水草情迷

很期待一本香港出版的魚類及水草雜誌....

大家好!
本人現正研究發行本地水族雜誌的可行性
現想問問各位可否會知道以下事宜?

關於版權問題
1)如果本人想從某些(a)雜誌或(b)書籍或(c)網頁內某些文章及圖片抄錄到本人將要發行的雜誌上, 這是否已侵權?
2)請問可從他們處購得版權嗎?
3)如可從他們購買版權, 有沒有一個釐定的金額? 金額是多少? 或只是相方的協定某個金額?

Looking forward to your reply as soon as possible!!! urgent!!!

Swai:
以我經驗來說,看看可不可幫到你......
1) 其實現在香港大部份傳媒日日都做著你所講的事,只要不要抄到十足,
改少許地方便可......

2) 我諗可以的,找他們談談吧!!

3) 購買版權費....真係睇你點講咋喎,有平有貴,分佣又得!

P.S. 但係我都係唔建議你買版權,我諗你用版權費呢舊錢,
可以做到好多野!

1.改少少都得...不過....有d作家試過咁...之後比人告架@.@
2.$$既問題~
3.都係$$既問題~
搵出版商同你一齊攪啦.如果唔係差好多架.同埋自己一手攪曬既話好慘架...我有朋友自己攪書.一連攪左幾本.點知都..唉...........

swai兄我都有興趣喎，如果係的話，有無得諗諗大家合作下！！
請PM我！

arthuryan兄幫既話...我又幫~~~~kakaka~~~

冰哥仔幫我又幫@_@
我可以攬network

好呀~不過問左人先啦~

yeah!!我一定會支持期期買的。

如果只在港澳地區發行
抄外國雜誌係冇王管嘅，多年來：車書、game書、報紙娛樂版嘅外國明星新聞......都係抄外國雜誌。

很期待 我已經有很多諗頭呢。
例如每期都去魚友屋企訪問，第一個當然係網主super大人，因佢係病毒傳播嘅源頭，令本港將成為疫阜 。
第二個係冰刀貓兄，佢係近期中鯛毒最深嘅人，已經燒到104度半

_________________

仲有少少分享就係廣告雖然係主要收入來源，但唔好太過火。
比如本地年青人雜誌"milk"，起初只是得幾丁友嘅公司，連model影相都係拍心口無錢比。後來極受年青人歡迎(我期期買)，更成為本地主流雜誌之一。受歡迎便自然多廣告客户，廣告越來越多，內文越來越少，誇到成4分3係廣告。而家我同D friend都冇買啦。

祝短期內成功!!

_________________

我有個朋友開頭都係係milk度做架..但係後尾做做下佢話變左所以走左啦...不過好多時好多野開頭同之後都係好唔同....
青頭:我已經係燒壞左腦果隻啦~~~~~~~~~~~~~~~~~kakak~~

其實以資訊發達聞名的香港,一早要由香港人自己出番本水族書啦!d貓狗書多到暈!証明有利可圖啦!我實支持由本地創作!!

_________________
重投鼠魚懷抱!!
愛上猛魚,暴牙,河虎!!

你唔好聽人亂講呀！！
無錯好多人都會攞外國雜誌相登出嚟，但你点知人地有冇問過物主呢？
可能有呢？但如果你無問，就攞人地啲相登出嚟，人地原創者或雜誌公
司一發現，第一時間會循民事途徑告你，到時可能賠償要一大筆(要幾多錢由佢地講)，如你唔理佢，轉頭佢向海關投訴仲大件事！！你可能被刑
事起訴(坐監or罰錢)，兼留案底。跟住都要賠錢比投訴人。
其實你想攪呢本雜誌內容大部份都會針對本地讀者，呢度有咁多朋友你可以同其他人一起創作，問問其他草友借佢地啲相出嚟公諸同好，咪仲好，我一定第一個支持你。

其實我反而想問,你想做本本地雜誌,卻又想去偷人地d圖呀稿呀咁.
如果我係讀者,我點解要買你呢本左抄右抄的書?
你如果想攪書,我個人覺得唔可以一廂情願囉.
你應該好好諗下本書應該有乜內容,去邊度拿資料,如何用長期專欄去吸引住讀者.
講真,而家出面乜野類型d書都好,都總有幾本好似你咁諗去做書.
世界沒有白吃的午餐,人地咁辛苦寫又拍又採訪,比你信手拈來,美其名
叫本地雜誌來獲利,你自己想想,說的通麼?
我個人意見是,如果你為與趣而攪本書,你要預左要蝕錢來滿足你攪書的慾望.如果你當一盤生意黎攪,朋友,好好想想佢如何令你賺錢,及令讀者從中獲來取個平衝吧

其實舊年尾個貼文我都冇搭咀，而家好似實牙實齒咁攪，但又係度出貼文問法律意見，好似有D兒嬉!開得公司，要攞法律意見，律師費似乎冇可避免，响到問，就算答咗你，有起事上嚟，你可唔可以用"網友話嘅"嚟做抗辯理由？

其實計計下一期都幾甘下.....影果度都$20000左右..
如果有乜事仲唔至..之後人工呀制作費呀,資料費呀@.@..果度仲費呀~
不過我信只要有恆心就做乜都得~^^係香港無野係無可能架!!!
加油噢~^^