水草情迷

兩年前,響一間石油公司油庫做實習,那裡有一個30吋多的水草缸,雖然跟魚街的搵食缸差很遠,但每日出入都見到d魚呀,草呀,好得意!於是我便跟同事去行魚街,之後仲買了一個魚缸回家.........

一個20吋aa的魚缸,帶回家後,才發覺無地方放,於是馬上又去ikea買個鞋櫃(又一個奇蹟,一個ikea鞋櫃,竟然可以頂住個魚缸兩年,奇蹟!!!)跟住緊係放沙,入水,插草,放魚啦!唔洗兩個星期,d草死曬!!!!阿媽當時話,睇你玩到幾時!三分鐘熱度..................,你唔好整到周圍都係水呀!

跟住上網睇下(0個時發現唔到呢道,0個時蒲開"巧軒")!睇下睇下,又換枝白燈,又加左一套百多元的二氧化碳套裝!但都係唔得,0個時種草開似插花咁,一個星期便插批新草落去!!!種種下都無心機,咪只養魚囉!但.....行過魚街,見到d搵食缸,好靚,又想種草...之後當然係失敗啦!

之後出黎做野....,有兩個同事都係草友,常常講草...,個心瘾又發!之前做學生,無咁多錢買咁多工具!現在,一步一步的.....,又買燈,又買瀘水器,吸油器,又買co2!(20吋缸竟然可以放咁多野!!!勁!)d草真係靚左,而且仲無死到~~好開心!!!

阿媽依家成日問,d魚食左野未呀!話,你比咁少魚糧,想餓死佢地咩,我試下比兩粒飯你食睇0下你飽唔飽(所以佢成日偷偷地餵魚,d魚一見到佢行過,咪湧曬出黎囉...唉!我行過,馬上走,真的,因為我次次換水都攪到佢地!魚呀!係我養你地呀!!!)記住換水呀!!!!條魚大肚呀....!真係....好煩!但有一句....,阿仔,呢棵咩草呀,好靚呀,下次買多一兩棵黎種啦!!!!哈哈!都算你識貨!阿媽悶時,都會響道check下個魚缸同d魚啊!新年時,仲比左一封利是d魚tim!哈哈!(我問:乜唔係一條一封咩!!!)

雖然大家見到我的魚缸,會覺得好差!呢個係事實,所以咪成日上黎偷師,睇舊post!總有一日可以做一個靚草缸!

等過年時我地組隊到府上拜年, 之後每人為各人每條魚"才豆"番封利是先。
Wow, o念起都覺得和味. $$$

恭喜發財oralb媽 ha

我自己玩乜野都係三分鍾熱度,唯有養魚斷斷續續十幾年,最近一缸魚養左兩年左右,魚/草既吸引力好強,呵呵

咁你而家套co2要幾錢呀?

CO2 350g bottle - $380
電閥+計泡器+雙錶頭 - $768

咁整個巡迴拜年啦!

繼續努力

加油呀~~~^^

好 happy 呀你個故仔! 我都好似玩左2年, 不過無你個缸咁靚, 唔得, 聽日出去買莫絲先得!

得閑快ｄ換左個 ikea 鞋櫃先，唔係又奇蹟就大件事啦... 加油加油~

靚唔靚就見人見志， 但係唔知點解我一睇你個缸就知你係錫佢地。