水草情迷

唉！ 煩啊！
各師兄師姐，你地會問有咩野煩 ?
如果你地養養下發覺d魚全都係"公"，我"林"你地都會好似我....煩啊！
都唔知係唔係"同性相距，異性相吸"，十几條荷蘭鳳凰都係公。開頭先買一對，我有做功課嫁﹝紅肚係母，有天線係公﹞，不過體來體去好似都一樣，最後都係叫阿伯幫我挑，養左一几月天線越來越長，結果當然係兩隻公。跟住買左兩袋bb($30 6條) ，"林"住都會有一條係母，點知.......... 天線越來越長，都全部係公。
原本"林"住買一對由細養到大，跟住生bb，bb生bb，生生不息。結果都係公，點生啊！打架打到傻就有。最好笑，我大佬有一日指住個缸話：你兩隻魚好熱情，kiss 左好久，kiss完又kiss，又追來追去。妳就來做外婆啦！ 我一看，兩隻魚已經打到傻。
兩眼一番，無眼看。唉！

唔洗煩送D比人再買條乸咪得囉
送比我都得架

又唔係去買賣交換區,問有冇人想要公,然後用乸黎交換,都得架!

30雞6條咁平@o@~""係邊鼠買~?

_________________

同人交換啦.我都試過咁.....一係再買...一係同人交換^^

To : 龍炎舞
買果時無特別記住，所以唔記得，"靜"係記得在 " 卡奇 "附近，因為果日買完袋魚，就走去 " 卡奇 "買東西。

To : 冰刀貓 、natural 、je2091a
都有"林"過送人或同人交換，不過始終係自己由bb養大，俾左不少心血 ，o弟住佢地由無色變有色，有少少唔捨得送比人。
宜家我"林"緊可唔可以開多一個魚缸或換大缸，不過屋企細，而且我除左養魚，重有種紫羅蘭，屋企有70盤紫羅蘭，好似無地方。
開始養魚果時，老豆已經事先警告養魚唔可以好似養花"禁"，養養下由1缸變70缸魚，如果唔係佢會將d花掉落街﹝嘩！唔好呀！ ﹞。我當時話俾老豆聽：『老豆屋企細，邊可以放到70缸魚，你放心啦！』不過我好似無答應唔買70條魚，或者由細缸變大缸﹝ 2尺變3尺變4變5變6變變變 好彩老豆唔識用電腦，如果唔係d花就........ ﹞

lemontea:哈哈.我都試過咁...^^
加油呀~精神上支持你呀~^.^

依家唔知重有冇，以前D車頭會留起晒D乸，要嚟繁殖，所以有機會買親都係公。下次去買比D壓力D哥哥仔，唔識就叫老闆揀，佢認衰咪搵老闆揀，唔認衰咪比D心機揀囉。老豆好易諗，小心諗過籠，到時博命同你餵魚就大劑。