水草情迷

見大家呢排講咁多上樓鋪呀創業咁, 不如講下魚街而家既成功例子,參考一下人家成功之處, 再衡量下自己有否優勢。

不知何時, 曾經見過雜誌有段訪問關於生龍老板原來佢係最先將珊瑚呢樣野攪大, 由百貨公司內的一個單位直至呢家幾間地鋪, 認真巴閉! 成功之處係創先河! 有路返D新野！

發記, 草友鯛友一定知, 佢地舊鋪個display缸可算是突破了當時只種金魚藻, 大寶塔, 蕉草...一系列的舊式常規種草娘法及造景。
並引進名牌ada, tropica水草系列, 使到玩水草突破到high野high人玩, 呢樣野好重要, 由普羅野變為品牌野, 係搵錢要訣。
成功之處係推陳出新,破傳統。

新舊巷仔老板, 可為近來魚街新貴, 由一間暗巷鋪至呢家兩三間鋪堅野。佢有乜咁掂? 以我觀察(主觀D), 一口流利架文及能夠返到南美歐洲線魚, 成功之道一句講哂返到好野。線路廣。

玩樓上鋪(咸魚)又有個堅野, ken哥由以前魚樂無窮(十字路口 seven樓上)至西貢屋企賣魚, D客由旺魚跟到落西貢, 死跟, D客仲話有錢到未必買到Ken哥D靚魚, 一知有魚返, 好似D fans 係屋企門口等。咁得何解?咪係有好魚賣law, 返到好野, D客到唔理location問題, 照去!
價錢唔係平喎, 不過質素高, 魚街冇, 咁ken哥咪掂law。
成功之道質高及返到好野。(與及魚街咸鋪不求進取)

小結論, 想創業不論小本or錢多, 想突圍一定要人冇你有,返到野, 又或者突破常規...
地點未必係最大因素, 你要有D野係你在呢個market裡係你的。
我去過好幾間上樓, 大致上都係賣水草, 大陸硬件, 賣短鯛等
賣草, 魚街大量, 貴有平有
賣硬野, 魚街大量, 由D網友甚至自己過大陸買, 都好方便。
賣鯛, 出面大量魚友f1, 平價派街, 野生種巷仔宏高發記又有得返。
如果再攪呢幾個item, 根本冇空間, 除非你推到另外一個層次...
不過強如日本仔, 也至多在草種上不停尋找D新野。
(有少少離題)

唔知有冇人都知道其他魚店的發績史, 等多D想創業既網友多D idea。

天時地理人和

哈, 又有新討論.
要響朵, 除o左真係可以返o的人冇我有o既貨, 仲可以係"吹" 返到貨, 好似某有閣樓鯛魚賣個間, 之前就有"荷系" 魚返, 奇就奇在荷蘭何來鯛魚場, 好多台灣老大哥都未曾聽聞.
又依家有"日系" 魚之說, 落缸時就變野生乜乜物物, 出奇處就係野生魚又點會係日本仔手中游到過香江, 著名日本水族購物網內之魚價, 心水清魚友都應該見過, 係利害呀.
巷仔老細, 滿嘴流利架文, 都唔敢直接日本入口, 貴得驚人云云.
雖然來源有疑, 不過都不乏捧場吹噓之客, 荷風日系, 好魚齊來, 正所謂
"魚好有人要, 出處莫人知, 擺低千幾蚊, 拎返個折頭"呀.
豪客自有豪客心態, 捉得到時, 就萬試萬靈.

不過又認真說, 有留意之前巷仔返魚, 雖然好壞參半, 但都曾經有唔少好魚"平售", 四百幾雙帶同日系野生過千品種, 又不煌多讓, 呵呵..

純粹路過, 酒意上腦, 滿嘴胡言呀.

老實講,見到新一批魚街老世(油站對面新個幾間), 閣樓老世,
千篇一律, 水草呀, 鯛呀, 車頭魚呀...
全部都係易散易返D item, 想搵兩餐都幾難, 何來講發圍....
如果真係想揚名, 應從新D觀念度度....
講埋哂什麼荷日系, 原來係冇色魚...只招攪臭個朵。
唔多唔少都見到重港人都幾急功, 好似拍戲咁, 賭片得, 一堆爛片一齊上, 攪爛佢, 江湖片如是...
養魚賣魚原來都係...iiiii

小灰霸你好，做生意要計風險，依兩年有D老闆計過數，魚街玩唔過，咪搬入元朗玩，皮輕D、生意額低D、風險細D。重响魚街玩嘅，有D唔郁，反正都賺咗間舖；有D開多間去搶市場佔有率；有D就玩大佢，得就發，唔得就Mark鐘再起。亦有D人見有位，咪加埋入去玩囉。大路野，係人都買得賣得，來價一定平，風險自然低。卽使有好路，一定要簽獨家，唔係一定有人爭飯碗，到時井有得你掘，水冇得你飲，唔好怪人。但係簽得獨家就要咩數，風險自然高，不過利潤一定好，做生意一考眼光、二考膽量、三先至考本錢呀。

其實依家好難做架啦...特別係太多人加入...每加入一個...果價又平D...加一個...又平D....平平下...攪到好多人都寧願唔冒險..

唔知大家覺得專做某些魚會唔會係另一個成功之道呢？例如專做神仙、鯛、枇杷等其中一項。當然在該項目中又要返到正貨啦。

_________________
=================================
HP: http://www.samleung.net

我反而覺得做買硬件既鋪都可以搵唔少，不過要存貨，現金一定不能少。但就冇賣魚咁驚死魚。