在飯廳,即是魚缸旁之餐椅,我對自己個缸有d自信架!(一笑),他問我取了些資料,攪一大輪,劈頭第一句就話我個魚缸放錯位,繼續放在那裡恐防今年有重大意外咁話(驚驚)…….跟住又攪一輪,叫我將個缸放在客廳之泠氣機下(財位喎)!跟住…..其他同魚缸離題既野就略下….師父走後,個心有d不安.移動魚缸咁大工程既野,更係等放假至做,重要搵人幫手至得,咁就唯有遲早d 先啦.
星期三(29/5):由朝做到黑,夜晚主任話聽日搭直昇機做野,做好準備.其實搭直昇機做野唔係第一次,但just捭人嚇完,又有單台灣空難,個心有d…..???
星期四(30/5):昨夜及今晨都無心無力移缸,生死有命……...?到左工作地點,見天朗氣清,機師醒神.放心好多.為方便工作,有一邊機門是移走的(我坐那邊),上機飛行後都覺得個機師水準很高,很穩定.工作順利完成,但機師臨走玩野,貼住個山掟灣低飛,其實只係---覺---得好貼,係老細吩咐機師娛樂下我地咁話喎(同機連機師共5人),吹漲!但我感覺一般,又無開心又無驚.係下機後講番至知.今日重可以準時收工,幾好做,之前移缸既壓力無哂.
星期五(31/5):又係出面由朝做到黑,夜晚番到公司有同事玩我,話有直昇機空中解體,問係咪我之前坐個架,後尾睇電視至知原來係外國新聞,想起如果條西人機師玩出禍,今日出鏡既可能係我,個心又有d………
星期六(1/6):又係由朝做到黑,重要係香港,九龍及新界都去齊(其實都試過加埋離島)!
今日行程:美孚(屋企)---梅道(山頂)---九龍城---永建路(荃灣墳場左近之工業區)---青山公路(近深井)---九龍灣.趕頭趕命!唉!三十幾度天時背住二三十磅野,自己搭車架炸,陰公!除上山頂個程上落搭TAXI外(金鐘),下山個程BUSY間重唔記得取收條(CAMP數),其他搭MTR,小巴及步行架,隻腳勁生水卜.成日返到公司,其他同職責之同事都收左工(唔通我得罪左老細???),咁黑仔(姓瀨),所以明天(假期)一於CALL FRIEND搬魚缸.
呢個故事教訓我地,無特別野,唔好搵人睇風水.
靠害行為:
我取了那妹妹仔電話,OK架(一笑),話有朋友既話可以介紹捭佢識….…..(睇風水),需住宅之平面圖,出生資料,給要拍照數張(佢影間屋架炸,如果你覺得自己靚仔OR靚女,可要求出鏡,話唔定一炮而紅,咁就……)有興趣就PM我或看報(忘了是星期日OR 六才有此專欄)聯絡佢啦.
PS.雖然日做夜做,但回到家裡看缸草,心情會好好多.(無死魚死草既話,否則便會雙重打擊!!!).
可能長氣左,請見諒!
|
登入
註冊
問答集
